Guarded ✔ (Alpha Sigma Omicron #5)

27. Mommy!

We all headed to the dining area for breakfast. Mayroon namang swimming lesson si Voight, mas malaki nang espasyo ng swimming pool.

***

Bumisita sa amin ang grupo ng tatlong bata upang makipaglaro kay Voight.

Alas tres pa lang ng hapon, inaya na nila ako sa parke. Mamaya pa ang uwi ni Gotham mula sa inasikaso niya sa trabaho kaya kami munang lima ang tumungo sa parke upang maglaro.

There was a park outside of the subdivision. Mayroon din naman sa mismong loob pero mas gusto nilang lumabas kami dahil maraming nagtitinda ng iba't ibang snacks at laruan.

They were right.

Bumungad nga sa amin ang makukulay na lobo na may mukha ng iba't ibang cartoon character. Mayroon ding mga cotton candy at sorbetes. Nakasunod ang mga mata ni Voight doon.

"Do you want the balloon?" I asked him.

His eyes widened with glee and nodded. Ibinili ko naman silang apat ng lobo ng cartoon character na gusto nila.

Isinama nilang tatlo si Voight sa palaruan. They went to the swing by partner. May isang nakasakay at may isang taga-tulak, tapos makikipagpalit sila para lahat naman nakasakay.

Nakasunod lang ako sa mga bata. Bukod sa kanila, mayroon ding ibang batang naglalaro sa parke.

May inirapan na nga si Badiday na batang lalaking nang-aagaw ng kanilang puwesto. Basically, in kids' terms, the ones who got to the territory first were the bosses.

"Badiday..." tawag ko sa kanya.

Bahagya naman akong umiling, handa na siyang makipagsuntukan sa batang lalaki. Nawalan sila ng gana sa swing kaya lumipat kami sa slide. Pinahawak muna nila sa akin ng lobo, umakyat sila sa slide para maglaro.

I was more excited to see them playing and experience the little joys of life. Mas magandang hayaan ang batang mag-explore ng kanila. Ayos lang din minsan ang pagkadapa para matuto silang bumangon.

Nakangiti ako habang pinagmamasdan si Voight na bahagyang nakikipag-usap at laro sa ibang batang nasa itaas ng slide.

Basang - basa ng pawis nang bumalik sa akin si Voight, pinahid ko ang kanyang mukha nang malinis na tuwalya at inilagay iyon sa kanyang likod. Ilang minuto siyang yumakap sa akin.

Tumakbo rin ang mga batang babae sa gawi namin upang punasan ko ang kanilang pawis.

"Fili, can you b-buy us ice cream and cotton candy, please?"

"S'yempre naman, do you want to go with me?"

"We'll p-play pa!" Ngumiti siya.

"Okay. Don't wander around. D'yan lang kayo sa slide habang bumibili ako."

They all nodded at me.

Agad silang bumalik sa itaas ng slide. Tumungo naman ako sa stall ng cotton candy. Iyon muna ang inuna ko bago ang ice cream.

Panaka - naka akong sumusulyap sa tayo ng mga bata habang nanonood ng gumagawa ng cotton candy. I'm sure Voight would love watching them making the cotton candy.

He even waved at me at the top of the slide. I just shook my head.

Binayaran ko ang apat na cotton candy. Sumunod akong tumungo sa nagtitinda ng ice cream.

Nang muli akong lumingon, wala na ang mga bata sa slide. Kumunot ang aking noo. Siniyasat ko ang paligid para hanapin ang apat na bata. I told them to stay at their place specifically.

I located the four children.

Agad na lumundag ang puso ko nang makitang mayroong humihila kay Voight samantalang pinipilit namang agawin ng tatlong batang babae ang aking anak.