....................نايم ع القنفة من التعب والطريق
.. ما اسمع الا صوت باب يندفر بقوةكعدت مفزوع واشوفة كبالي
.. كمت على حيلي افرك بعيوني واباوع للمكانهاي اني وين ؟
بعدين تذكرت
احنة هسه بالعمارة!
وهذا بيت قسورباوعتلة وهو واكف يفتح بشبابيك الصالة
يوسف: صباح الخير
رد بدون ليباوعلي
قسور: صباح النور
يوسف: الساعة بيش ؟
قسور: بال7فتحت عيوني مصدوم وحجيت
يوسف: بال7 الصبح ؟
هز راسة وباوعلي وهو يكول
قسور: ماحب الكعدة متأخر .. تعودوا منا وجاي دامكم بهذا البيت الساعة ب7 انتوا كدامي
يوسف: بس ليش ؟ عاد خلينة بس اليوم نرتاح و....
بحزم
قسور: شحجيت ؟
سكتت مارديت بعد
.. بعدني نعسان وميت تعب
البارحة لل2 بليل يلا وصلنة لهنا وهسه كاعدين من الصبح ؟.. ليكول عقوبة
سألني
.. هذاك الثاني وين ؟
يوسف: نايم بالغرفة
قسور: روح كعدلياه
مشيت رجع صاح
.. اذا ما كعد ادفرة
ابتسمت وكملت طريقي للغرفة
.. مصطفى ونايم! لعبتي هايباوعتلة شلون شامر نفسة ع الجرباية ونايم على بطنة .. رأساً انطيتة دفرة على صفحتة كومتة على حيلة ، وهو يسب ويغلط
يوسف: كوم عاد كوم .. راح يجي العمدة ينطيك الاقوى منها ترة
مصطفى: شكوو شنو السالفة دباع الساعة خرب هبل
يوسف: تعود يخوي منا وجاي ماكو بعد نومة للظهر .. وربك متحلف النه اله يطلعلنه كلب
مصطفى: خاب اررريدد اناااامم
حجاها ورجع شمر نفسة ع الجرباية
يوسف: خوش كمل نومتك راح اكلة ميقبل يكعد
حجيتها وطلعت من الغرفة واسمعة يصيح وراي
.. رحت للمغسلة غسلت وجهي وواكف ابلل بشعري وارفع بيه ، اجه ورايباوعتلة بالمراية .. هاا ؟
رد بضوجة
مصطفى: دوخر يمعود وخر هو احنة طايح حظنة من الاخير اكلك ياها
سمعت صوت جاي من المطبخ مشيت شفتة واكف ع الطباخ ويخلي جاي بالقوري والجكارة بحلكة
لابس فانيلة سودة وبنطرون .. مغير ملابسة !
شنو يريد يطلع ؟
YOU ARE READING
ابو رعب
General Fictionاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ...