...................
واكفين 3 مدنكين راسنة ليكول عصابة منتظرين حكم المحكمة مالتهم
وهو واكف كبالنة بعصبية وصياح كال
قسور: ولكممم انتم متجوزون من سوالفككككمم .. ليمتة انه اضل اطورد وراكم واطمطم الكممممم ؟؟؟
رد عليه مصطفى
مصطفى: خليهم يستاهلون .. قابل شاخذنة ذهب ؟ هنة زوجين طيور متسوالهن فلسين
قسور: وشكوووو ماخذهن اذا ميسون فلسييين ؟
مصطفى: خلي يولي هذا ابنهم موضجني بالمدرسة وردت احرك كلبة بيهن
قسور: وتروووح تعبر على سطحهممم ؟؟ متعرررف تجي وتكلي عليه وانه اطيحلك حظة وفنة لو فتح حلكة بعد وياك بكلمة
مصطفى: وشمدريني هي بعد صارت قابل انتظرك لحد متجي من دوامك ؟
قسور: لاااااا يابة شلون أستاذ مصطفى ينتظرلة يومين
.. تقرب منة ولزمة من ياختة وعاط بيه
.. اسممممع لككك مو شفت نفسك كبرتلك شبرين كمت تلعب بكيفك وكلشي وصار جامعلي ذول الزواج وياك ورايح هاد ع العالم .. انه هذا الوضع ميصرفلي اجي كم يوم حتى اريح راسي تتلكوني بطلابة
ورجع باوع لمرتضى وكلة
.. وانت الثاني الي حجي وي ابوك .. عود انت جبير وصرت متوسطة وهالله هالله .. بس خوش منا وجاي انه اعرف شغلي وياكم
هو يحجي واني جانت عيني على لبوة اللي لمحتها واكفة بصف الحايط ومبينة بس راسها وتباوع ..
اشرتلها بعيوني حتى تفوت للبيت وهي ما دايرة بال .. لحد ما انتبهلي وين اباوع ودار وجهة عليها وشافها
اشرلها بيدة وصاح
قسور: تعاي ولج تعاي
بدون اي صوت اجت مدنكة راسها وجهلها السؤال
.. شعندج كاعدة من الصبح ؟ مو اليوم جمعة ؟ لو انتي وياااااهم ؟
كال كلمتة الأخيرة بنترة ..
كمزت على اثرها وضلت ساكتة
حجيت اني من مكاني من شفتها شلون خايفة من قسور
يوسف: لا لبوة معليها .. متعرف بالصار
دارلي بخزرة
قسور: انه سألتك؟
يوسف: شفتها ما جاوبت رديت عليك
قسور: احد وكلك محامي عنها ؟ تسكت ما اريد اسمع ولا حرف زايد
سكتت ودرت وجهي بضوجة
واني ازفر انفاسي بضجر
رجع يحاجيها ..
وينج ولج تدرين بيهم راح يعبرون ع الجيران مو ؟
هزت راسها اله ب اي ..
اجيت انطيها راشدي على كد ما نرفزتني
KAMU SEDANG MEMBACA
ابو رعب
Fiksi Umumاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ...
