Freenမှာ အိမ်ပြန်ရောက်တော့ Becky ကို မတွေ့ရပေ
"အမေ...Beckyရော "
"သမီးတို့ နှစ်ယောက် အတူထွက်သွားပြီး ဘာလို့ အမေ့ကို လာမေးနေတာလဲ Sarocha "
"ဟို...သမီးနဲ့စကားများရင်း သမီးကို စိတ်ဆိုးပြီး သူ တစ်ယောက်တည်း ထွက်သွားတာ အဲ့တာ ..."
"ဟယ် ကလေးတစ်ယောက်တည်း ထွက်သွားတာလား Sarochaရယ် ညည်းနှယ့် ကလေးကို တစ်ယောက်တည်း ပေးသွားရလား အနောက်က လိုက်မှပေါ့ သူတစ်ယောက်တည်း လမ်းပျောက်နေရင် ဘယ်လိုလုပ်မလဲ ဒုက္ခပါဘဲအေ "
Becky အိမ်ပြန်မရောက်သေးဘူးဆိုလို့ Freenလည်း စိတ်ညစ်သွားရသည်
ဘာဘဲ ဖြစ်ဖြစ် Mallမှာတုံးက သူမဘက်က လွန်သွားခဲ့သည်မှာ အမှန်ဆိုတာ Freen သိသည်
သိရက်နဲ့ Becky နောက်ကို မလိုက်သွားနိုင်သည်မှာ ခံစားချက်တွေရှုပ်ထွေးနေလို့ပင် ဖြစ်မည်
သို့သော်လည်း ယခုတော့ ညနေစောင်းနေပြီဖြစ်တာတောင် အိမ်ပြန်မလာသေးတဲ့ Beckyကြောင့် သူ့နောက်လိုက်မသွားမိတာ မှားသွားပြီဟု Freen နောင်တရနေပြီလေ
တစ်တောက်တစ်တောက် တစ်တောက်
တိတ်ဆိတ်မှုကြောင့် ဧည့်ခန်းထဲက နာရီလှည့်သံက ပို၍ ကျယ်လောင်နေသည်
အမေဖြစ်သူက ဘုရားစာအုပ်ဖတ်နေပေမယ့် Freenကတော့ စာရေးရင်း တစ်စုံတစ်ယောက်အသံကို ကြားရမလားဆိုပြီး နားစွင့်နေလေရဲ့
ဂလောက်....ဂျောင်း
ခြံတံခါးဖွင့်သံကြားရတော့ Becky ပြန်လာပြီဆိုတာ သိပြီး Freen အရမ်းပျော်သွားတယ်
သူ့ကိုယ်သူတောင် သတိမထားမိဘဲ စာရေးရာကထကာ အခန်းထဲက အမြန်ပြေးထွက်လာသည်
"သမီးပြန်ရောက်ပါပြီ "
Beckyမှာ Freenရဲ့အမေကိုသာ အားနာသမှုနဲ့ နှုတ်ဆက်လိုက်ပေမယ့် သူ့ကို ရပ်ကြည့်နေတဲ့ Freenကိုတော့ မသိချင်ယောင်ဆောင်လိုက်သည် နှုတ်ဆက်လိုက်ပေမယ့် သူ့ကို ရပ်ကြည့်နေတဲ့ Freenကိုတော့ မသိချင်ယောင်ဆောင်လိုက်သည်
"ပြန်ရောက်တာ နောက်ကျတယ်နော် သမီးလေး "
"ဟုတ်တယ် အန်တီ သမီး သူငယ်ချင်းနဲ့တွေ့နေလို့ နောက်ကျသွားတာ "
YOU ARE READING
ဘက်ကီရဲ့ အပျိုကြီး မမ
Fanfiction"အပျိုကြီး" "တို့ကို အပျိုကြီးလို့ မခေါ်နဲ့ ကလေးမ "