Beckyကလည်း ရှက်ပြီး စကားမပြော Freenကလည်း နဂိုကတည်းက စကားနည်းသူဆိုတော့ လေဆိပ်ကနေ ပြန်လာတဲ့တစ်လျှောက်တွင် နှစ်ယောက်လုံးက တိတ်ဆိတ်နေသည်
"ကဲ အိမ်ရောက်ပြီ "
တစ်လမ်းလုံး တိတ်ဆိတ်လာတဲ့ Freenက အိမ်ရှေ့ကိုရောက်သောအခါမှဘဲ အိမ်ရောက်ပြီဆိုတဲ့ စကားတစ်ခွန်းပြောရှာသည်
"Becky သမီး လာ အိမ်ထဲဝင်လေ Freen ကလေးရဲ့ အိတ်တွေ ကူသယ်ခဲ့နော် "
Freenရဲ့ အမေဖြစ်သူက အိမ်ရှေ့မှာ ထွက်စောင့်နေပြီး ကားပေါ်ကဆင်းလာတဲ့ Becky ကို အိမ်ထဲဆွဲခေါ်လေသည်
Freenကတော့ ဘာမှမပြောဘဲ Beckyရဲ့အထုပ်တွေကို သယ်လာလိုက်သည်
"ကြည့်ပါအုံး Beckyလေးက ငယ်ရုပ်လေး မပျောက်ပေမယ့် ချောလာလိုက်တာ ထိုင်လေ ငါ့သမီးလေး "
အန်တီရမ်မီမှာ Beckyကို ပြုံးပြီး ကြည့်ရင်း ချီးကျူးနေသည်
"ကျေးဇူးတင်ပါတယ် အန်တီရမ်မီ "
"နော့် Freen... Becky က အရင်တိုင်းဘဲ "
အန်တီရမ်မီက သူ့သမီးကို လှမ်းထောက်ခံခိုင်းတဲ့ စကားကြောင့် Beckyမှာ မျက်နှာပူပြီး ဘာလုပ်ရမှန်းမသိဖြစ်သွားသည်
"မသိဘူးလေ "
"ဟဲ့ မသိစရာရှိလို့လား ငယ်ငယ်က သမီးနဲ့ ခဏခဏဆော့ခဲ့တာလေ မမှတ်မိဘူးလား "
Beckyမှာ သူလက်ထပ်မယ်လို့ ပြောခဲ့တဲ့စကားတွေ ပြန်ကြားယောင်ပြီး မျက်နှာပိုပူလာသည်
"ငယ်ငယ်ကကိစ္စတွေ ဘယ်လိုလုပ်မှတ်မိမှာလည်း ခိုင်းစရာမရှိတော့ဘူး မဟုတ်လား သမီး အခန်းထဲ ဝင်နားတော့မယ် "
"နေပါအုံး Beckyကို ရေလေးဘာလေးတိုက်လိုက်ပါအုံး သူမောနေမှာပေါ့ "
Freenလည်း အရမ်းဧည့်ဝတ်ကျေနေတဲ့ သူ့အမေကို ဘာမှမပြောဘဲ သက်ပြင်းချပြီး ရေခဲသေတ္တာဘက်သွားလိုက်သည်
"ကျေးဇူးတင်ပါတယ် P'Freen "
"ရပါတယ် "
"အခန်းထဲ မသွားနဲ့အုံး Becky ကို သူနေရမယ့်အခန်း လိုက်ပြလိုက် "
Freenလည်း သူ့အမေပြောတဲ့အတိုင်း Beckyကို သူနေရမယ့်အခန်း လိုက်ပြလေသည်
YOU ARE READING
ဘက်ကီရဲ့ အပျိုကြီး မမ
Fanfiction"အပျိုကြီး" "တို့ကို အပျိုကြီးလို့ မခေါ်နဲ့ ကလေးမ "