زينة الهاشم 2

الجزء 27

زينة الهاشم 2 💝
الجزء 27
نهار العقيقة قالي هشام رجال نعشيهم الفوق في دارنا الشومبرة غلقتها بالمفتاح كاش ما تحتاجي عيطيلي نجيبلك قتلو صحا بصح بليز هبطلهم لافيسال اوموان تعاونهم شوية _خلاص ممبعد نهبطها مع كاش واحد من الشاشرة نديرها فالدوش في بلاصة الماشينة لافي ثاني حبي اعدلي روحك و تعرسي ردي بالك نلقاك فالكوزينة ولا كاش ما تخدمي نتي عسي غير عبد الاله وردي بالك عليه __أصلا منقدرش نخدم تهنى _هيه عمري رتاحي لاحقة على الشغل اوكي هو ناض خرج مسكين مشغول بصح غير مرة مرة يطل عليا جاو نسا العموم بعرايسهم من الصباح بكري باش يعاونو مساكن بعد الغدا جاتني عجوزتي اتكاي شوية ونوضي اعدلي روحك شوية يجو الناس قتلها صحا رقدت شوية ونضت غسلت جيت نلبس معرفتش واش نلبس عجوزتي قاتلي البسي الشاوي نتاعك _بصحك لاه عروسة انا _مالا واش لازم تباني قدامهم  هشام هبلناه غير طالع هابط يجيب فحوايجي وانا معجبونيش مجاونيش نتاع هذي المناسبة الخطرة التالية جابلي جبة فتون مطرزة في الصدر بالحزام جاية فاغ بالدوغي قالي هاذي جيك شابة وصح جاتني هايلة كنت غسلت شعري سشوراتولي زهيرة ودرت مكياج دخلت العجوز قاتلي راكي شابة جابتلي فلايك نتوعها قاتلي جابهملي المرحوم كي زيدت بهشام بستها وشكرتها لبستهم شحال شابين ورزان ذهب بكري قريب العصر بداو المعاريض يجو منهم أهلي سعاد مناقشك هايلين وينتا شريتيهم مشفتهمش _مدتهملي عجوزتي _يا عمري وأخيرا رضات عليك كريمة هيه ولاه مترضاش وهيا جابتلها هشام وحداخر صليحة لاه واش بيه هشام _ونتي لاه رجعتي دافعي على هشام كل وقت _خاطر شفتك مش عاجبك _يعجبني ولالا المهم عاجب مولاتو _ونتي قلتيها المهم زينة عاجبها خرجت كريمة صليحة اسمعي زينة مكاش لي ميبغيش والديه  وديجا راجلك ونتي تعرفيه خير منا متسعي لحتى واحدة مش لي متزوجش عليها راجلها معناتها هانية معاه كل دار وفيها مشاكلها هزيتلها راسي سعاد _هاذي واش بيها الطفلة نافسة وجاية تصدعلها في راسها بهذي الهدرة ، المهم جوزت عقيقة ولدي فرحانة مدرت حساب لحتى واحد أم هدى جات وخالاتهم تاني هذيك الخالة الكبيرة الشمطاء كون لقات تقتلني جا هشام دا عبد الاله شوية نسمع فيه يبكي بزاف زربت ليه نلقاه مهبطو من الدروج _واش بيه لاه يبكي هكا _مكان والو طهرتو برك _ياخاه هذا واش يعرف فالطهارة حتى طهرتو غاضني ولدي وليت نبكي معاه _يا طفلة واش بيك ضوكا خير ما يكبر سعيد يضحك عليا تلفت لقيت العجوز من ورايا _لاه الصغير يبكي هكا _شوفي ولدك المهبول طهرو _لاه هبلت وخليتو يكبر شوية _ما الطبيب قال عندو شوية المكروب طالع طهروه قبل شهر _وعلاش مقتليش _محبيتش نقلقكم وتعرفي زينة خوافة كون سمعت دير منها حكاية _نتي لاه تبكي _ولدي يبكي وموجوع _ادخلي رضعيه ونديرولو الدوا ضوك يرتاح دخلت انا وياها قالت لبنات يزغرتو قلبو الدنيا بدلنالو ورضعتو دارتلو زهيرة الدوا بكى مسكين حتى تفسخ ورقد. المهم كملنا العقيقة نتاعنا بالطبع اهلي بقاو باتو وحتى عموم هشام مراحوش الرجال رقدو لفوق والنسا لتحت انا رقدو معايا خواتاتي في بيتي مريم حبت ترقد معايا بصح مزالت كاينة حساسية من جهتها من كريمة مالا رقدت مع الاخير للصباح راحو أهلي عيا هشام مع جمال ونجيب بصح محبوش يقعدو ،وأهل هشام مساكن حتى خملو كلشي مع لبنات وشربو قهوة العصر باه راحو ،قلت لهشام نروح لدارنا قالي اصبري تنحي الخيط وتشوفك الطبيبة وندي حنونتي.
