السلام عليكُم ورحمةُ الله وبركاتُه🤍
بدل ما تسمع أغاني لمغني أنت بتحبه ،اسمع قرآن لأي قارئ قرآن بترتاح لصوته.
بدل ما تنزل استوري لكوبليه من أغنيه ،نزل آيه من سورة في القرآن تبقى لك في ميزانك.
"أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ" ؟ 🤍
___________________
"في حي مصر القديمة"
7- طَلَبَ يَدَهَا ✓
شهد غانم
توجهت جميع الأنظار لـ نادر بعد قوله أنه سـ يخبرهم بـ كل شيء ولكن كيف عرف هو؟ كيف عرف أين كانت وما الذي حدث معها؟ شعر الجميع بـ التخبط وكان إسلام قلبه يدق بسرعة كمن كان يركض لـ مسافة طويلة
أخذ نفساً عميقا و بدأ بـ سرد الحكاية منذ البداية
- انت أول مرة شوفت فيها حبيبة رجعت هتتجنن يا إسلام و قولت لـ ماما إنك عايز تتجوزها فـ رفضت رفض قاطع لإنك مشوفتهاش غير مرة واحدة ومتعرفش عنها حاجة لسه وبعد ما اتقابلت معاها كذا مرة و كلهم كانوا بـ الصدفة و كإن القدر مُصر يجمعكم، جيت هنا و أصريت إنك تتقدملها و كنت متمسّك بيها جدا وقتها ماما وافقت و قالتلك إنت حر اعمل اللي انت عايزه دي هتبقا مراتك وانت اللي هتعيش معاها وانت اللي تقرر هي مناسبة ولا لأ، سابتلك الحرية لإنك صاحب الشأن و الوحيد اللي ليه الحق يقرر هي حلوة ولا لأ، روحت اتقدمتلها و واقفت واتجوزتم، ولحد وقتها كانت الأمور ماشيه تمام، أنا كنت أكتر من مبسوط ان انت اتجوزت البنت اللي بتحبّها، كنت الحاسس ان الدنيا مش سيعاني من الفرحة لإن أخويا الكبير واللي كان بمثابة أب ليا وكان بيعاملني كإني ابنه أخيرا هيتجوز و يستقر و يعيش مع البنت اللي بيحبها، بس بعد كدا كل حاجة اتغيرت لقيت ان في مشاعر اتبنت من ناحيتي تجاه حبيبة، أنا معرفش دا حصل ازاي ولا ليه بس غصب عني حبيتها، لقيت نفسي فجأة بحب مرات أخويا اللي المفروض ان هي قدام العيلة و الناس و المجتمع أختي، المشاعر دي كانت بتقتلني دايما وأنا حاسس اني بخون اخويا الكبير
صمت يُطالع الوجوه المصدومة حوله ثم استرسل بـ بكاء و دموع كاذبة
- إسلام.. انت كنت بتعاملني كإني ابنك وأنا دايما كنت بعتبرك أبويا، كنت دايما بتحرم نفسك من أي حاجة نفسك فيها عشاني، بعد موت بابا كنت انت أب تاني ليا، حتى لما الكل كان بيشوفني وحش و فاشل و مفيش مني فايدة كنت انت بتقول اني انجح واحد في الكون وانك دايما هتفضل فخور بيا، كنت سند و ضهر ليا و بتحميني من أي شيء ممكن يأذيني، متفكرش ان الموضوع كان سهل بالنسبالي، أنا كنت بموت ألف مرة وأنا حاسس اني بخونك، مجرد احساسي بـ مشاعر حب او اعجاب ناحية حبيبة كانت بتموتني وبتخليني اكره نفسي علطول، رغم اني خبيت المشاعر دي جوايا و مقولتش لحد بس كنت حاسس بردو اني انسان حقير و مستاهلش أي حاجة حلوة انت عملتها معايا قبل كدا، حسيت ان مشاعري ممكن تطور و توصل بيا اني ابقا بعشقها ومش قادر أعيش من غيرها فـ قررت أني لازم اشغل قلبي و عشان كدا اتقدمت لـ منة، قولت هي اخت حبيبة واكيد فيها نفس الطباع والاخلاق و الملامح و هحبها برضو و لما اتخطبنا لقيت ان حبي لـ حبيبة بيزيد مش بيقل و إني معملتش أي حاجه بـ خطوبتي لـ منه فـ وقتها لجأت للشرب و السهر، عارف ان انت وقتها نصحتني كتير اني ابعد عن صحاب السوء و ابطل سهر و شرب، بس أنا كنت بعمل كدا عشان احاول انسى حبيبة لإني كنت عارف و متأكد اني مينفعش افكر فيها بأي طريقة من الطرق، و قلقي زاد خصوصا لما عرفت إن حبيبة كمان بتبادلني نفس المشاعر و كاتمه في قلبها عشان عارفة ان دا غلط برضو، أنا كنت عارف انها بتحبني وساكت ومتجاهل وهي برضو كانت عارفة اني بحبها و متجاهله الموضوع، احنا اللي الاتنين حاربنا قلبنا وحبنا عشان عارفين ان كله هيفكرنا خاينين، وكنا عاملين اعتبار لـ مشاعرك انت و منه وان حاجه زي دي طبيعي هتضايقكم لانك بتحب حبيبة و منة بتحبني، فـ سكتنا برضو عشان عاملين اعتبار لـ مشاعركم، بس قلوبنا مش بـ ايدينا يا اسلام، أنا مكنتش أعرف اني هحب حبيبة ولا ان كل دا هيحصل، مكنتش عامل حساب اني ممكن في يوم اعشق مرات اخويا و تبادلني نفس الشعور، احنا مغلطناش غير غلط واحد يا اسلام وهو اننا حبينا بعض بس اقسم بالله مكانش حد فينا عايز كدا، مكونتش اتمنى اخونك في يوم من الأيام، أما بالنسبة لـ النهاردة فـ حبيبة كانت معايا، كنت معدي صدفة و شوفتها داخله عمارة كدا فـ استغربت وروحت سألت البواب فـ قالي ان هي طالعة تنضف شقة معينة في العمارة فـ النار غليت في قلبي.. ازاي تخدم عند الناس واستغربت جدا اي اللي يخليها تقرطسنا و تروح تخدم في مكان، طلعت وراها ولقيتها بتنضف فـ سألتها بس توّهت الموضوع و قعدنا نتكلم شويّه و صارحتها بـ حبي ليها فـ قالتلي ان هي كمان بتحبني بس مينفعش نكون مع بعض لإننا كدا هنجرح مشاعرك انت و منه وحتى لو هي اتطلقت منك وأنا سيبت منه مش هينفع تتجوز لأن الناس هتتكلم و تقول انها سابت جوزها عشان تروح لـ أخوه و كلام الناس مبينتهيش، و لما كنا هنطلع مع الشقة اتكعبلت و اتعوّرت في رجليها و خمارها اتشقّ فـ اتطرت انها تلبسه كدا على انه طرحة، دا كل اللي حصل
KAMU SEDANG MEMBACA
في حي مصر القديمة
Fiksi Umumعندما يتصادَمُ الحبُّ و القَدَر يحدثُ ما لا يُحمَدُ عُقباه وعندما يكون العَالَمُ بـ أكمله في مواجهة هذا الحبُّ تكون المعركة أصعب مما نتخيّل لذا امسكوا سيوفكم جيّداً واستعدّوا لـ خوْضِ المعركة في حي مصر القديمة " شهد غانم"
