ركبات معاه مامصدقاش راسها راكبة فهاد الحديدة، كيف قاد الفاليز ديالها فالكوفر ركب معاه ودار شاف فيها : مرتاحة ؟
نهى : ( شاف فعويناتو نيشان ) أحسن من قبل .
ماجد : ( دار كيديماري ) داكشي لي بغينا ..
مدليها تيليفونو : هاكي ديري الموسيقى لي على بالك .
شدات من عندو تيليفون عاود رد البال لدفرين ديالها كيحمقوه هاكا جاتو عليهوم الكانة وهو يشدها من يديها : بقاي ديما مقاداهوم ( باسليها يدها خرجات فيه عينيها قلبها طلع ونزل )
خطفات يديها بشوية وهزات تيليفون دارت الموسيقى لي بغات غادا بالكانة ديالها وناشطة، وهو شدها نيشان فلوتورت من كازا لطنجة، مموسقين مرة مرة يسولها على شي منطقة فالمغرب وهي كتجاوبو وفنفس الوقت فرحانة ودير سطوريات، وكتحاول ماتعيقش قدامو واخا هو فاهم البلان غير كيشوفها فتحات الكاميرا كيزيد الموسيقى باش ايجيها الستوري مقاد، تاشد يديها وحطهوم الوسط، مع جرة دالكاميرو باش زعما تبان راه هي معاه، تبسمات وتاهي دارت ليه على خاطرو وحطاتو نيت، ماضرب نص ساعة تاكولشي تكب عليها فالبريفي وباغي يعرف شكون ومنهم تا يسرى لي حاضياها بفوكونط قربات تسخف هادشي غاماعرفاتش شكون حيت باينة من الحديدة ديال البورش شي واحد الملعق .
وصلو لطنجة نيشان مشا بيها لواحد الريسطو معروف تغداو عاد تاجهو للاوطيل، طلاقاهون الخدام شد من عندهوم ليفاليز وهو يشدها فيديها داخل بيها عضات على شفايفها وصل لريسيبشن خدا جوج ديال لي كارط ودار مدليها وحدة .
ماجد : ماعنديش شك الاميرة غاطلع احسن وحدة فهاد الليلة .
نهى : ( شداتها من عندو وشافت فيه بابتسامة جانبية ) داكشي لي غايكون ( غمزاتو )
مشات مخلياه داير يديه فجيبو وكيشوف فيها من لتحت للفوق الفورمة ديالها كدوخو مزيان وزيدها الانوثة ديالها لي كطلق والكبرياء ديالها والثقة فالنفس مليوون عندو حمقاتو مزيان .
مشات طلعات للبيت وزاد جاها الستريس بهضرتو ماعندهاش شك فراسها ولكن بصح خاس طلع قتالة .
فتحات الفاليز ديالها وبدات بالدوش هو اللول خرجات حميمرة ومزنكة نشفات راسها بسيشوار اصلا كديرليه البروتين واخا رطب ولكن كتبقا تعكز تقادو، عاودات مسحات صباغة ودارت صباغة حمرة كتفنن، هزات هضرات مع جميلة طبعا من مور داك السطوري خلات بنادم مقلوب تاكتسمع الدقان فالباب، قربات بشوية لابسة غالبينوار ومخلية شعرها مطلوق فتحات كتلقاها الخدامة : هاكي هادي من عند موسيو ماجد .
شدات من عندها واحد البوكيت حمر كيحمق وكبيير وفوسطو بواط ديال الشوكولا وبواط كادو، فتحاتها باش تللقا واحد السنسلة ديال الراس بحال خيط روح فالاحمر من كاغتيي،بقات مصدومة صوراتها وهي تصيفطها لجميلة تم نيت عيطات ابيل فيديو .
جميلة : ناري يا الصكعة هادي راه Cartier .
نهى : قلبي شوفي شحال دايرااا سربيي .
دخلات جميلة بزربة شافت لقاتها ساوية بوحدها ربعة دالمليون الذهب الحمر الحر وعليها جوهر فالاحمر تسطات .
عضات على شفايفها عرفاتو ماشي داك النوع لي بحال الخليجين كيشيرو الفلوس ولكن دوقو قتال الى حطهوم كيحطهوم صحاح غا فكادو واحد، وحاليا عطاها كوج دالكادوات ساويين عشرة .
تاهي جات على خاطرو وفوق راسها، ليسات كسوة فالاحمر وحطات داك السنسلة على راسها وكتافات تحمع شوية راسها، تقنات الماكياج فوجهها مع عمر حمر، وهي تعيط لجميلة .
جميلة : ( عضات على شفايفها ) ناري ياختي برجولة دوك الفلوس حلال فيك قرطاااااااسة .
نهى : ناري اجميلة اول مرة انحس بالسخفة قبل مانشوفو اففففف
جميلة : هاي هاي على نهى ( شافت فيها بجدية ) ياكما طحتي اصكعة .
نهى : لواه تانتي زدتي فيه كيعجبني وصافي
جميلة : واختي بحال هاداك شكون لي مايعجبو
نهى : سيري عند عود الند ديالك اختي وجمعي عينيك
