زينة الهاشم 2

الجزء 26

زينة الهاشم 2 💝
الجزء 26
زدنا 15 يوم لاباس لبنات نقاولي الدار خملولي دوزاني و الاهم هذاك الرخيس معاودش دار بيا هدى مجبدتش قاع الموضوع تأكدت بلي ماعلابالهاش ،اليوم دالتها مع تعشينا جا هشام هابط بقيت نسمط عليه _بليز حبيبي ابقى معايا _نتي عمري متجيبيلناش المشاكل شوفي ما أحلانا هكا _والله موجوعة _زييييينة _والله بصحي عندي وجاعة بصح خفيفة باسني على فمي   هيا حنونتي شدي بلاصتك ورقدي وكان محبستش عيطيلي _حابة عليك بدلال _يا زينة احشمي حاوطت رقبتو والله حابة عليك هزني للسرير ...... ناض دوش _تصبحي على خير عمري كاش حاجة عيطي رميتلو بوسة فالهوا هو راح وأنا دخلت دوشت عجبني الدوش بقيت تم قريب ساعة  وخرجت على ما شديت بلاصتي رقدت فطنت على وجاعة تقتل يا خاه وقيلا صح راح نولد يا ربي كنت غير نزعق شوية بدات تزيد هزيت تليفون عيطتلو _وي _هشام اجري راح نولد _جاي عمري متخافيش دقيقة ودخل عندي مع شفتو لقيت تريكوه مقلوب _علاه تريكو مقلوب واش كنت دير يا ..._ربك كنت راقد تعرفيني نرقد بلا تريكو _كذاب شد يدي دخلها تحت الشورت راه ناشف تأكدتي يا فرختي حطيت شواربي على شواربو بقى يبوس حتى عيطت بين شواربو يا قسامك راح نولد آي _جد عزرينك رايحة تولدي وتخربي فيا هاكي وقفتيه _اسكت راني نتقطع ونتا تخمم غير في....._خلاص حبي هيا لبسلي بجامة والحجاب قالي نهبط نوض ما ونجي راح نوضها وجا هبطني وهبط الفاليزة راحت معانا يماه طريق كاملة تهدي فيا وانا نعيط يكذبو عليكم يقولولكم الولادة ساهلة مكانش منها انا بطبيعتي نحمل الوجع بصح هذا الوجع مقدرتلوش  دخلنا الكلينيك كان هو عيط لطبيبتي قاتلو وصلها ضوك نجي مع دخلت شوية لحقت شافتني وخرجت ليه قاتلو الكول مقفول نفوتها سيزاريان قاللها المهم تسلكلي قاتلو مالا روح سنيي عليها وسلك وارواح انا تم دخل عليا هذاك لي تعرفو زهيرة جارتنا لاباس حشمت منو قتلو لاباس كنت راح نقولو راني نتقطع دارلي شكة فالسيروم فطنت غير وانا في لاغفاي على ما فطنت حسيت بالوجع في كرشي زربت حطيت يدي لقيتها. فارغة  تفكرت حالتي مرة مرة خفت وجاتني نوبة وليت نعيط لربي لي خلقني تلمو عليا هذوك الفراملة طبيبتي وانا غير نبكي _واش بيك واش يوجع فيك _بنتي جيبولي بنتي _تهدني خلاص ضوك نجيبوهلك _لالا تكذبو  شوية دخلو عليا هشام _حنونتي واش بيك _اهشام بنتي وين تعيش قولي مماتتش _عمري عزيزتي ممتاتتش بصح جبتي ولد فوطوكوبي نتاعك وجدي روحك للخطابة من ضوكا _تكذب عليا قول والله ما مات _اقسم بربي مبيه حاجة راه فلابيدياتري ما عندو  جيبولي نشوفو الطبيبة_خليني