"မင်းကို ဦးတည်ပြီးလာတာထင်တယ်"
ပျန်းနမ်က ဝမ့်ဖေးကိုပြုံးဖြဲဖြဲလုပ်ပြလိုက်ပြီး စကားမဆိုပေ။
မနေ့ညတုန်းကကိစ္စသည် ဖန်းယိဖုန်းစတင်လိုက်သောပြဿနာဖြစ်သည်။ သူနှင့်ချိုးယိတို့ကြားတွင် ယခင်ကတည်းက ရန်ငြိုးရှိပုံရသည်။ သို့သော် သဘောတရားအရပြောရလျှင် ချိုးယိက ဖန်းယိဖုန်းကို ဆုံးမလိုက်ပြီဖြစ်သည်။ အတော်လေး ပြင်းပြင်းထန်ထန်ကို ဆုံးမလိုက်သေးသည်။ အဆော်ခံလိုက်ရသောဖန်းယိဖုန်းက ယနေ့တောင် အပြေးလေ့ကျင့်ခန်းလာမလုပ်ပေ။ တစ်ဖက်လူ၏ပိုင်နက်ထဲပြေးသွားပြီး ရန်စသင့်သူမှာ ဖန်းယိဖုန်းဖြစ်သင့်သည်။
ချိုးယိက မိမိကိုဦးတည်ပြီးလာခဲ့ခြင်းဖြစ်နိုင်လောက်ကြောင်း ပျန်းနမ်လည်းထင်မိသည်။ အကြောင်းမှာ မနေ့ညက ထိုတုတ်ဖြင့်ရိုက်လိုက်သော ရိုက်ချက်ကြောင့်ပင်။
သူခေါင်းလှည့်လိုက်ပြီး ချိုးယိကို စိုက်ကြည့်လိုက်သည်။
လမ်းက အလွန်ကျဉ်းမြောင်းသည်။ သူတို့နှစ်ယောက်ကြားရှိအကွာအဝေးမှာ လုံးဝမဝေးနေပေ။ နေရောင်အောက်တွင် ရွှေရောင်ခပ်ရေးရေးလေးတောက်ပနေသော ချိုးယိ၏အညိုဖျော့ရောင်မျက်လုံးသူငယ်အိမ်ကိုတောင် ပျန်းနမ်လှမ်းမြင်နေရသည်။
ချိုးယိ၏အကြည့်က ပျန်းနမ်နှင့်ဆုံစည်းသွားကာ ရုတ်တရက်လက်မြှောက်လာပြီး သူ့မျက်နှာပေါ်မှ ပတ်တီးစကို ညွှန်ပြလိုက်သည်။
"နည်းတောင်နည်းသေးတယ်"
ပျန်းနမ်၏ပခုံးမှာ ပြင်းထန်စွာနာကျင်နေဆဲဖြစ်သည်။ မိတ်ဖြစ်ဆွေဖြစ် ရင်းနှီးဖော်ရွေစွာ ပြောဆိုဆက်ဆံခြင်းဆန်ဆန် ကိုယ့်ပခုံးကိုကိုယ်လည်း မညွှန်ပြချင်သောကြောင့် တစ်ခွန်းဆဲလိုက်ပြီးနောက် ခေါင်းပြန်လှည့်လိုက်ပြီး ရှေ့ဆက်ပြေးနေသည်။
.
အပြေးလေ့ကျင့်နေသောအဖွဲ့သားများက ရှေ့နားရှိ ထောင့်ချိုးထဲကွေ့သွားပြီး မြင်ကွင်းထဲမှ ပျောက်ကွယ်သွားသည်။ ချိုးယိက ခေါင်းငုံ့လိုက်ပြီး အိတ်ထောင်ထဲတွင် အတော်ကြာအောင်မြည်နေခဲ့သော ဖုန်းကိုယူထုတ်ကြည့်လိုက်ရာ နံပါတ်ကိုတစ်ချက်ကြည့်လိုက်သည်။ ကျန်းရှောင်ရုန်ဖြစ်သည်။
YOU ARE READING
《Wolf pair》- ဘာသာပြန်
Teen FictionLang Xing Cheng Shuang (မြန်မာဘာသာပြန်) မူရင်းစာရေးသူ - ဝူးကျယ် Wu Zhe
Chapter - 3
Start from the beginning
