بين حبك وانتقامي
رفيف الحسني
حبايبي لا تنسون التعليق على الفقرات والتصويت للبارت
******************************
مظفر ـ منون راح اجي اخذج من اهلج
محتاجينج ضروري اگدر اجي
سمانه ـ شكو شتريدون مني بعد
مظفر ـ اسامه بالعنايه وحالته خطره
سمانه ـ شنو حالته خطره شتحجي مظفر
مظفر ـ منون الله يخليج هسه اجي
اخذج محتاجينج ضروري
سمانه ـ ما اگدر اعذرني
مظفر ـ منون اعتبريهه حاله انسانيه
لخاطر العشره البينكم
ولج لخاطر جهالج يبقى ابوهم
سمانه ـ تعال
حجيتهه وسديته بوجهه
رجعت للغرفه لبست جينز وقميص
وترواكه وظفرت شعري ولبست شوز
واخذت تلفوني شفت ماما بديعه طلعت
بديعه ـ منون وين رايحه نص الليل
سمانه ـ خابرني مظفر يگول
اسامه حالته خطره اعتقد صاير
عليهم هجوم بالواجب يوم عينج
على الجهال الله يخليج
اني لو ما همه واگفين بعيني ما اروح
وهم اعتبره حاله انسانيه
بديعه ـ يبقى رجلج لو شنو صار بينكُم
روحي يوم روحي وأمني
جهالج بالحفظ والصون خليج سباعيه
وقويه مثل ما عرفتج روحي ماما
اتوكلي على الله وخلي سبيلج الدعاء
سمانه ـ ادعيلي يوم
رمش علي مظفر طلعت بسرعه
وماما بديعه سدت الباب وراي
شلونك مظفر
مظفر ـ بخير بشوفتج شلونج
سمانه ـ من الله بخير مو من البشر يله توكل
مشى سريع لما وصلنه للمستشفى
دخل يمشي سريع گدامي
وكل شوي يخابره واحد من الولد
دخلت وياه شفت عمو وخالتي ام اسامه
ومقدام وحمودي وحسام ابو عبد
ونقيب محمد كلهم متواجدين
جنت لابسه كمامه ركضت
لخالتي ام اسامه حضنتهه
يوم
ام اسامه ـ يروحي بنيتي اجيتي
سمانه ـ لخاطرج يوم لخاطرج
اني ام مثلج هم اخاف على ابني
ام اسامه ـ سامحيه يوم واحسبيهه علي
خلي يرجعلنه ونشوفه بخير
سمانه ـ يرجع صدگيني يرجع اسامه قوي
لزمت وجهه وبستهه
وعيونج هذن يرجع كافي تنزل دموعج
اذا انتي تبجين وتنهارين احنه شلون
ام اسامه ـ ولج منون هذا ابني وصديقي
وحبيبي قبل ساعات جان يگُلي
ابريني الذمه وخلي منون تبريني الذمه
على كُلشي سويته وياهه
اذيتهه وقهرتهه اول مره اشوف
اسامه يبجي يگُلي گليلهه
خليهه تدعي علي استاهل
كُلشي يصير وياي يحجيلي
شلون انتي تعاملينه وما كاسره
بخاطره ابد وهو شنو سوا بيج
أنت تقرأ
بين حبك وانتقامي
Mystery / Thrillerما بين تشتت وتفكك وما بين الابتزاز ممرضه وضابط كيف ستكون النهايه بشنو جاي تفكرين ـ ادمرهم ـ شلون يعني ـ لگيت خيط اگدر ادمرهن اثنينهن وهذا الخيط لو صار بجانبي ووياي يسحل ابو احسان مو بس احسان ـ منو وما خفي كان اعظم
