Chapter 12 – မှောင်ခိုဈေးကွက်
.
ဒါတွေအကုန်နားထောင်ပြီးနောက်တွင် ဒါရိုက်တာဝမ်သဘောပေါက်သွားသည်။ သူကပြုံးလိုက်ပြီး " မပူပါနဲ့ ရောင်းချဖို့မင်းသဘောတူသရွေ့ အကျိုးဆက်နဲ့ပတ်သတ်ပြီးစိတ်ပူစရာမလိုပါဘူး ကျုပ်တို့ဖြေရှင်းလိုက်မယ်"
သူဒီလိုပြောတာကြားလိုက်ရတော့ လုရှနောက်ဆုံးမှာစိတ်သက်သာရာရသွားသည်။ ဒါကဒါရိုက်တာဝမ်ကိုသူမလာရှာရတဲ့အကြောင်းရင်းပဲ။ သူ့မှာကျယ်ပြန့်တဲ့အဆက်အသွယ်ရှိတယ်လို့ပြောကြရာ သူမမိသားစုကိုကိုယ်တွယ်နိုင်လောက်သည်။
နောက်ဆုံးတွင် ဒါရိုက်တာဝမ်သည် ၁၂၀၀ယွမ်အထိဈေးမြှင့်ပေးခဲ့ပြီး လုရှသည်လက်မှတ်တစ်ချို့နဲ့အတူ ၁၀၀၀ယွမ်ဈေးသတ်မှတ်ခဲ့သည်။ အလွှဲအပြောင်းအဆုံးသတ်ရန် နောက်နေ့တွင်စက်ရုံမှာတွေ့ကြဖို့ သဘောတူလိုက်ကြပြီးနောက် သူမထွက်လာခဲ့သည်။
မီးသီးစက်ရုံရဲ့လူနေဧရိယာမှထွက်လာပြီးနောက် လုရှသည်နောက်ဆုံးတွင်စိတ်သက်သာရာရစွာသက်ပြင်းချလိုက်သည်။
သူမမှာအချိန်ရှိသေးသည့်အတွက် ပတ်ဝန်းကျင်ဧရိယာကိုစူးစမ်းရှာဖွေပြီး မှောင်ခိုဈေးကိုများရှာတွေ့နိုင်မလားလို့ ကြည့်ရအောင် ကြံရွယ်လိုက်သည်။
နှစ်နာရီလောက်လမ်းလျှောက်ပြီးနောက်တွင် ဆေးရုံအနီးနားက လမ်းကြားတခုမှာ ခိုးကြောင်ခိုးဝှက်ဝင်လိုက်ထွက်လိုက်လုပ်နေသည့် သံသယဖြစ်ဖွယ်လူရိပ်တချို့ကို နောက်ဆုံးတွင်မြင်လိုက်ရသည်။ ထိုအရာက မှောင်ခိုစျေးဆိုတာ သူမသေချာပါသည်။
ဒါပေမယ့် သူမရဲ့လက်ရှိအသွင်အပြင်က ထိုနေရာကိုသွားဖို့အတွက်မသင့်တော်ပေ။ သူမကိုယ်သူမ အနည်းငယ်ရုပ်ဖျက်ဖို့လိုသည်။ ကံမကောင်းစွာနဲ့ လက်ထဲမှာဘာမှမရှိတာကြောင့် နေရာလွတ်ထဲကနေ ဆန်တွေသိုလှောင်ဖို့အသုံးပြုတဲ့ အိတ်တစ်လုံးထုတ်ယူလိုက်ပြီး မျက်နှာတဝက်လောက်ကိုဖုံးကွယ်ရန် ခေါင်းစည်းပုဝါအဖြစ်သုံးလိုက်ပြီး မျက်လုံးလေးပဲချန်ထားလိုက်ကာ အဲဒီနောက် မှောင်ခိုစျေးထဲသိုသိုသိပ်သိပ်ဝင်သွားသည်။
![](https://img.wattpad.com/cover/357709462-288-k907570.jpg)
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零:我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.