كملت 12 يوم من زيادتي نحيت الخيط والحمد لله رتاحت شوية وحتى عبد الاله 3 ايام وبرى داني هشام لدارنا واش فرحو بيا جاو أهل صليحة باركولي اهل زوج كريمة  جيران أم مريم وحتى نسا عمومي سيدعلي كي شاف ولدي قالي خلاص زينة قررت نتزوج ضحكنا عليه سقساني نجيب على الرخيس هذاك قتلو لالا معاودش تبلاني قالي اي حاجة قوليلي قتلو داكور بابا وخاوتي متشوقين يشوفو عبد الاله زاكي قالي للصيف نهبط على جالو نعذبو ناكلو ،هشام هبل كل يوم يقولي نجي نديك انا نتي مكنتش نصبر عليك عاد وين راكم زوج انا خوفي وتخمامي غير هدى ترجع للدار خاطر نهار خرجت من الكلينيك مالقيتهاش قالولي غير سمعت بلي ولدتي راحت لدارهم ولدك وما شافتوش قلت تخمامي قاع انها تجي وأنا مش ثما وتلقى راحتها مع هشام علابالي حتى هيا مرتو بصح الله غالب مقدرتش نتقبل انو تشاركني في هشام ،المهم جوزت سمانة في دارنا ذراع وجا هشام داني كي وصلنا قتلو نطلع لداري راني مليحة قالي هيا ما دايرالك عشا ممبعد ساهل دخلنا سلمنا عليهم وتساولنا شوية حتى جات هدى سلمت عليا فوق القلب مبروك يتربى في عزكم وباست عبد الاله وحطتلو مكتوب قتلهم نطلع نرتاح حلفت عليا العجوز مكاش الفوق حتى تكملي النفاس ياخاه 40 يوم نبقاها هنا _هيه واش فيها _لالا بزاف عليكم _علاه حاملينك على كتافنا ولا قلت تكملي 40 تكملي الربعين غلبتني فالراي وبقيت عندهم يوكلوني غير المخيرة وماكلتي لفراشي حتى وليت نقوللهم ناكل معاكم عبد الاله العجوز قايماتو انا نرضعو وفقط وفالليل هشام يسهر معاه وساعات يغلبو النعاس والله ما ينوضني يديه ليماه تسهر معاه ولى النهار يظل راقد وفالليل تحلالو السهرة لبنات من زمان متفاهمة معاهم زينب ويما الجوهر ويما صفية تقريبا يوم بيوم عندنا الاشكال الوحيد كان هدى  الهدرة بالمعاني وغير تخبط ومش عاجبها الحال نتاع كيفاش نخدم عليها وزاد كي ولى هشام يبات معايا وهيا لا قاتلو مرة ارجع ديرنا يوم بيوم قاللها لالا زينة مريضة متقدرش لعبد الاله حتى ترتاح وساهل قاتلو خليه لعمتي هو محبش فالاول كانت دير الحس ممبعد حلف فيها يا تهني روحك يا داركم رجعت رتبت غير وحدها.
واحد اليوم جاتني زهية الدنيا مش سايعتها _واش سر الفرحة بشري _زينة فاتح هابط هذي السمانة وقالي حاب نخطبك إذا تقبلي _ونتي واش قلتي _قتلو قابلة بصح حتى نشور هشام وما _هيا واش قالك _قالي انا كي نجي نهدر معاهم نتي متقوليلهم والو ضوكا _ربي يتمم بخير حنونتي _آمين ،وصح جا فاتح وجا زارني وباركلي انا وهشام  وحب يخلي أمر الخطبة حتى ممبعد يعني حتى يدخل للخدمة مالغري هو البوست نتاعو كان واجد بصح قال لزهية حاب ندخل الخدمة ونجي نهدر على ضربة.