نشوفك وضوك نخرجك للشمبرة ونجيبوهلك_مالا تكذبو عليا كيما المرة لي فاتت وشادة في هشام ، الطبيبة خسرت بيبي من قبل صح هشام هيه نفس الحالة فطنت لقات بنتنا متوفية _ربي يصبركم والحمد لله ربي عوض عليكم زينة ختي والله ولدك لاباس بيه بصح منقدروش نجيبوه هنا ضوك كي نخرجوك نمدوهولك بصح لازم تهداي ديجا لاتونسيون راها طالعة إذا صح حابة تشوفي ولدك تهدني خالد غير يشوف معايا (صديق زهيرة هو يخدم معاها فالسبيطار وفالليل يخدم لي قارد فالكلينيك) ممبعد قال لزهيرة حالة مرت خوك أثرت فيا بزاف ، شوية خرجوني للشمبرة جات عجوزتي تبوس وتعنق الحمد لله على السلامة مبروك علينا المزيود يتربى في عزنا ودلالنا _آمين وينو جيبوهلي نشوفو قاتلي الفرملية ضوك نجيبوه هيا نلبسلك قبل لبستلي ومشطتلي شوية دخل هشام رافد البيبي فيدو ماما جينا بالسيف تقعدت حطهولي في حجري دموعي يطيحو وحدهم _لاه تبكي حنونتي _صح هذا وليدي _هيه شوفي يشبهلك _لالا يشبهلك نتا نطقت العجوز يشبه لجدو شفنا مع بعض وضحكنا _كيفاه نسميوه _ عبد الاله  _اسم شباب أذنلو في وذنو قاتلي العجوز رضعيه قاللها هشام لالا حتى تخرج منها لانستيزي باه تقدر ترضعو بقاو معايا شوية جات الفرملية تدي البيبي محبش هشام قاللها نخرجو للدار قاتلو لالا يبقى هنا ممنوع يخرج قاللها الطبيبة قاتلي _مالا اصبر نشوف إذا سنيات عليه هيا راحت قتلو وين تدي وليدي وتخليني _عزيزتي راكي مريضة هو نخرجو اليوم للدار ونتي غدوة تخرجي _تخلوني وحدي _ضوك يجيبلك زهيرة تبقى معاك وانا نروح نطيب لبنتي تيزانة وطمينة ونرجع ليك _وعبد الاله عندمن تخلوه _عند زهية وديجا اهشام عيط لزينب بشرها وقوللها تجي للدار _خلاص اما قلتلهم قاع _وينتا _على الفجر  خلاوني قدما غفيت وراحو  كي نضت لقيت زهيرة عندي هيا وهشام _على السلامة ختي _الله يسلمك وينو عبد الاله _فالدار مع ما سرباتلي تيزانة شربتها والماكلة قالولي حتى تفوتي6 سوايع بقينا مع بعض وهشام يهبل فيا شوية صونا تليفونو _واش ما، راها مليحة _ضوك نجي ، حبي نجيبلك الغدا ونجي  شفت معاه نتاع زهيرة معانا _يا وليتي تحشمي البارح فضحتينا قدام ما وضوكا حشمتي من زهيرة زهيرة شابعة ضحك راح شوية وجا مع يماه وزهية _حنونتي على سلامة ومبروك البيبي يتربى في عزكم ودلالكم _هذا ولدنا قاع _يا وين خليتوه _راه عند زينب متخافيش جابولي عيش مفحفح الله الله سخون وحار كليت غير شوية مزال ليغاز مخرجونيش بقاو معايا شوية وراحو ممبعد جات زينب واش فرحتلي مسكينة قاتلي لبنات راهم غير مقابلين عبد الاله  جعرهم بقات معايا شحال وراحت وزهيرة باتت معايا.
