Becky ကားက တိုင်ကီပျက်သွားလို့ Freen တစ်ယောက် Becky သင်တန်းကျောင်းကို လိုက်ပို့ရသေးသည်
သင်တန်းကျောင်းရှေ့ရောက်တော့ Beckyက Freenကို ကျေးဇူးတင်စကားပြောပြီး ကားပေါ်ကနေ ဆင်းလိုက်သည်
"Becky ကိုယ် မင်းကို စောင့်နေတာ ဒီနေ့နောက်ကျနေပါ့လား "
ကောင်လေးတစ်ယောက်က Beckyကို စကားလာပြောတာကို Freen မြင်ပြီး မပြန်သေးဘဲ ကားစက်နှိုးထားတာကို ရပ်လိုက်သည်
"အာ ဟုတ်တယ် ညီမရဲ့ ကားရေတိုင်ကီပျက်သွားလို့လေ အဲ့တာမို့လို့ နောက်ကျနေတာ "
"Aww အခု လိုက်ပို့တာက ဘယ်သူလဲ အစ်မလား "
ကောင်လေးမှာ ကားထဲကို ငုံ့ကြည့်ပြီး မေးလိုက်သည်
Freenမှာ မျက်မှောင်ကြုတ်ပြီး ထိုကောင်လေးကို ကြည့်လိုက်သည်
Beckyလည်း စပ်စုလွန်းတဲ့ ကောင်လေးကြောင့် Freenနဲ့မိတ်ဆက်ပေးဖို့ လုပ်လေသည်
"P'Freen kha...ကားပေါ်က ခဏဆင်းခဲ့ပေးပါ့လား "
Becky က request လုပ်လို့ Freenလည်း ကားပေါ်ကနေ ဆင်းလာလိုက်သည်
"P'Freen သူက Nopတဲ့ သင်တန်းက သူငယ်ချင်းလေ "
Beckyက မိတ်ဆက်ပေးတော့ Freenက ခေါင်းညိတ်ပြသည်
စိတ်ထဲမှာတော့ Nop မကလို့ Hopeနေနေ သူနဲ့ ဘာဆိုင်လဲလို့ တွေးနေမိသည်
ဘာလို့မှန်းမသိ စတွေ့ကတည်းက ထိုကောင်လေးကို Freen မျက်နှာကြောတည့်မနေပေ
ကြည့်မရဘူး ဖြစ်နေလေရဲ့
"Nop...သူက ညီမရဲ့ အစ်မ...ဝမ်းကွဲ Freenတဲ့ "
"တွေ့ရတာ ဝမ်းသာပါတယ် P'Freen kha...ကျွန်တော်က Nop ပါ "
Nopက လက်ဆွဲနှုတ်ဆက်ဖို့ ကမ်းပေမယ့် Freenက မသိချင်ယောင်ဆောင်နေသောကြောင့် ကြားထဲက Beckyက အားနာရသေးသည်
"ဒါဆို ထွေထွေထူးထူးမရှိရင် တို့သွားတော့မယ် Becky..... သွားစရာလေးရှိနေလို့ "
Freenမှာ Nopကို ကြာကြာမတွေ့ချင်လို့ Beckyကို နှုတ်ဆက်ပြီး ထွက်လာလိုက်သည်
"Becky...နင့်အစ်မက ဘယ်လိုကြီးလဲဟ နင်နဲ့လည်းမတူဘူး..... နင်ကဖော်ရွေသလောက် သူက....'