قناص بغداد ( مهمة وطن )

المُـهمة الثانية والستين

-صـيـاد: مستحيل اعوفچ من بعد سنين التعب هاي كلها مستحيل اعوفچ حبيبتي مستحيل هواي أنتِ وبدونچ اموت

حسيته فد مره راح بيها زايد شويه وخرت
سمانه: صخام الصخمني گبال العالم إحنا تريد تفضحني

ضحك وبتعد مني وبده الدك وركص هو شوي وطلع وطبت الدگاگات يمه شفتهن واني احس جتافي من وحدها صارن يهزن

حضرن الهم الگعدة وبدن يدگن والقاعة كلها تركص ذبوا لحم اشرت البت خالي تجي تكومني لان الجازي وين ما تنلزم بعد بنص وهن بدعن بدعن بحيث كلها تركص دگن دگ يجنن واني تعبت من الرگص خو عماته يركصن كله خليجي وشنو من لبس شنو من رقي عدهم يجنن

گعدت لأن شوي ويدخل صياد يلبسني الذهب عيال الجازي جاين كلاسك وراقين وهيچ احسهم من صدك طبقة مخملية

مشاعل لابسه ماروني الشامواه والماس يجنن وهَـمم لابسه نفسه بس لون أخضر طوخ لفتت النظر بجمالها الطاغي وخلن العيون كلها عليهن بس خطية هَـمم أبنها شلع گلبها اجو يتباركون الي

-هَـمم: حبيبتي ألف مبروك شايفة كل الخير يارب السبع سعادات

ببوستها
-سُـمانه: يا بعد گلبي أنتِ الله يبارك بيچ يوم الالچ يا عيوني ويارب تفرحين بهذا العنوني

اباوعله العيون حمر من البچي شلته بوسته وهو على فد بچية شلع گلبها
-هَـمم: موتني تعبني هاي من هسه اگلچ إذا رجلچ نحيس لا تخلفين متت والله خابرت أبو گلتله تعال اخذه گلبه خلص من البچي يا اكعد بي بمكان وحدنا يا أريد بابا

-سُـمانه: الله يعينچ نحيس اني هم راح يطلعون جهالي نحسين بس شنسوي العوض على الله

أجت مشاعل تجنن وتحچي بـ أنوثة ونعومة
-مشاعل: ألف مبروك حبيبي شايفة كل الخير 

-سُـمانه: حبيبتي الله يبارك بيچ يوم الالج قريب ان شاء الله

غمزت الها اعرف سُطام يحبها إحنا بيت الهدوء ما تنظم يمنه سالفة فضيحة لازم نشارك جميع الأسرار

أبتسمت بخجل واجو الناس تبارك لحد ما كمت أغير البدلة حتى تناسب الذهب اوف وايت وسويت دخولية وحوالي البنات صديقاتي وبنات خالي مرت اجواء الحفلة والفقرات كلها سويتها ما خليت شي بنفسي

گعدت شوي و گالت المنظمة العريس راح يدخل راد يدخل بس يخجل يگلها شلون أدخل وحدي عاد راحت عمتي دخلته صارت دخولية تخبل مره ثانية وبيده بوكيه ورد

اتقرب الي بأس رأسي وايده احسها ترجف
-صـيـاد: هسه ياهو سوه هاي سوالف عمي والعباس أستحي صدك چذب قابل ما تعرفين تلبسين ذهب

ضحكت عليه هو جريئ بس ويايه أما ويا العالم كلش ما يحب يبين هيچ سوالف گبالهم جدي أكثر  لبسني الساعة والسوار وباس أيدي