قطعات ليه الطارط وهو يهز بدا يوكلها كيضحك معاها، كتزيد تطلق وتضحك تايتسدو عويناتها عمر شي حد حسات بيه راجل قدامها حتالعندو هو لعب ليها فالباراميتر مزيان تاسالاو ونوضها شادا فيه خرجو لبرا فين كانو جرادي وفجناب ضواو فالارض خفاف والنخل عالي واحد الجو رومانسي زوين وبزاف ومع الجو سخون، ماتسخايش تدخل لداخلل تبقاي غابرا بقاو كيتمشاو فهدوء وهي شادا فيه تادوات .
نهى : شنو لي خلاك ترجع عندي مم باش يقنتي بلي غانسمح ليك
ماجد : ( بصوت هادئ ) واخا مدة قليلة باش عرفتك حفضتك
نهى : مم زعما حفضتني انا كلي ولا غاشوية فيا ؟
ماجد : نص نص ومزال كنحفظ النص التص الثاني خاسك غاتعاونيني
نهى : انا عندي بزاف بزاف ديال الحوايج مازال ماكاتعرفهومش عليا
ماجد : ( ابتاسم ) وغايكون ليا الشرف نعرفهوم عليك .
نهى : ( تنهدات ) تقدر ماتوليش باقي باغي تبقا معايا لاعرفتيهوم .
وقف ودار عندها كيشوف فعينيها ومع النجوم فالسما وضواو الخافتين كيلمعو فيهوم قرب ليها تاوقف مقابل معاها بطالون كتوصل لعند سدرو، حط يدو على خدها ودوزها بشوية حتا رتاعشات ومع هي مامولفاش شي حد اقيسها كدوب غير لاحط يدو عليها هادشي غاماباسها مادازو للصح، وهو حاس عليها .
ماجد : تاحاجة ماغادي تخليني نبعد عليك ديري هاد الهضرة فراسك .
نهى : ( سهات فيه وحنات عند يديه ) عارفة ماشي غابوحدك لي عرفتيني تانا عرفت عليك
علا حجبانو : ايااه شنو عرفتي عليا .
بدات كتعاودلو ورجعو ثاني كيتمشاو منغم من صوتها رقيق والحنين هو اصلا دار هادشي كامل باش ارجع اسمعو هاد الصوت لي كينغم ليه قلبو لي عمر شي وحدة دخلات فيه.
بقاو هاكا تاوصلو لعند واحد البيسين من جنب داخل فوسط واحد الرياض خاوي ولكن فيه الضواو لي بغا يعوم فيه، واحد الجو فيه رائع، مشات بزربة حيدات الطالون وهي تكلس وحشات رجليها ودارت كتشوف فيه كتعيطلو .
مشا دايرليها خاطر نيت مانت لابس شورط مع تيشرت حيد السبادري وخشا رجليه معاها تاشوية وهي دفعو مع كان راخي ذاتو طاح مع يديها تاطلع من الما وشاف فيها لقاها خرجات وخرجات ليه لسانها .
ماجد : ماحسابش ليا مصاحب مع بنت ليسي
نهى : تبرد شوية ههههههه كخخخ مالك شرفتيني
ماجد : نورمال بنت 26
نهى : وراه باقا كنشوف راسي بنت 18
ماجد : شداكشي عندك فالكسوة اللور ؟؟
نهى : اناهو !
هي دارت تشوف وهو يغفلها جرها تغوتات وهي طيح عندو كاع تفك ليها الشعر فوسط الما ومع طلعات بدا الريسي كيهبط .
نهى : ناااري خسرتي ليا الميكاب
ماجد : مزيان نشوفك شوية على طبيعتك
نهى : ( لما بدا يقطر من على شفايفها والعكر تمسح ) ممم علاه زعما هاد الزين كامل سبابو الماكياج هادشي بغيتي تقولي
ماجد : ( جرها من خسرها لعندو ) لا حرام كنميز بين الزين ولي غير مليوح ليه
نهى : ( سهات تاهي فشعرو لي سارد وصوتها تخفض بلا ماتحس ) وانا من اللولين ولا الثانين .
ماجد : ( كيشوف فشفايفها ويرجع اشوف فعينيها وغير صوت الما لي كيتسمع شوية والسكاااات تاهو خفض صوتو ) نتي بوحدك .
بدا كيقرب ليها وهو مزير على خصرها سدرها ملصق مع سدرو تاوصل لعندها شفايفها وهي قلبها كيضرب بواحد السرعة غريبة لوهلة بغات هي لي تبوسو، حتا دوز لعند حنكها وطبع قبلة خلاتها تغمض عينيها وداز من تم لعند وذيناتها وتحت منهوم جيهت عنقها وهي مامصدقاش هادشي لي كتعيش