الغدوة منو عيطولي كامل خواتاتي بابا خاوتي حمدولي على سلامتي وباركولي على وليدي بعد الظهر جات العجوز مع يما الجوهر ويما صفية فرحانين بيا خلاص وانا عقلي وقلبي مع عبد الاله قتلها لاه مجبتوهليش قاتلي العجوز ميخلوناش ندخلوه بقاو معايا شوية وراحو قلت لزهيرة روحي شوفي الطبيبة تخرجني راحت وجات قاتلي محبتش قاتلك لغدوة ماعجبنيش الحال وليت نبكي وهيا مسكينة تسكت فيا جا هشام _واش بيك _حابة نخرج والطبيبة مخلاتنيش _ياحنونتي راكي مريضة ارتاحي وخرجي _توحشت ولدي كيفاه لضوكا مزال مرضعش مني _يا ودي لاحقة عليه ويشبع من حليبك وتشبعي منو _كرهت _يا زينة ها خلينا فرحانين ما أحلانا غدوة تخرج عمري وتلعب مع وليدها وترضعو _صح غدوة نخرج متكلخنيش _تهناي پإذن الله تخرجي هو راح ممبعد عيطلي بلاكام شفت عبد الاله يا ماشاء الله راقد يغير ، النهار الاخر محبوش يخرجوني درت حالة بالنواح والطبيبة معايا يا طفلة راكي مريضة قتلها خرجيني نبرا قاتلها زهيرة قوليلي دواها وواش نديرلها انا نوقف عليها رجعيمت فهمتها وقاتلها لازم تعسوها على السكر لازم ميطلعش باه يبرا الجرح وفهمتها كيفاه تنيتوايلي وتبدلي البوسمو عيطت لهشام قاتلو زينة خارجة كان وقت المغرب قاللها صحا جاي وعيطتلهم تاني فالدار قاتلهم متبعثولناش العشا خارجين جا هشام دانا وصلنا زهيرة رفدت الفاليزة وهشام ساعفني طلعني مع دخلنا لقاتلي العجوز بزغاريت في عرسي ومدارتهاش سلمت عليا هيا زينب وزهية بنات زينب هيا طاطا تشوفي البيبي يهبل يهبل تسنيم يديه صغيورين عينيه نقطة أنفال ريحتو تهبل تسنيم طاطا متمدوهولنا وجيبو آخر العجوز اجري تشوفي لماماك وباباك يجيبولك قال تدي بني زهيرة ياو بعدو خلو زينة تقعد هيا طيح فوتني هشام لبيتنا القديمة مخملة ومرتبة  وفيها سرير عبد الاله لقيتو راقد جيت نرفدو مخلاونيش اقعدي قبل قعدت وبدلت حوايجي وحطتلي العجوز الصغير في حجري نبوس ونبكي هشام _ضوكا لاه تبكي _واش خفت كي فطنت ملقيتوش وكرشي فارغة حسبت....العجوز متكمليش هاهو وليدك لاباس عليه والحمد لله هزيتلها راسي بستو قاتلهم العجوز جيبو لختكم تاكل باه ترضعو جابتلي زينب جاري وكبدة مشوية كليت شوية قتلهم في خاطري العيش ذاك اليوم موجوعة مكليتوش قاتلي العجوز غدوة نديرو لك للغدا _ربي يحفظك _هيا كولي ورضعي الصغير راه غير بالبيبرون كليت شوية كملت حشمت نرضع قدامها _هيا قال تحشمي مني سمي بسم الله ومتشوفيش فيه ونتي ترضعي ديجا ديما لوحي خمار هكا مكاش لي يعاينو _لاه انا راح نعاينو _هيه يقولك الصغار يعاينوهم والديهم  شديتو وبقيت نحاول معاه محبش يشد وليت نبكي دخل هشام واش كاين تاني _محبش يرضع _وهذي يبكو عليها قاتلو زينب هشام خليها الهرمونات _هبلتوني بهذو الهرمونات كانت بالحمل الهرمونات زيدت الهرمونات ولينا نضحكو قاتلي العجوز غير بالعقل مين والف البيبرون وصح معاه معاه حتى حكم صدري ورضع شوية وأنا فرحانة بنات زينب علاه قريب نرقد جات العجوز دارتلي الحنة ليديا ورجليا هشام واش ترقد معايا هكا العجوز لاه ناوي ترقد معاها ان شاء الله اخطي الطفلة راها مريضة _وين مرتي وين أنا وصح رقد معايا دار بيناتنا مخدة خاف يعطبني وانا ديجا رقدت على ظهري عجوزتي جات خارجة _راني نجي نفتقد الصغير رد بالك _اتهناي ياك راها انبان وضحكو هيا خرجت _والله ما تحشم هذي هدرة تقولها ايماك _علاه ونتي قليل ما هدرتي نهار ديتك للكلينك عوجت فمي عليه _قلتيلي متزيدش تمسني والله منخليك تطلع فوقي _ياخاه انا قلت هكا _هاو أنا _يا نندب _نقصر مع حبي برك باسني على فمي الحمد لله على سلامتك عمري _الله يسلمك حبيبي_يتربى في عزنا وربي يجعلو ذرية صالحة _آمين اسمو شباب كيفاه جاك في بالك _تأمني بابا الله يرحمو سماه كان ديما يقولي خف تزوج وجيبلي عبد الاله يعمر عليا الدار _ربي يرحمو _آمين.
