وصل الوقت باش اقدم راسو والبروجي ناض بشوية هز كوكتيل ( ديديكاس بنات كروب واتس كوكتيل ) فيدو وعلى عينيه كيشوف فكولشي وبدا يشرح وصاحبو واقف كيتسناه باش اذكر سميتو تاسالا وبداو كيصفقو عليه وبداو اسولوه على الشركة وهو ينكرو بحالي ماكاينش ..
بقا مصدوم طلعات معاه الصهدة كيف بعد وهو يمشي لعندو بزربة بغا يطرطق فوجهو .
ماجد : ( بهدوء ) الى درتي شي بلان هنا باش تشوهني كاع داكشي باش كتعيق بيه غايمشي بين يديك ..
سكتو ماخلاش ليه فين ازيد ودار مشا عندو نهى هي ناضت سلمات عليه بلابيز : مبروك عليك الله ادخلو عليك بالراحة ..
ماجد : آمين ( شافها عيات ماموالفاش بحال هاد الحفلات وصراحة كيكونو مملين وهو لاحظ هادشي حط صباعو على حناكها كيمشي ويجي بيهوم ) مالكي عيتي تبغي ترتاحي ..
نهى : ( بصوت حنين مغري ) ممم طالون عذبني باقي كديد والكسوة من اللور مزيرة ..
ماجد : هبطي لشومبر ديالي لتحت رتاحي حيت باقين ماغايتفرقو هوما تالشوية ونمشيو بغيت ناخدك دورة فالبحر
نهى : فهاد الليل ؟
ماجد : ( تبسم فعينيها ) منين كيكون الباطو ديالك والشيفور ديالك سير فالليل ولا فالنهار كيبقا شغلك .
طلعات حجبانها زعما هادشي غا ديالكم كخخ ..
خلاتو وبقا متبعها شحال من اللور تاتحولو نضراتو لجدية
هابطة فالدروج ديال اليخت هازا الكسوة لي لابسة عذباتها ماموالفاش تلبس بحال هاكا، حيداتها ولبسات واحد البينوار عادي وحيدات الطالون من رجليها هلكها، دورات كتفك شعرها تخليه على راحتو تاكيبانليها الساشي لي عطاه قبيلة داك خونا تحركات بشوية من قبيلة وهو ضارها راسها خسها تعرف شنو فيه خصوصا على الحركات لي دراليه بوجهو، تقدمات بشوية وهزاتو بين يديها هي جبداتو مع قلبها كيهبط ويطلع وصباعها بداو اترعدو حتا زاد زعزعها الصوت من موراها .
ماجد : ( داير يديه فجيبو وكيشوف مصغر عينو ببرود ) شكاديري تما .
مادارتش وبطريقة خرا مابغاتش ضور كتأكد بلي لي فيديها البروطيكس وماغالطاتش فيه، وهي دور عينيها عامرين بدموع ولكن مابغاش تنزل وحدة : واش مفكر تنعس معايا ؟ ( بصدمة ومصغرة عينيها فيه )
ماجد : ( زاد صغر عينيه بشوية ) رجعي داكشي بلاصتو
جمعات فمها وزيرات على داك البروطيكس ومشات بزربة قربات ليه وهي ضربوليه على سدرو : خسارة اقسم بالله خسارة فيك ( طلعات وهبطات عينيها فيه ) شفتيني ضحكتليك شوية بغيتي تردني قــح*ـبة ديالك ! عند بالك فلوسك غايشريوني ؟
ضربات فيه وهو يشدها من المعصم ديديها تاغوتات خاطفة يديها : بعد مني ( رفعات صبعها ) حد هنا وسالا كولشي صافي .
الدموع تعمرو فعينيها مامصدقاش كيفاش فكر اول ليلة غادي تيق فيه وتبقا نعاه ينعس معاه لهاد الدرجة معتبرها عاهرة ديالو، دخلات بجهد لطواليط وتكات على لافابو كتشوفو ماجا لدق عليها لاوالو زادو دموعها طاحو، وكتحس بقلبها كيضرها وهي دير عليه يديها : لا مايمكنش مايمكنش سكتي .
لبسات كسوتها باش جات ودموع من عينيها نازلين والكحل والريسي معاهوم، خرجات بزربة شافتو ماكاينش فالشونمبر : أنا لي حمارة غادا معاك بعقلي ..
مشات كتجري هازا الطالون فيديها كتمشى بالحفا طلعات ومشافتش نهائا فالبلاصة فين كانو مشات نيشان خارجة من اليخت تاخرجات للبور خرج تبعها يالاه شدها من يديها وهي تطلق بزربة دارت عندو عينيها حومر والماكياج تخسر فيها : شنوووو بغيتيي شنووو
ماجد : ماشي داكشي لي فبالك ..
نهى : شنو لي فبالي ااه ( مسحات دمعة من عينيها ) شنووو لي فبالي ( حيدات داك السنسلة لي جابهاليها بزربة تاترخا شعرها وهي ترميها فالارض ) الى كيحسابك بفلوسك اتشريني ودرتيني رخيسة بين يديك ( قربات وزادت زيرات على يديها قلبها كيحرقها ) راك غالط وبزاف ..
