🌸🔥វិមានស៊ើបក្តីអង្គារសិល្ប៍ 🔥🌸

ភាគ៨: រកមិនឃើញភ្តុសតាង និងជនសង្ស័យ តើគេសម្លាប់ខ្លួនឯងពិតមែនឬ?

~ កាត់មកដល់អ៊ីប៉រវិញ គេបានពិនិត្យកន្លែងដែលអ្នកប្រុសលីហ៊ាងចងករសម្លាប់ខ្លួន គេបានពិនិត្យដើមឈើ និងនៅលើដី ហើយនៅក្បែរៗនោះយ៉ាងលម្អិត ~

ឆាងយី៖ យ៉ាងម៉េច?! តើមានអ្វីខុសដែរទេ?

អ៉ីប៉រ៖ ដើមឈើមួយនេះព្រមទាំងនៅលើដី ហើយនឹងក្បែរៗនេះមិនមានអ្វីឡើយ ស្នាមខ្សែរក៏ដូចគ្នា ដូចជាគេបោះឡើងទៅលើ ហើយចងដោយមិនបាច់ប្រើអ្វីមកដាក់ឈរចងខ្សែរចឹង ដើមឈើនេះរាងខ្ពស់ដែរទាល់តែអ្នកចេះសម្រាលខ្លួនទើបអាចហក់ឡើងទៅចងខ្សែរបាន

ឆាងយី៖ នេះឯងចង់និយាយថា អ្នកប្រុស លីហ៊ាងចេះវិជ្ជាគុណមែនទេ?!

អ៉ីប៉រ៖ រឿងនេះជាតួនាទីឯងហើយ ក្រែងថាគ្មានរឿងអ្វីដែលឯងចង់ដឹងហើយមិនដឹងនោះទេ មែនទេ?! បើយើងដឹងអំពីរឿងនេះ នោះហើយ...គឺជាតម្រុយ ( អ៉ីប៉រសម្លឹងមើលមុខឆាងយីដោយញញឹម)

"ឆាងយីញញឹមដាក់អ៊ីប៉រហើយក៏តប" បាទ ត្រូវហើយ ខ្ញុំនឹងទៅឥឡូវនេះបាទ អ្នកប្រុសអ៊ីប៉រ រងចាំដំណឹងពីខ្ញុំទៅ (ឆាងយី ក៏បានចាកចេញទៅ)

~ អ៉ីប៉រក៏គិតក្នុងចិត្ត (មើលទៅខ្ញុំត្រូវទៅលេងអ្នកនាង លានអឺ បន្តិចដែរហើយ ដើម្បីកុំឲ្យគេថាមកផ្ទះគេហើយមិនទៅជម្រាបសួរម្ចាស់ផ្ទះ) អ៉ីប៉រញញឹមបន្តិចហើយក៏បានដើរចេញទៅ គេក៏បានជួបនឹងស៊ីងស៊ីងដែលជាអ្នកបំរើជិតសិ្នតលានអឺ អ៊ីប៉រក៏បានសន្ទនាជាមួយនាង ~

អ៉ីប៉រ៖ អេ អ្នកនាង! តើខ្ញុំអាចជួបអ្នកនាងលានអឺ ដែលជាប្រពន្ធអ្នកប្រុស លីហ៊ាងបន្តិចបានទេ?! ខ្ញុំមកពីវិមានស៊ើបក្តីចង់សួររឿងខ្លះៗដល់នាង

ស៊ីងស៊ីង៖ អ្នកនាងរបស់ខ្ញុំពេលនេះមិនស្រួលខ្លួនទេ គាត់ទើបតែងើបពីសន្លប់ ខ្ញុំគិតថាអ្នកប្រុសចាំមកពេលក្រោយទៅល្អជាង អ្នកនាងខ្ញុំត្រូវការសម្រាក

ពេលនោះ លានអឺក៏បានដើរចេញពីបន្ទប់មក ហើយក៏និយាយ៖

"ស៊ីងស៊ីង! មិនអីទេ អ្នកប្រុសខាងនេះ ខ្ញុំរាងមិនស្រួលខ្លួនទេព្រោះស្វាមីទើបតែស្លាប់ ដូចនេះអ្នកបំរើខ្ញុំខ្វះការគួរសមបន្តិចហើយ បើអ្នកប្រុសចង់សួរអី សូមអញ្ចើញ ពួកយើងអាចទៅនិយាយគ្នានៅខាងក្នុងបាន