المهم فوت 40 يوم نتاع نفاسي كلها تحت حتى اليوم على العشا نطقت العجوز قالت لهشام كون تهدر مع فلان يخلينا الحمام نهار الجمعة لينا قاللها لاه قاتلو حابة نقفل لزينة ومنها نعرض نسا عمومك وعرايسهم وبناتهم وتاني خالاتك ومرت خالك قاللها بزاف هكا اعرضي غير دار عمومي هدى معجبهاش الحال زاد قاللها وزينة تغسل في دوشها الفوق خير من الحمام قاتلو لالا لازمها حمام ضوكا على النفاس شفتو معجبوش الحال رجع قاللها روحي غير نتي وياها ولبنات لاه باغية توريها للنسا لكل _وكي يشوفوها راح ينقصو منها لحمة ولا شحمة _أففف خلاص معليش نطقت هدى أنا منروحش العجوز لاه _هشام ما معينهاش تروح خلاص دبر راسها _لالا لاه متروحش هدى سكتت نطق هو _مريضة ولا نفسروهالك أنا ماعجبنيش الحال تشنفت كملنا ودخلنا لبيتنا _لاه قالبة وجهك عليا _منعرف شوف نتا _واش درت ثاني _معلابالليش حاسبلها وتعرف وقت العادة نتاعها _ههههه غيارة والله معلابالي جيست باه تسكت ما قتلها هكا عوجت فمي _والله كيما نقولك ضوك كون مهدرتش هكا تبقى ما غير تحاول فيها وذيك تديها في روحها فهمتي _مالا علاه مبغاتش تروح _ايواه وانا وين علابالي نروح نسقسيهالك وا _خلاص مهدرتش _نقصي شوية من الغيرة نتاعك _ساعة لي نحبس من الغيرة اعرف بلي ما عدتش نحبك _اواه لالا غير غيري وزيدي ا حبي طبت يا جدك 40 يوم ناشف _وين ناشف ونتا كل يوم فيا _بصح غير من فوق يا زينة عييت حاب على كلشي _ما بقاش ونكمل 40 _دبري راسك تعوضيني على هذو اليامات _داكور..... نهار الخميس خرجتلي العجوز بخرجة واعرة قال واش غدوة خلي الصغير عند هدى وحنا نروحو نغسلو براحتنا _ياخاه جامي تصرا وليدي وين انا وين هو _وكيفاه تغسلي ويضرو الحمام _مالا مانروحش _كيفاه متروحيش وانا عرضتهم على جالك دخلت للبيت معجبنيش الحال على ما دخل هشام نضت نبكي حابتني نخلي وليدي عند هدى _علاه مكبرتها خلاص انا نبقى معاه ونشدو _صح _أكيد حبي والله ماحابك تروحي بصح كي ولى لازم معليش شوفي كاين بيت سخون صغيرة روحي فيها وغسلي متخليهمش يشوفوك _صحا حنوني ،الصباح رضعت عبد الاله ورحنا والعجوز وصات هدى دير الغدا معجبهاش الحال أنا حتى رحت توسوست ياخاه هشام غير هو وياها فالدار يا نندب كون غير ما جيتش بالسيف لا غسلت لبنات غير زينة واش بيك وأنا الوسواس قتلني كملنا الغسيل قالولي أرواحي نقفلولك داروني العجايز بيناتهم واش من ماساج ودليك وقفلوني منيش عارفة كيفاه نشرحهالكم المهم وأنا غير هيا نروحو ضوك يلحق الوقت نتاع الصلاة وهشام مكاش كيفاه يصلي المهم بالسيف لا خرجو والوخذا مقلناش جايين وأنا قلبي يخبط خايفة نلقاه عندها في بيتها ولا كاش حاجة المهم مع دخلنا وتقابلنا لالة هدى ضاربة جبة ميني وبروتال والمكياج أنا خلاص فشلت زربت للبيت ملقيتش هشام تما قلبي تعصر نسيت قاع وليدي شوية باه تفكرتو ملقيتوش في سريرو خرجت ليها عبد الاله وين _ مفيباليش _كيفاه معلاباللكش وليدي وين _مشفتو ما سمعتو حسبت ديتيه معاك  بقات العجوز تهدر معاها وأنا جريت لبيتي عيطت لهشام وقلبي راح يحبس _الو بصوت ناعس _وي وينك وينو عبد الاله _راقد _وين مكاش في سريرو _راه عندي راقدين فالفوق _ياخاه قريب قتلتني واش ديرو الفوقنهدر ونبكي _خلاص جايين لاه تبكي خرجت نجري تلاقينا على الدروج _قلبي قريب حبس لاه ديتو الفوق _طلعنا رقدنا باه ميديرونجوناش وزيد علابالك عندي لاه خايفة ومخلوعة هكا _منيش عارفة مين ملقيتكمش خفت كانو ديجا تلمو علينا قاتلو العجوز الكبدة واعرة متلومهاش _مانيش نلوم عليها بصح راها تتقلق على اتفه حاجة تهلك روحها برك الطفل عندي ملقاتناش بالاك خرجنا _صغير هذا نتاع خرجة _معندو ما صغرو منا وجاي وين نروح نديه معايا داني معاه للبيت لتحت واش بيك _منعرف بالبكا _خلاص اسكتي طلعتو معايا نقيتلك الدار الفوق رجعتها تشعل بصح لليل خلصيني حق تعبي ضحكت داكور _حبي نقصي هذا البكا والخوف مكان والو صحا هزيتلو راسي ورحنا تغدينا هدى غير تشنف قاتلنا اغسلو الماعن انا عييت قاتلنا العجوز روحو ترقدو عشية واغسلوهم هشام خرج وحنا رقدنا للعشية تعاونا أنا وزهيرة غسلنا الماعن وزهية والعجوز دارو العشا تاني تعشينا وخملنا الكوزينة وكل واحد شد بلاصتو قالي هشام هيا لدارنا.