حبايب لا تنسون التصويت للبارت والتعليق على الفقرات
*****************†*********†
انا بيا حال وانته تگلي شد حيلك
حايط طين كلما تمطر ابجيلك
*****************************
في احد ازقة بغداد تعيش طفله وحيده
مهمله من قبل اب اجبر على الطلاق من زوجته
وام تركت مسؤولياتها لتبقى تلك الطفله
تحت ظلم زوجة الاب تارة وزوج الام تاره اخرىسمانه ـ ماما خليني اروح لبابا فدوه
بيداء ـ ليش تروحين هسه مو مدلله
تاكلين وتشربين وتلعبين وين رايحه لهناك
لو اشتاقيتي للدگ والكتل جلدج حيل يحكجسمانه ـ لا والله بس هو گال اسبوع وتعالي يمي راح اشتاقلج
بيداء ـ حنين الله يخليه اذا يريد هو يجي
ياخذج ما نشتغل يم الخلفوه ما كافي
اتحملته 9 سنين اصرف عليه ومعيشه
وهو كلشي ماكو مبارك فالح بالاقمار والعرگسمانه ـ سكتت ما حجيت شي لان حجي امي
كله جذب ابوي جان يتعب تعب مصاير
بحيث اديه يتشگكن من گد الشغل
بس هيه لان معلمه وهو عامل بلديه
اتطلگت منه تشوف مستواهه اعلى منه
وهيه بفلوسه كملت تعليمهه ونكرته ونكرت تعبهابوي كلش حنين ويحبني اني واخوي ايهم
يموت علينه هو اخذ اخوي وما قبل
يبقى ويه امي واني صرت الضحيه بيناتهم
اسبوع هنا واسبوع هناك ايهم اصغر مني بسنتين
لما تزوجت امي من ممرض بالبداية رفض
اعيش ويه امي وبقيت ببيت جدي
بيبيتي علمتني الصلاه والصيام
وامي ملتهيه بحياتهه ورجلههكلما تجي امي لاهلهه بيبيتي تحجي عليهه
ليش ما تسأل علي وهي تگللهه ما الي خلگهه
يريد ابوهه خلي يجي ياخذهه
كلش جانت تحز بخاطري حجايتهه
يعني امي متريدني وابوي على گد حاله
ولا خلتني اروح يمه من البدايه
وتخلص من مسؤوليتيمخليتني تحت رحمة هذا وذاك لما بيوم
اجت وگالت تعالي راح تعيشين وياي
اخذتني وياهه ودعت بيبيتي وجدي وخالو
اللي ما يحب يشوفني اصلا ومرت خالي
كلش حبابه وطيبه وتحبني ومداريتني
مثل بنتهه واكثر علمتني هواي شغلات
شلون اطبخ لو اعجن لو اخبز بس تخاف علي
من النار ولو مره اشتغلت وهيه متدري بيه
تبقى تحجي علي لا احترگرحت ويه امي جانت مخليتلي غرفه
كلش صغيره ببيتهه واني فرحانه
لان صارت الي غرفه وحدي وراح اصير
مثل باقي البنات واعيش مرتاحه
امي تروح للدوام واني ابقى بالبيت
لان دوامي عكس دوامههبيداء ـ شوفي سمانه المدرسه مسافة
ربع ساعه مشي منا وهنا اكو بنات
من المنطقه يداومن بيهه تروحين وياهن
وترجعين وياهن وتهتمين بدروسج
ما اريد تفشليني گدام المعلمات
گتلهم شاطره ومستواهه زين وتطلع الاولى
YOU ARE READING
بين حبك وانتقامي
Mystery / Thrillerما بين تشتت وتفكك وما بين الابتزاز ممرضه وضابط كيف ستكون النهايه بشنو جاي تفكرين ـ ادمرهم ـ شلون يعني ـ لگيت خيط اگدر ادمرهن اثنينهن وهذا الخيط لو صار بجانبي ووياي يسحل ابو احسان مو بس احسان ـ منو وما خفي كان اعظم