حجتلة جدتي وتشكيلة عليهم وهي تنعى وتبجي تقرب باس راسها واشر لعمتي تجيبلها كلاص ماي
ركضتلها عمة سهير .. تهدي بيها
ودارلهم
: صدك جذب ما تستحون ما تخجلون واحدكم الشيب تارس وجهة وتتعاركون على سالفة صارلها سنين كدام الجهال .. ربكم المرحوم ما شافكم بهاي وضعيتكم جان كام يدك على راسة
أسر: اني ناسي هالسالفة من زمان هو اللي فتح الموضوع
جهاد: خوية أسر انت ستوك راجع من سفر وتعب .. اكعد ارتاح واكلك لكمة وكوم ويانة سلم وشوف نفسك للناس .. يلا بعد اخوك
وانتو..
دار وجهة لعمامي وكال
: امشونة برة والي جم حجاية وياكم
أخذهم وطلع وهدئ جوّ التوتر الجان مشحون بانحاء الغرفة واحنة طلعنة وراهم.....
بعد مرور ساعات طر الليل
وبدت تخف رجل الخطار من عدنة
واكفات بالباب ونحجي
: بلة منو هاي الجان يحبها عمو أسر بحيث قاطع علاقتة بأبوه علمودها ؟
رفعت اكتافي بمعنى ما ادري ورديت : بس بنت المحظوظة نيالها حصلت واحد هالكد يحبها .. خما مثل.....
ردت احجي وتلاحكت لنفسي واخذت نفس وزفرتة متضايقة ..
جنة نتهامس بيناتنة غافلين عن هذيج العيون اللي تباوعلنة وهو مبتسم ..
سكتنة بسرعة واحنة نباوعلة .. اشرلنة نروحلة
مشينة باتجاهة جان كاعد ع الجرباية وكفنة باوع علينة وكال وهو يأشر
أسر: انتي حور مو ؟
هزت راسها ورجع حجة موجهلي الكلام : لعد انتي.....
قاطعتة بسرعة : لبوة
ضحك بخفة وهو يكول : لا عاد واضح ميحتاج تكولين
شكد ثولة شبيج نطيتي من مكانج اكرصيها واكعدي .. احجي بيني وبين نفسي لحد ما فززني صوتة وهو يكول
أسر: صايرات نسوان ولجن .. عفتجن كل وحدة ها كدوتها
لبوة: اي عمو هو هذا العمر يمشي ومحاسين بي .. قابل عفتنة صغار ترجع تلكانة بعدنة اغو
أسر: انتي شكد ما تتغيرين لسانج هو هو .. بشري ما كصوا الج
لبوة: زلمتهم خلي يطخني
أسر: هاه حتى قسور ؟
توترت من ذكر اسمة ودنكت راسي ساكتة واسمعه يكهكه بخفوت وصوت واهن وكال
.. مسوي بيكم خوفة هل قسور
لبوة: عمو هذا حقي اخاف منة .. شايف لو ضربك راشدي بجف ايدة تلكة روحك بوادي السلام وتسمع صوت واحد يكلك من هو ربك
أسر: عاد والله بهاي حقج
رجع دار الحور .. وانتي بعدج صوتج مينسمع لو لاحج خيط خبال من اختج
دخلت جدتي تمشي على عكازتها وهي تكلة
الجدة زهدية: يمة جا هي العرامة شمرة مو تعلوم .. متشوف هل عرمة لسانها مترتين من جانت تسويها بفراشها
ВЫ ЧИТАЕТЕ
ابو رعب
Художественная прозаاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ...