فطنت ب عبد الاله يبكي و الهدرة بصح مقدرتش نوض _خليها ترقد عيانة هزو حتى نديرلو بيبرون شوية سكت صباح نضت لقيت هشام نايض يلعب مع  ولدو ماما شكارة  مداتهاش كامل فينا فالليل _بركا متحرش في ولدي عليا _صباح الحب عمري سافا مليحة هزيتلو راسي عاوني نغسل نوضني وخرجنا للدوش تبعتنا العجوز _بعد خلي نغسللها _لالا يما نغسل وحدي _كيفاه تغسلي وحدك ماتقدريش تغسلي رجليك _لالا نقدر _راني نقولك انا نغسلك _والله متغسليلي رجليا قاللها هشام ما روحي انا نغسل لها _هيه غسللها صحا بني ومتخليهاش طابز الجرح يتفتح بعيد الشر هيا راحت _نغسل وحدي وخر _احشمي انا نغسل لحبيبي غسلي هذيك الحنة غسلت وجهي ورجعت للبيت جابولي فطوري والعجوز غسلت لعبد الاله وبدلتلو رجعت حتى أنا بدلت عطاتهولي هيا رضيعه فالنهاررضعيه وفالليل معليش راكي ماتقدريش ديريلو بيبرون هوما خرجو بقيت غير أنا والمهبول نتاع هشام يقولو تنعم انا راني محروم ونتا تغير فيا ديجا حتى أنا نرضع حاب نذوق الحليب الطبيعي _روح بعدني حاسبني بقرة قال الحليب الطبيعي يضحك وفاحم بالضحك صونا تليفونو رد صحا جاي _شكون _ منقولش _كيما تحب ضحك وخرج شوية حتى دخل ودخلو خواتاتي واش فرحت ونسيت روحي نعنق وناسية الجرح حتى فكروني فيه بقينا مجمعين ويلعبو مع عبد الاله حتى للغدا انا جابولي العيش وهوما دايرين لهم غداهم كان علابالهم جاين غير انا راحو للصالة تغداو وانا تغديت رضعت وليدي رقد وحتى انا غفيت معاه مع فطنت سمعت الهدرة شوية ولا عبد الاله يبكي دخلت زينب نوم العوافي _الله يسلمك ختي _عندك ضياف زينة رضعي عبد الاله وعيطيلنا نعاونوك تبدلي _شكون مش غير خواتاتي _لالل جاو دار عمومي _اه صحا رضعتو رجع رقد ينوض يرضع ولا يبدل ويرجع يرقد  جات زهية بدلتلي وخرجنا عندهم جمعنا شحال ممبعد خوتاتي قالو نروحو دخلنا لبيتي قاتلي سعاد كنت راح نبقى عندك بصح كي راكي عندهم نروح _يا علاه هاد قعدي كريمة لالا عيب تقعد يقولو خايفينا ما نقوموهاش وديجا نتي غير يامات ورواحي هزيت راسي صليحة راني جبتلك قاطو للضياف وكي تجي نزيد نصنع لك _علاه ونتي مع الوحم _حاسبة كيما نتي مدللك هشام وليتي غير مصروعة _صحا  دخل هشام ونجيب باسني وباس عبد الاله هشام  نجيب كبرت ووليت جد _صح راك تشوف بقينا نضحكو شوية وراحو وانا رجعت عند المهابيل كل هنا سولاف مريومة عجايزهم عياو معاهم ابقاو تتعشاو محبوش قالو حتى ترتاح زينة زادت شوية وراحو وأنا رجعت للبيت بعد العشا تاني سمعت الهدرا جاهشام قالي عمومي هنا إذا قادرة  هيا ليهم لبست خاطر كنت راح نرقد وخرجت لقيت الصالون معمر العموم وولادهم سلمو كامل عليا وحمدولي على السلامة  شوية جابتلهم زينب عبد الاله ولاو مدابزين شكون يرفدو انا نضحك وهشام ياو ولدي بالعقل عليه قتلهم خلو عمومي يشوفه الاولين ضحكو قالي سعيد سي عبد الاله مستعجل على الخدمة نهار زاد زار جدودو فالحوانت شفت مع هشام قالي هيه غير خرجتو ديتولهم بقينا مقسرين شوية قالو نروحو باه ترتاح زينة والصغير كلهم مدولي دراهم حشمت قالولي ليك هو ضوك يدو حقو بالدوبل ممبعد قالو عمو الكبير وينتا دير العقيقة قالو منعرف لالا دير باه تدي زينة لدارهم راك تعرف يجوأهلها يهنولها تفاهمو على7 أيام قلت لهشام بزاف مبقاش قالي لالا نورمال قاتلي العجوز نتعاونو.