في المستشفى عند الياس
كانت امه عنده تطمن عليه وخايفه عليه مرا بعد اللي صار معاه وجلست تتكلم معاه
ام الياس : كيفك اليوم
الياس : شوي احسن بس راسي يوجعني شوي
ام الياس بحزن على ولدها قالت
ام الياس : ماعليه ان شاء الله بتصير احسن وتطلع من المستشفى
الياس : ان شاء الله
ام الياس : عرفت مين المتسبب بالحادث
الياس بتعب : لا يمه بس كلفت اللي يشتغلون عندي يبحثون عن الموضوع لان الشرطه للحين تحقق
ام الياس : ان شاء الله يمسكون المتسبب مين ماكان
فجأة دق الباب وكانت هتاف دخلت وسلمت عليهم وقالت
هتاف : استاذ الياس ابيك بموضوع
الياس : تفضلي مافي احد غريب ذي امي
هتاف بتوتر : انا وسمير عرفنا مين المتسبب
الياس بصدمه : مين
هتاف : بسمعك تسجيل وانت ممكن تعرف مين صاحب الصوت
الياس : تمام
فتحت له هتاف التسجيل وهو انصدم وعرف مين الصوت
الياس بقهر : يا سالم ي كلب بس ليش وش غايته
هتاف بخوف : استاذ لاتنفعل عشان لاتتعب ثاني اللي يقوله سمير وحس انه ممكن من قهر من مكانتك
الياس ارتفع ضغطه من الصدمه وجا الدكتور يشوفه وقال لهم واضح تعرض لصدمه لازم يرتاح
ام الياس بحزن على ولدها دمعت وقالت
ام الياس : بخسر ولدي بسبب ناس ما تخاف ربها
هتاف بحنان : لاتخافي ي خاله بنخلي الشرطه تمسكه واستاذ الياس بيرجع احسن من اول
ام الياس : ان شاء الله يارب شكرا ي بنتي لوقفتك معانا
هتاف : ولو ي خاله واجبي
راحت هتاف وقررت تكلم سمير وتقوله انو بترسل له التسجيل ويروح يقدمه للشرطه عشان يمسكون سالم لان الياس تعب ثاني بعد ما عرف ولازم يخلون سالم ياخذ جزاته ومافي احد يقدر يسوي كذا غيره لسمير
.
في قصر ابو سلطان
بعد ما سوت اللي سوته العنود وراحت غرفتها راح عندها سلطان هي خافت يصير شي او يتضارب معاها
دق الباب سلطان وقالت العنود
العنود : تفضل
سلطان ابتسم : تبين شي من برا
العنود مصدومه اول مرا يقول لها كذا راحت عنده تحس حرارته
العنود بصدمه : فيك حرارة تعبان
سلطان ضحك : لا مافيني شي حرام اقولك تبين شي
العنود استغربت وقالت خل اطلب ونشوف بيجي لي اللي ابيه او لا
العنود : ابي قهوه من الستاربكس
سلطان ابتسم : ابشري ي حلوه
العنود مرا مصدومه من تغير سلطان المفاجاء تحس شي غريب اليوم دافع عنها والحين يقول لها وش تبين
العنود بغرابه : ذا واضح فيه شي اليوم دافع عني والحين يقول وش تبين من برا
خرج سلطان وراح الستاربكس وبعد ساعتين جا للقصر لان كان الستاربكس شوي كان زحمه
طلع عندها ودق الباب
العنود : تفضل
سلطان ابتسم : تفضلي
خرج سلطان من عندها قبل ماتقول له شي وهي مستغربه شافت اللي مكتوب على الكوب
كان كاتب سلطان ابتسمي ي حلو ابتسامتك
ابتسمت وجلست تشرب من القهوه وللحين تفكر هل صدق سلطان تغير ولا هو بس اليوم وممكن يرجع بكرا يقلب عليها
العنود بفرح : اخ مبسوطه اليوم الله يديم السعاده يارب ولا يغير علينا سلطان يارب
.
في فيلة ابو لؤي
بعد مامرت الايام وريماس ماحملت قررت ام لؤي تكلم ولدها بموضوع عشان هي تبي احفاد
دقت على لؤي وبعد مده رد عليها
ام لؤي : السلام عليكم
لؤي : وعليكم السلام
ام لؤي : انت فين
لؤي : بدوام شوي وجاي البيت عشان اتغدى
ام لؤي : تمام لان ابيك بموضوع مهم
لؤي : ابشري شوي واجي
بعد كم ساعه جا لؤي وراح عند امه قبل يطلع شقته
لؤي : السلام عليكم
ام لؤي : وعليكم السلام
لؤي : وش موضوعك يمه عسى خير
ام لؤي بتوتر : انا ابي اشوف حفيدي قبل ما اموت
لؤي : الله يطول بعمرك يمه بس ان شاء الله يمه ريماس بتحمل
ام لؤي : لمتى بننتظر انا بزوجك تجيب لي حفيد
لؤي انصدم من امه ماعرف وش يقول سكت
ام لؤي : شفيك سكت تكلم
لؤي بتوتر عشان هو يحب ريماس قال
لؤي : يمه منجدك وريماس
ام لؤي : اتكلم جد وريماس بتكون زوجتك الاولى عادي انا ابي افرح بحفيد
لؤي من الصدمه ماعرف وش يسوي قام وقال
لؤي :يمه انا استأذن بعدين نتفاهم بذا الموضوع
طلع لؤي فوق عند ريماس ومان باين عليه الضيقه
ريماس : شفيك متضايق
لؤي بضيقه : ولا شي امور الشغل
ريماس : تكلم صار معك شي
لؤي : مالي خلق شي بنام
تركته ريماس وهي بالها مشغول عليه خلته ينام ونزلت تحت عند ام لؤي تقول لها
ريماس : السلام عليكم
ام لؤي : وعليكم السلام
ريماس : ي خاله شفيه لؤي جاني متضايق
ام لؤي عرفت ليش تضايق بس ماقالت لها
ام لؤي : مدري يمكن عشان امور الشغل انا سألته ماقال
ريماس : تمام تبين شي اساعدك في شي
ام لؤي : ايه موعد الدواء حق الضغط
ريماس بحب : ابشري ي خاله
راحت ريماس تجيب الدواء وام لؤي تفكر كيف تقنع ولدها حتى لو يحب ريماس يتزوج ويجيب لها حفيد لان حمل ريماس تأخر مرا
#وكأنها_بالهجر_أخطأت
YOU ARE READING
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
