ابو رعب

#_البارت39

لبوة: أحبك
قسور: جدتي دزتج ؟
سكتت شوي استوعب كلامة .. رمشت بعيوني اكثر من مرة بعدم استيعاب واني اباوعلة

لبوة: شنو شعليها جدتي ؟ اني....
قاطعني وهو يأشر بأصبعة على حلكة يسكتني .. كعد كبالي ع الجرباية وتنهد وكال بهدوء

قسور: خليني احجي وياج جم حجاية .. واعتبريها نصيحة من ابو لبنته ، من اخ ، من ابن عم لبنت عمة شتردين احسبيها..
كلامة احسه وغزة سجين وتدخل لكَلبي شوي شوي ..
تعبت من برود اعصابة واني فاير دمي .. انهديت

لبوة: أخ ؟ تكولي اخ قسووور .. دا اكولك أحبك
زمخ بيه

قسور: صووووتج ليعله بووجهي .. كتلج اسكتي خليني احجي وياج هل كلمتين
كتفت ايدي لصدري واهز برجلي بنفاذ صبر ودايرة وجهي ، عيوني تحركني من الدموع اللي متجمعه بيهم .. بس اصارع نفسي حتى لا تنزل وتفضحني كدامة
.. شما جان حجوا كدامج وملوا راسج بحجي ماله وجود سواء جدتي او حتى يمكن عمتي .. لا البالج راح يصير ولا اللي بالهم
كام وكف وتقدم كم خطوة صار كبالي ويضرب باصبعة على راسي بخفة ايدة وكمل كلامة

.. مال قسور يتزوج لبوة طلعيها من راسج ابوية
جسمي كله صار يرجف وكَلبي ينبض بقوة ووجع بكَلبي جن روحي تريد تطلع .. وعقلي رافض يصدك الكلام اللي كاله
ما اعرف منين اجتني الجرأة وحجيت من بين رعشة شفايفي

لبوة: ليش ؟

ابتسم ابتسامة جانبية ..
ابتسامة مستهزأة جن يضحك بيها على سؤالي

قسور: ليش ؟! هي يحتاجلها ليش ؟ .. انه وياج ماي ونار ما نتلاكة .. خليج من ان انه اشوفج مثل بنتي ، ما فكرتي بفارق

العمر اللي بينّه ؟؟

لبوة: تشوفني مثل بنتك ؟ بعد كل اللي صار وسويتة ؟

قسور: شسويت ؟ وهو شصار اصلا .. لتوهمين عقلج بشغلات مالها وجود ، بعدج صغيرة عيشي حياتج واختاري رجال قريب لعمرج

لبوة: بس اني اريدك انت .. ميهمني فرق العمر

ضل ساكت ويباوعلي وملامحة خالية من اي رد فعل .. مسح على وجهة ورجع باوعلي وكال

قسور: شلون بيج اليوم ؟

لبوة: ليش مدا تصدك اني احبك وروحي بيك والله .. سنين واني كبال عينك معقول ما حسيت عليه من نظرة من كلمة .. شكد حاولت المح وعيوني الجانت فاضحتني وهسه انت جاي تكولي بنتي ؟؟

مسحت دموعي اللي صاروا ينزولون غصب عني واحجي من بين دموعي والغصة اللي تجمعت بصوتي
.. اعرف اني مرات اضوجك بتصرفاتي حتى اذا تريد بعد ما اطلع للسطح وللطارمة بدون شال ولا امد راسي من باب الشارع وانت مو تضوج من المسلسلات التركية اللي اتابعهم ؟ هاهيه بعد ما راح اباوع عليهم واسوي اللي تريدة .. بس لتكولي اشوفج مثل بنتي ، لو تدري هل كلمة شلون تكطع روحي !