في قصر ابو سلطان
رجع سلطان من برا وراح عند العنود وطلعها وقال لها اليوم هي مسؤله عن التنظيف كل شي وتحضر له الاكل
سلطان : خلينا حلوين مع بعض من البدايه واسمعي كل شي اقوله لك
العنود بتعب : وش تبي
سلطان : انتِ اليوم مسؤله عن كل شي تنظيف واول شي تنظفين غرفتي
العنود : ماشاء الله والخدم وش وظيفتهم
سلطان : اسمعي الكلام ولاتخليني اعصب
العنود بعناد : انا تعبانه ما اقدر اسوي شي
سلطان هنا جن جنونه وعصب
سلطان بعصبيه : كل مرا نفس الشي ماتسمعينى الكلام اوريك انا
هنا سلطان راح عند العنود واعطاها كف على خدها وطاحت في الارض وتعورت
العنود : حسبي الله ونعم الوكيل لو ابوي موجود كان ماصار فيني كذا
سلطان : تستاهلين ماحد قال لك تعانديني
العنود بكيت وقالت : خلاص ابعد عني انا وش ذنبي بكل ذا انت اذا فيك غضب طلعو بغيري خلاص
سلطان : اقول انطمي وقومي
العنود قامت وغصب عنها رغم تعبها راحت تسوي غرفة سلطان وحطت له اكل ورجعها قن الدجاج رغم تعبها ما هان عليه يخليها ترتاح
العنود بقهر صرخت : اه يارب خذ روحي وريحني عشاني يتيمه كذا يعاملني
.
.
.
في شقة ابو هتاف
بعد يومين جا موعد التسجيل عبت هتاف البينات وكل شي المطلوبه للجامعه ورسلتها وانتظرت اعلان النتيجه وجاها ان ماتنقبل
جات لها امها عشان تعرف وش صار معاها
ام هتاف : شو صار
هتاف بحزن : ما انقبلت بالجامعه عشان نسبتي
ام هتاف : معليش كله خيره من الله
هتاف : تمام
جلست هتاف على جوالها من القهر صارت تقلب بالانستا فجأة تجيها رساله
البنت : السلام عليكم
هتاف : وعليكم السلام مين ؟
البنت : حابه التعرف عليك
هتاف : اوك بس وش اسمك؟
البنت : انا اسمي خديجه وانت
هتاف : عاشت الاسامي وانا هتاف
البنت : عاشت ايامك تشرفت
هتاف : الشرف لي
جلست هتاف تتعرف على البنت وتسولف معاها وبعدين قامت حست بالجوع
هتاف : انا بروح اكلمك بعدين
البنت : تمام وانا كمان باروح
قفلت هتاف الجوال وراحت تاكل وقعدت تفكر اذا ترجع ثاني اذا تكلم البنت او لا
.
في فيلة ابو ريماس
جو عندهم اهل لؤي لان ابو ريماس كلمهم يجون حب يعزمهم ويجلس مع اخوه
(عند ريماس بالغرفه)
ريماس بينه وبين نفسها : اف وش البس مني عارفه
راحت تدور وش تلبس وهي محتاره شافت فستان شوي قصير طلعته وراحت اخذ شور على السريع وطلعت لبست ملابسها وحطت ميك اب خفيف وسوت شعرها ونزلت تحت عندهم
سلمت على خالتها وجلست معاهم
ام لؤي : كيفك ي ريماس
ريماس : الحمدلله انت كيفك ي خاله
ام لؤي : بخير ي بنتي
قامت ريماس تبي تروح المطبخ تجيب القهوه والحلا
ريماس : انا باقوم اجيب القهوه والحلا
ام ريماس : تمام
راحت تجيبهم وهي تجهز الاغراض دخل لؤي المطبخ يبي يشرب مويه على باله مافي احد
لؤي شافها وصنم عشان شكلها يجنن بالفستان ماشال عينه عنها
لفت هتاف وجات بتصرخ راح عندها وسكر لها فمها عشان لاحد يسمعهم ويفهم غلط
لؤي : اسكتي لاتفضحينا
ريماس عصبت : هذي ثاني مرا تعيدها تبي اعلم ابوي
لؤي : جيت بشرب مويه على بالي مافي احد
ريماس : واضح عاجبك تطالع فيني
لؤي : اننن من زين شكلك لابسه قصير ماتقولين ولد عمي موجود
انقهرت ريماس من كلمته واخذت القهوه والحلا وراحت عند امها
ام ريماس : اشبك طولتي
ريماس : كنت اسوي القهوه عشان كذا طولت
ام ريماس : تمام
راح لؤي عند ابوه ويكلم نفسه
لؤي بينه وبين نفسه : اف تجنن لازم اشوف يوم اكلم ابوي يخطبها لي قبل تروح مني الله يكتبها من نصيبي يارب
.
