بين حبك وانتقامي
رفيف الحسني
حبايبي لا تنسون التعليق على الفقرات والتصويت للبارت
******************************
سمانه ـ رفعت الدشداشه اله لبسهه اخذ الغتره
لفهه خليجي عطر نفسه وطلع لازم السبحه گلت
هلا باليلعب جوبي
اسامه ـ هههههههه ملعونه
سمانه ـ سوالي بوسه بالهوا طلع راح لبيت عمو
رتبت الغرفه ورحت وراه لبيت عمو
خلص الشهر واحنه جره وحده
شغل وتعب وركض وخطار مستمر
دخل اسامه ضايج
ها شكو
اسامه ـ ابوج خسر القضيه
سمانه ـ شنو خسر القضيه اسامه
شنو يعني خلص تاخذهم نسرين
تعب ابوي وشگاه يروح منه بلحظه
لا تدور وجهك حاجيني اخواني وين
اسامه ـ راح ياخذوهم لامهم هيه كسبت الدعوى
سمانه ـ والله العظيم والرفع السما بدون عمد
اگلب عاليهه واطيهه واخلي الدم للركب
وما اسلمهم الهه زين قرار سجنهه وين
اسامه ـ ماكو اي شي يثبت هيه جانت مسجونه
سمانه ـ خرب خرب خرب اسامه لا تخبلني احجيلي شي معقول سنتين انسجنت وين راحن وين
اسامه ـ ماكوووو ماكووو ارتاحيتي هسه
سمانه ـ طلعت گبل لاهلي امي تبجي
ابوي جامعهم يمه ويوصيهم ينتبهون لنفسهم
ويشهك بالكلمه گلت
محد يروح تبقون
اياد ـ خسرنه بابا خسرنه جاي احافظ عليهم وخسرتهم
سمانه ـ حضنهم اله حيل ويبجي وهمه يبجون
سمعت صوت سياره وگفت اندك الباب
طلعت شفت ضابط وياه محامي
وياهم اخو نسرين اعرفه گلت
تفضلوا
المحامي ـ من رخصتج اختي بس الاب ما وقع لازم يوقع حتى نستلم الاطفال هذا خالهم ياخذهم لامهم
سمانه ـ هلا اخو الشريفه شعجب طالع وراهه وانته جنت اكثر واحد معارض سواد وجهكم البيهه
المحامي ـ هذا الكلام بينكم تتناقشون بي صيحيلي ابو الاطفال
سمانه ـ والله صراحه انته غلطان بالعنوان هذا بيتي وبيت ابو الاطفال مو هنا ولا بهاي المنطقه بغير مكان
الضابط ـ لا تحاولين التظليل محاميكم انطانه العنوان
سمانه ـ محامينه علاس مثلكم سيادة الرائد
خلي ينگع شهادته بشخة جاهل ويعصرهه زين
اذا ما طلع من هذول جماعة السماعه
وناجح بالدفرات اعتب علي
الضابط ـ تحششين جنابج
سمانه ـ والله جنابي ما يحشش على جنابك
هسه تتفضلون نشربكم جاي معدل
وتتوكلون على الله تشوفون ابو الاطفال
على گولة الاخ ابو روب
ويا ريت توصلهه لذاك المحامي گله
الرشاوي وين وصل بيهن الوقت
لو من ساومهم على فلوس وما نطوه باعهم
شفت المحامي يبلعم
YOU ARE READING
بين حبك وانتقامي
Mystery / Thrillerما بين تشتت وتفكك وما بين الابتزاز ممرضه وضابط كيف ستكون النهايه بشنو جاي تفكرين ـ ادمرهم ـ شلون يعني ـ لگيت خيط اگدر ادمرهن اثنينهن وهذا الخيط لو صار بجانبي ووياي يسحل ابو احسان مو بس احسان ـ منو وما خفي كان اعظم
