كشر سلطان ملامحه وناظرهم بغرابه
سلطان: بالله عليكم وش الحلو فيه؟
قلبت ليال عيونها وقالت: ماعندك ذوق
عبد الرحمن: اتفق معك
سلطان برفعة حاجب: والله انكم غريبين أطوار!
ضحك عبد الرحمن ولف على ليال الي تضحك معه: تسمع خالد ؟ يقول عننا غريبين أطوار؟
ليال بضحك: عاد اكثر واحد غريب فينا هو!
سلطان: الحمد لله والشكر والله مب صاحين انتم
عبد الرحمن: اقول اسكت يالله خلونا نرجع اكيد ذولا تصالحو
«غرام وسعود»
غرام بضحك: هاذي سجى جت وعلى غير العاده مروقه
سعُود: اول مره تتكلم مع رعد وتجي مروقه!
جلست سجى بكل روقان وهدوء: بلز انتي وياه ممكن ماتخربون جوّي؟
سعُود برفعة حاجب: بلز؟
سجى بأستغراب: إيوا بلز؟!
غرام بضحك: حلوه بلز
ضحك سعُود وكشرت سجى بملامحها، سجى: ياسخفكم بس! تموتون لو ماتخربون جوّي.
رعد من خلفهم: عندي لكم جدول بكره
سعود بلهفه: وين؟
رعد: بكره الخميس نغيب كلنا ونروح نفطر بعدها نروح لاسطبل الخيول
سعود برفعة حاجب: تقصد حق جدي؟
رعد: ايه ، بنروح يعنني مع سلطان
سعود بشوق: نروح للقصر بعد مرور 4 سنوات هههههه والله اشتقت
ضيق رعد عيونه: اشتقت لابوي يوم يطردنا للاسطبل ننام فيه بالبرد؟ ولا اشتقت لجدي يوم يدري بابوي وساكت؟ ولا اشتقت لضرب ابوي لنا وبالذات لك!
سعُود: صحيح ماكانت عيشتنا هناك مثاليه لكن برضو فيه ذكريات حلوه معك انت ودحوم!
رعد بغيض واستسلام: والله اني اشتقت واجد بعد
سعُود بضحك: داري ، خلاص اتفقنا ننتظر دحوم وليال وسلطان يجون ونقول لهم .
غرام بتوتر: حنا مانبي نروح معكم
رعد وسعُود: ليش ان شاء الله؟
غرام: العنود بتكون موجوده ولا نسيتو؟ وبعدين وش يودينا لقصركم ذا
سعُود ببرود: واذا العنود موجوده يعني؟
رعد: بتروحون يعني بتروحون
سعُود بتوتر: هالحين صدق كيف بنقابل ابوي وجدي بعد هالقطعه
رعد بتوتر: حسبي الله عليك وش هالسؤال وترتني معك
سعُود: تهقى ابوي تغيرت اطباعه؟
رعد بتفكير: ولا جدّي وش صار عليه؟
سعُود: وجدتي بعد
سجى: الحين انتم وراكم منقطعين كذا؟
سعُود: ابوي حطنا بمدرسة عمي عايد من لما كنا بالمتوسط بما ان هالمدرسه مجمع وفيها سكن منها ندرس ومنها يفتك مننا
غرام بصدمه: عايد عمكم؟
رعد بضحك: عايد يصير ولد عم ابوي مو اخوه
سجى بصدمه: احلف!
رعد: والله
سجى: طيب هالحين ذا مو سبب عشان تنقطعون!
سعُود: طيب وش نسّوي محد سأل عننا ابد ونسيناهم أصلًا
رعد: ترا يغبن الموضوع راميننا هنا ومحد مهتم ولا يسأل كأنهم يقولون اكفونا خيركم شركم
سعُود بضحك: عاد المشكله يوم بغينا نروح لهم رحنا ندور جدول عندهم
رعد بضحك: والله اننا مانستحي الصدق
عبد الرحمن من وراهم: على وش ماتستحون؟
رعد بحماس: دحوم اسمع بكره بنغيب ونروح نفطر بعدها نروح للقصر
عبد الرحمن بأستغراب: ليش؟
سعُود بحماس: نروح لاسطبل الخيول
سلطان بحماس أكبر: قدّام منها تسلمون على جدي والباقي
عبد الرحمن بتوتر: وش الطاري؟
سعُود: بنروح نستانس
عبد الرحمن: طيب والبنا... اقصد العيال كيف يروحون والعنود موجوده؟
سلطان بأستغراب: شدخل العنود الحين فيهم؟
رعد بتوتر: لا بس يعني هو يقصد ان العنود تتغطى وكذا
سعُود: غبي دحوم يعني حنا بنكون بالاسطبل وش يجيب العنود هناك؟
طيّر سعود عيونه على دحوم حتى يسكت ويخليها تمر ، بلع دحوم ريقه بتوتر: طيب قدام
ليال بحماس: اهم شي بكره بنغيب
رعد: يالله امشو نروح ننام عشان نصحى بدري ونفطر
سجى برفعة حاجب: وش ننام الحين؟ معليش انا مروق واخاف اذا نمت ماكون مستغل روقاني كويس
سعُود بضحك: ول ياليث اثاريك تروق!
رعد وهو متكتف: شعندك مروق ليث؟
تجاهلتهم سجى ولفت على ليال: اقول خالد خلينا نتمشى انا لو ناقشت الاغبياء ذولا بيخرب مزاجي
ضحكت ليال: مشينا
تخصّرت غرام وهي تناظرهم بيروحون ويتركونها: الله يهنيكم؟!؟!
ضحكت سجى وقرّبت من غرام تحضنها: عزّام تدري اصلا التمشيه ماتسوى بدونك!
مشو البنات يطلعون من بوابة المدرسه خلسه حتى يتمشون
سعُود لسلطان: شرايك نروح نلعب سوني؟
سلطان: مشينا مشتهي اكسر راسك فيها
سعود: تخسي هذا الي ناقص
سلطان بضحك: بروح اجهزها واجهز الجلسه
راح سلطان وبقى الثلاثي يتناقشون بجديه
رعد: شلون الحين نخليهم يروحون لحالهم كذا؟
عبد الرحمن بأستغراب: شفيها؟
رعد: غرام راعية مشاكل مستحيل يروحون ويجون كذا لازم يجيبون معهم مصيبه!
سعود بضحك: انا عن نفسي ماني شايل همهم دام معهم غرام
عبد الرحمن: فعلًا
رعد بضحك: للأمانه صادقين بس احتياط دحّوم شرايك تروح؟
عبد الرحمن: رعد شفيك؟ يعني المفروض تعطيهم شوي خصوصيه بالنهايه هم بنات ومايقعدون كثير مع بعض لحالهم
رعد: ياغبي ماقلت لك امش معهم اقل شي امش وراهم بدون ماينتبهون لك احتياط!
لف سعود يدخل داخل السكن بعد ماقال: رعد ناقل همهم تقل ابوهم
ضحك عبد الرحمن: خلاص بروح وراهم اشغلتنا
رعد بنرفزه: يالله انقلع رح
عبد الرحمن برفعة حاجب: انقلع؟ والله ماتحّرك لين تبوس راسي وتقولها بأدب
زفر رعد الهواء وهو يتأفأف من حركات دحوم ؛ مسك راسه وباسه بشويش: آسف
قالها وهو مبتسم لدحوم بتكلّف وبدون نفس ، تنرفز دحّوم من حركته وعطاه نظرة من فوق لتحت ولف بضجر يلحق البنات
ضحك رعد عليه ودخل يلعب مع سلطان وسعود
