حبايبي الغوالي
لا تنسون تعلقون على كل فقره وتشجعوني
صوتوا للبارت
************************†**
سمانه ـ استهضمت كلش گلت
من رخصتكم بنات هم يله نجهز نفسنه
ما بقى وقت بعد
اخذت ايهم وصعدت بسرعه شفت ابوي يتصل
سحبت نفس قوي دموعي صارت تجري
ليش اني هيج ليش
ضميت وجهي بالمخده ابجي حيل لما حسيت على ايد تمشي بين خصلات شعري
رفعت راسي شفته مستغرب وضعي
اسامه ـ شبيج منون
ـ تعبت اسامه
ـ ليش بنيتي ليش يا حيلي
ـ اسامه احس كل كلمه تنحجي تجرحني والله
ـ ليش صار شي
سمانه ـ بديت احجيله كلشي وشلون يحجون
البنات هيج وهو مركز وياي وشابك اصابعه
وگاعد مگابلني
واني مستمره احجي نزل راسه وگال
اسامه ـ من باجر دوام ماكو وگد راتبج
يجيج ونصه يروح لابوج وما عندي اي اعتراض
اهم شي راحتج الفلوس تروح وتجي
الا صحتج اذا راحت محد يعوضني مريتي
ـ بس اسامه ميصير والله انته هذا تعبك كله
اني ما اقبلهه ولا ابوي مستحيل اقبل بهيج شي
بس حجيتلك لان جنت تعبانه واريد احجي لأي واحد
ـ واني گلت واللي اريده يصير
من باجر دوام ماكو وخلص حالتج وصحتج
مو مال تداومين ابقي مرتاحه وكلشي
تردينه يجيج وبدون اعتراض
ـ بس
ـ بلا تبسبس يله گومي غسلي وكملي
تجهيز نفسج يله اريد الكل تشوفج احلى وحده
انتي لبوة اسامه واللبوه ما تخاف لو تنقهر
وبظهرهه اسد يحميهه مو هيج
ـ هزيت راسي اي وعيوني متروسه دموع
مسحهن ويمرر اصابعه بحنيه على وجهي
اسامه
ـ يا روحه
ـ احبك
ـ ههههههه يا ضياعي
ـ هههههه تعرف شلون تفرغ همومي شكرا
ـ جسر للطيبين يابه يله گومي گومي
وراج تجهزين زلمج اثنينهم مو
ـ ههههه اي فديتهم شلون زلم رفعة راس والله
اسامه انتم كل حياتي والله بس خايفه وما اعرف ليش
ـ لا تخافين يله گاعد يمر الوقت وانتي گاعده
وراج تلبسين العدسات
وتجرين عيونج بهذا ما ادري شسمه يطلعج جنج امنحوتب
لو تخلين الحمره اللي ساعه يله تكملينهه
وكون هيج مضبوطه بالميل
وهاي عيونج يصيرن ما ادري شنو عليهن
ـ ههههههه بعد بعد استهزء استهزء وامرعك
ـ امرع وجهج حتى يله گوووومييييي
ـ گايمه گايمه عابت حتى عابت
شفته گام وراي ركضت للحمام غسلت وجهي وخليت كريم مرطب لما ينشف
YOU ARE READING
بين حبك وانتقامي
מתח / מותחןما بين تشتت وتفكك وما بين الابتزاز ممرضه وضابط كيف ستكون النهايه بشنو جاي تفكرين ـ ادمرهم ـ شلون يعني ـ لگيت خيط اگدر ادمرهن اثنينهن وهذا الخيط لو صار بجانبي ووياي يسحل ابو احسان مو بس احسان ـ منو وما خفي كان اعظم