.
.
في قصر ابو سلطان
كانت اسيل جالسه بالغرفه ماتدري ايش تسوي فقررت تتصل على صحبتها تشوفها من الطفش
اسيل : السلام عليكم
سلمى : وعليكم السلام
اسيل بطفش : وش تسوين
سلمى : ولا شي جالسه وانتِ
اسيل : ولا شي شرايك اجي عندك ونطلع المول
سلمى : اي يلا انا باروح اجهز على ماتجين عندي
اسيل : تمام سلام
قفلو من بعض وراحت اسيل تجهز وهي تجهز نادة على الخادمه عشان تقول للسواق بجهز السياره على ماتخلص
اسيل : جوليا
الخادمه : نعم
اسيل : كلمي السواق يجهز السياره باروح عند صحبتي
الخادمه : حاضر
راحت الخادمه تكلم السواق واسيل كملت وبس خلصت لبست العبايه ونزلت
اسيل : مصطفى
مصطفى : نعم
اسيل :وديني بيت صحبتي سلمى تعرف وين البيت صح
مصطفى : ايه اعرف
وصلت اسيل عند سلمى ونزلت وقالت له يروح
سلمو على بعض وقالت سلمى
سلمى : بنروح مع السواق ولا اطلب اوبر
اسيل : اطلبي اوبر ابوي يبي السواق
طلبت سلمى اوبر وجلسو ينتظرونه يجي
.
في قصر ابو سلطان
سلطان وهو بالغرفه على السرير تذكر حبيبة الطفوله اللي كان يحبها وتحبه من وهم اطفال وكان مخطط بس يكبرون يتزوجها هنا نزلت دعمته وكتب بالتويتر تغريده
فيا مَن قد نَوَى سَفَراً بَعيداً
متى قُلْ لي رجوعُكَ من نَوَاكَا
جزاكَ اللهُ عني كلّ خير
ٍوَأعْلَمُ أنّهُ عني جَزَاكَا
فيا قبرَ الحبيبِ وددتُ أني
حملتُ ولوْ على عيني ثراكا
سقاكَ الغيثُ هتاناً وإلاّفحسبك
َ من دموعي ما سقاكا
وَلا زَالَ السّلامُ عَلَيكَ مني
يرفّ مع النسيمِ على ذراكا
هنا سلطان ماتحمل ونزلت دموعه زياده وقام دخل الحمام (الله يكرمكم) وتوضى وراح يصلي ركعتين يدعي لها فيها
بعد ما خلص قرر ينزل تحت يشوف العنود لايكون صار لها شي
راح عند قن دجاج وصار ي ناديها وهي ماترد
سلطان : عنود
ماردت قال لايكون نايمه رجع ينادي ثاني
سلطان : عنود بنت
راح قرب عندها وحط يده مكان النبض اللي برقبتها وحس مافي نبض هنا شالها على السريع بخوف وركبها ورا بالسياره وصار يسوق زي المجنون عشان يوصل المستشفى
بعد ما وصلو سلطان صار يصرخ
سلطان بصراخ : احد يجي بتموت
جو الممرضات وحطوها على السرير واخذوها بسرعه وقالو له ينتظر برا
سلطان بخوف : يارب احفظها ما ابغى ينعاد الموقف مرتين حبيبتي والحين هي
الدكتور حاول ينعشى مرا ومرتين لين رجع النبض لها بعد ما خلص حط لها مغذي وقالهم خلوها ترتاح
طلع الدكتور من عندها وجا له سلطان
سلطان بتوتر : طمني عليها
الدكتور : وش تقرب لها
سلطان : اخوها
الدكتور : النبض رجع الحمدلله وحطين لها مغذي الحين وان شاء الله تقوم بالسلامه
سلطان : ان شاء الله
الدكتور : واضح ماتتغذى كويس لازم تتغذى
سلطان : ولا يهمك مشكور
الدكتور : العفو واجبي
راح الدكتور يشوف شغله وهو دخل يتطمن عليها
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
