قناص بغداد ( مهمة وطن )

المُـهمة السادسة والستين

أبتسمت على سوالفه أعرف يسوي هيچ يريد يطلعني من المود ، بعدها حازة بخاطري هيچ نكدت عليه بس مو بيدي راح احاول بالايام الجاية

بقى يسولف ويايه شوي يهدي بيه ويبوس بيه ويحضن وبادلته بكل حب بس بدافع الحب فقط

-سُـطام: شلون حبيتيني يعني أحس بيچ هيچ جدية وكلش جدية أصلًا ما اعرف شلون حبيتيني

نمت على جهة اليمين و فعت رأسي سندته على ايدي هو سوه مثل حركتي صار گبالي وجهي بوجهة

-مشاعل: ممم صح نقيضان إحنا البعض بس ما أعرف حبيتك ممكن نطيتني شي جان ناقصني واني نطيتك شي جان ناقصك وكملنا بعض بالنهاية الحب مو انك تحب شخص كامل لأن ماكو الكمال بس لله عزّ وجل الفكرة أنك تحب شخص يكملك وتكمله يفهمك يصونك يقدر العشرة ويخاف عليك تحب شخص يبادلك نفس شغف المشاعر والاهتمام وأكثر

وخر شعري من وجهي وگال
-سُـطام: ما نطيتچ شي ناقصچ لأن أنتِ كاملة وما بيچ أيَّ نقص كلشي حلو بيچ مشمشتي

باوعتله وميلت رأسي وگلت بزعل
-مشاعل: بس عندي عيوب

گال وعيونه نغلقت بشكل جزئي
-سُـطام: احبهن عيوبچ وحبيتهن قبل كلشي مو بيدي حتى عيوبچ اشوفهن ميزات مو عيوب

بوسته وحضنته و هو هيچ حاوطني بحضنه حسيت بدفو بعد ما كنت بردانة أبتسمت بحب و أمتنان الرب العالمين على كلشي صار بحياتي گلت بهمس من حسيته نام
-مشاعل: اللهم لك الحمد حتى ترضى وحتى يبلغ الحمد المنتهى

بقيت اباوع عليه شلون نايم لحد ما غفيت و نمت فزيت الصبح سُطام ما هو أستغربت وين راح سمعت صوت بره الغرفة طلعت لگيته واگف بالباب مال السويت يحچي

-سُـطام: هسه شتردون لافين عليه من الصبح صدگ چذب علي أنتَ شعندك جاي وأنتَ الثاني شسوي جاي وراه

سمعت صوت واحد منهم الي اسمه علي يگله
-عـلـي: شبيك خروف من هسه ما تروح نتريك جوعانين البارحة ذبينا لحم بعرسك نريد نعوض

-سُـطام: يعني أنتم تحچون صدگ لو تردون تضحكون عليه واشوف روحي بالستوري صاير ميز الكم

ضحك واحد ماعرفه وماذكروا إسمه خلال الحديث
- لا لا لا لا شبيك صير رجال وامشيي نتريك ونرجعك شراح نسويلك صير مثلي شوف شلون انا ما اخاف من أم الأكبر

-عـلـي: أيّ النجر غراب يگول لـ اغراب وجهك أسود هو غير أنتَ الخروف طول ما احنا طالعين فاتح مكالمة وياها خاف تكتلك

طلع نص جسمه سطام لـ بره وكفخة
-سُـطام: شبيك الما يخاف من مرته مو رجال بس الزلم تخاف من نسوانها يوم الالك وتجي وحدة تلعبه عليك وعلى أهلك

ضحك ودفع سطام
-عـلـي: دروح بعدها ما جاية لـ الدنيا روح روح خروف خلي حماتك تجيبلك ريوگ وگابلها وحبيبتي ومصدر طاقتي وحياتي