ပျန်းနမ် စဥ်းစားလိုက်ပြီးနောက် ဆက်၍ -
"ရေက ဘယ်မှာ သွားကူးမှာလဲ။ အခုအချိန်ဆို ဘယ်ရေကူးကန်ပဲဖြစ်ဖြစ် လူများနေမှာပေါ့။ မနှစ်က သူများနဲ့လိုက်ပြီး တစ်ခါ သွားဖူးတာ၊ အန်တီကြီးတွေက ရေချိုးဆပ်ပြာရည်တွေပါ ယူသွားတာ၊ အသုံးလိုလား မလိုလားလည်း မသိဘဲ ......"
"ရေကူးကန်ကို မသွားဘူး"
ချိုးယိ မတ်တတ်ရပ်လိုက်ပြီး -
"မြစ်ထဲမှာ သွားကူးမှာ"
"မြစ်ထဲမှာ ဟုတ်လား"
ပျန်းနမ် ကြောင်သွားခဲ့ပြီး -
"ငါ့လခွမ်း။ ငါတို့ ဟို မြို့ပတ်ကျုံးရဲ့ ကျုံးရေဆိုရင် ခုန်ဆင်းပြီး ပြန်ဆယ်ထုတ်လာတာနဲ့ 'ရွံ့ရုပ်-ကျန်း' ရဲ့ နောက်ဆုံးထွက် လက်ရာဆိုပြီးတော့ ဟန်ဆောင်လို့ရနေပြီ"
[T/N 1: 'ရွံ့ရုပ်-ကျန်း' - '泥人张' ဆိုတာကတော့ တရုတ်နိုင်ငံ၊ ထျန်းကျင်းမြို့က ကျေးလက်ရိုးရာ အနုပညာလက်ရာ ဖြစ်ပါတယ်။ ချင်းမင်းဆက်ခေတ်မှာ ကျန်းမင်ရှန်း (张明山) ဆိုတဲ့လူက ဖန်တီးခဲ့ပါတယ်တဲ့။]
"စောက်တုံးတွေပဲ ကျုံးထဲ ခုန်ဆင်းကြတာ"
ချိုးယိက အခန်းထဲ လျှောက်ဝင်သွားရင်း -
"မြို့ပြင်ထွက်မှာ"
"မြို့ပြင် ထွက်မှာ ဟုတ်လား။ ဘယ်လို ထွက်ဖို့လဲ။ ကားငှားမှာလား"
ပျန်းနမ်က သူ့နောက် လိုက်သွားရင်း ဆက်၍ -
"ဘယ်လောက်ဝေးလဲ"
"စက်ဘီးစီးသွားမှာလေ"
ချိုးယိ နောက်လှည့်ကြည့်ပြီး တန့်သွားခဲ့ပြီးနောက် -
"မေ့သွားတယ်။ မင်းမှာ စက်ဘီးမရှိဘူးပဲ ......"
"ကားငှားသွားမယ်လေ။ အလွန်ဆုံးနေမှ အသွားအပြန်နှစ်ကြောင်းစာ တွက်ပေးလိုက်ပေါ့ ကားခကို"
ပျန်းနမ်သည် မြို့ပြင်ထွက်မည်ဟု စဥ်းစားမိသည်နှင့်တစ်ပြိုင်နက် ရွေ့လျားလှုပ်ရှားမှု ကြီးမားလှသည်ဟု ခံစားရသည်။ ယေဘုယျအားဖြင့် ပြောရလျှင် သူတို့အိမ်ရှိလူများသည် နှစ်ကီလိုမီတာကျော် သွားရမည့်ခရီးအတွက် မော်တော်ကားမရှိလျှင်ပင် မည်သူမျှ မလှုပ်ရှားချင်ကြတော့ချေ။
![](https://img.wattpad.com/cover/359134895-288-k717118.jpg)
YOU ARE READING
《Wolf pair》- ဘာသာပြန်
Teen FictionLang Xing Cheng Shuang (မြန်မာဘာသာပြန်) မူရင်းစာရေးသူ - ဝူးကျယ် Wu Zhe
Chapter - 26
Start from the beginning