بين حبك وانتقامي

بارت 45

حبايبي الغوالي

لا تنسون تعلقون على كل فقره وتشجعوني

صوتوا للبارت

***************************

محمد ـ هسه تصير زينه لتخاف

اسامه ـ حضنتهه حيل وضميتهه بحضني
وامسح على خدهه وهيه نايمه كلش
متدري بشي وصلنه ونزلتهه
ما خليتهم ياخذوهه على سديه
بيدي شايلهه نيمتهه وبقيت يمهه
حمودي جاب الدكتور يشوفهه
طلعونه من يمهه وبقت وحدهه يمهم

بقينه منتظرين طلع الممرض
راد واحد من عدنه رحت وگفت يم الدكتور
شبيهه دكتور بين وياك شي

الدكتور ـ ما بيهه شي بس ضغطهه هابط
وسكرهه هم هسه ننطيهه محلول
يرفع الضغط شوي ومن تگعد انطوهه
جكليته مو مصابه هيه غير

ـ لا دكتور جانت مصابه وهذا اخر اسبوع حجر الهه وتتشافى بالكامل ودخلت مستشفى 3 اسابيع احتاجت بي اوكسجين لان صار عدهه نقص بالاوكسجين

ـ تمام ترتاح وما بيهه غير العافيه
بس لازمهه رعايه شوي حتى ترجع صحتهه

ـ الله يعافيك تسلم ان شاء الله منقصر
جانت اكو برده هيج لافيهه اجه حمودي وگف يمي

محمد ـ شصاير اسامه شبيهه منون

اسامه ـ ماكو شي

ـ لا اكو شي اسامه شبيهه احجي صاير بينكم شي

ـ هابط ضغطهه وسكرهه هسه تصير زينه

ـ وحسراتك

ـ شبيهن

ـ جنك مسوي شي جبير

ـ لا غلطان ممسوي شي

ـ نشوف شنو ورانه يا خبر بفلوس باجر بلاش

اسامه ـ اجوا اخذوهه اثنين من المعينين
يدفعون بالسديه دخلوهه بغرفه
خلوهه قريبه للباب گعدت يمهه
عالكرسي لازم بس واحد يبقى يمهه
حمودي بقى قريب الباب اجت ممرضه
سوت الكانوله وعلگت المغذي الهه
وايدهه الثانيه بايدي

لو ميت ولا حاجيلج اني صوجي والله صوجي
شكو حجيت لو مخليه سر وياي
يندفن ولا مأذيهه ليش حجيتلهه
واني هسه بديت وياهه بمساعدة الدكتور
علاج نفسي يخلصهه من كل حاله
مرت بيهه اجيت اني زدتهه عليهه
يله منون ما بيج شي والله اگعدي
بس حاجيني وطمني گلبي وارجعي نامي
والله ما بيه حيل بدونج اني عافيتي بيج
ربج زرعج بنص روحي مو بس بگلبي
سالفتي ضحكتي گعدتي كلهن وياج
غير عن كل البشر

سمانه ـ گعدت على صوت الاذان
يعني صار الفجر شلون نمت ووين اني هسه
شفت اسامه لازم ايدي ومخلي
راسه عليهه ويحجي بينه وبين نفسه
بقيت اباوع عليه وهو يتحسر
شنو صار ووصلت لهيج حاله
ما جاي اتذكر اي شي ليش تعبت
معقوله لان مصابه اي اكيد
الا شنو جابني هنا الا اذا ما اتنفست زين
وجابوني لو علاجي مماخذته البارحه بالليل