دخلات للدوش كتستكشف داكشي ياسالام البانيو والفاظي كل حاجة مستفة حبات تفاصيل وكيفاش مخدوم نيت راه الفلوس اديرو طريق فالبحر، خرجات كتنشف فشعرها بسيشورا عاد لبسات كسيوة صيفية جات عندها فتحة تالفخاض ومعرية من اليدين كتجي واسعة، وجمعات شعرها ديل ودارت ميكاب خفيف وعلقات حويلقة على شكل ريشة وخلات الوذن الاخرى خاوية ولبسات سندالة كتجي خفيفة من louis vuitton وهزات غير تيليفونها ومشات هبطات بحكم جميلة كانت سبقاتها تاشيرات ليها فين كان ريسطو راقي جنب لابسين باينة غير بنادام لي كالس فيه كيفاش راقي، كان حاتم كالس مقابل مع جميلة ميتهاودو تاكلسات قدامهوم .
نهى : غاقوليا احاتم بلا كذوب منين ضبرتي على هاد لافير
حاتم : ( غمزها ) خوك عندو المعارف
حميلة : مالكي نتي من الصباح ونتي تحكريلي فحبيبي
نهى : ( قلبات عينيها ) شلا .
هبطات راسها كتشوف فالبوسط ديالها كيفاش ضارب عضات على شفايفها رحانة لوهلة تمنات تا ماجد اشوفها فين باش زعما تفقصو وتقوليه راني عايشة بيك ولا بلا بيك .
تغداو بواحد البلا ديال فخوي دوميغ داكشي هاي كلاص وناضو حاتم خلاهوم وهوما مشاو كيتساراو فالجرادي ديال المامونيا وكيتصورو : الله على جوا وريحة كيدايرا
جميلة : مزال مامصدقاش تقول مانستاهلوش هادشي
نهى : ايوا صافي لهلا يحييك علاش اختي مال لي كيجيو لهنا كيولدو اللويز .
جميلة : شوفي حنا حالتنا كيدايرا
نهى : دوي على راسك لي جايا بحوايج البال اما انا احبيبة لبسة وحدة ساوية عشا هنايا .
جميلة : اييه اييه .
بقاو تالجوايج المغرب وهي كتساريها فداك الجردة عاد مشاو طلعو سبقاتها جميلة وفتحات الباب وهي توقف حداه ودارت عندها : غمضي عينيك
نهى : مالكي تسطيتي
جميلة : وناري على خرية بلاني بيها الله
نهى : ( غمضاتها كضحك بجنب ) امم زعما دايراليا سيربرايز .
جراتها تاوصلاتها لنص البيت وهي تحل عينيها تاكاتصدم كتشوف ناموسية كاملة عامرة نفاخات فالحمر والابيض، ولاطارط تاهي مكتوب فيها happy birthday Nouha وقدامها الورد الاحمر والاهم هو دايرين بيهوم كراطن من لي مارك الفخمة channel Dior Gucci Luis vuitton كاع لي يطيح على البال شي كبير شي صغير .
نهى : كضحكي عليا ياك
جميلة : ( كضحك ) اويلي على البنت صافي هترات .
كتقرب وهي تجر بزربة الكارطونة ديال ديور حلاتها باش تشوف واحد ساك طايح طوندونس غابوحدو ساوي ربعة دالمليون، ورجعات حلات ديال كوتشي كتشوف باك ديال الطربوش ونضاضر وكورميط ورجعات فتحات شانيل كاطلقا كسوة وكل كارطونة فيها العجب قربات تموت . مامتيقاش .
نهى : واش كطنزي عليا منين جبتي هادشي .
جميلة : ماغاديش نقول نتي غادي تعرفي راسك لبسي داك الكسوة ويالاه نهبطو حيت لي لتحت ايخليك تصدمي كثر منهنا .
نهى : لا قوووولي
جميلة : باش تهناي راه ماغاديش نقول واخا تموتي ( مشات بزربة جيهت الباب ) باش منين تسالي هبطي ( سرقات ليها تيليفون ومشات سدات الباب خلاتها غادي تسطا حيت كتعرفها راسها قسح من الجمر )
بقات كدور بغات تحماق منين جابت هادشي كامل كتفكر واش شي واحد بغا يتصاحب معاها دار هادشي وغتانم الفرصة ما جميلة ولا كيفاش، عيات تفكر وهي كتلبس حيت باغا تهبط تشوف شنو كاين، لبسات كسوة فالاسود كتجي باليدين كلاص بزاف، وجمعات شعرها كعكة وخلات زغيبات نازلين وعكرات غير بالاحمر ولبسات طالون عاد مشات هابطة بزربة غا باش تشوف شنو كاين، طلقاتها لتحت .
نهى : هانا تكوني كضحكي عليا نتقبليك عينيك
جميلة : زيدييي .
مشاو لواحد الريطو كان من الحنب الثاني تاهو كيحمق وسيغتو مع الليل البيسين طالقين فيه الضواوات وموسيقى هادئة ولكن كيف دخلات نهى طفاو ضواو والسكات تاشعلات واحد التلفازة كبيرة فالحيط كيضهر فيها برج خليفة وكيحسب بالارقام، بقات نهى غير كتشوف مافهمات والو وجميلة تاهي حداها كضحك ولكن مزال مامصدقاش، تاكيبان فبرج خليفة .
Happy birthday Nouha
حطات يديها على فمها مصدومة وعينيها غرغرو تاكاتحس بيدين تحطو على الخصر ديالها من اللور تاقفزات وطلعات معاها ريحتو همس ليها جيهت ودنيها
ماجد : عيد ميلد سعيد لاجمل وانقى مرأة عرفتها #يتبع
