ابو رعب

#_البارت33

.. الله ينعلك يلساني .. اني عطشت وجعت ترة جاية بدون غدة

ضحكت

حور: اي مو تدلل علينه لولة .. كم لبوة عدنه احنه

كمنه ثنينة دخلنه جوة راحت هي للمطبخ تسوي عصير واني كعدت بالصالة .. مدنكة ومخليه وجهي بين اديه اجاني صوتها

ميسون: هاي انتي شجابج ؟!

رفعت راسي اباوعلها ببرود عكس البراكين الهايجة بصدري .. رديت

لبوة: شنو شجابج ؟ البيت بيتج واني ما ادري ؟؟

ميسون: اي بيتي .. نسيتي ابوج مسجله بأسمي

لبوة: جزء منه مو كله .. جنج انتي النسيتي اني وحور هم النه حصة بيه حالنه حالج

ضلت ساكته ما ردت .. وعينها ما شالتها عني واني بالمقابل اصدها بنظرة استحقار ..

ميسون: والله والج عين تجين تفوتين طبة وطلعة .. ولا جن صاير شي ؟ بيج خير روحي بيضي صفحتج كدام العالم صرتي شهيرة حتى كدام زملائج .. بنات هل وكت ما تنحزرن الله اليستر منجن فوك شينجن كوات عينجن

لبوة: والله عاد انت معلم واحنه منك نتعلم .. ما شاءالله انتي هم ممقصرة ما ضلت سحارة ببغداد تعتب عليج .. بحيث وجهج صار معروف عدهن يحضرون السحر قبل لتطلبي

ميسون: انجبي ادبسززززز منيلج هل حجيييي ؟؟ هاااي عمتج السوسة موو ؟ ادري بيهاا هاي سوالف سهير تملي راسج وتجيبج عليه هدادة

ضحكت بعلو صوتي وهزيت ايدي

لبوة: انتي بكل عقلج دتنكرين ؟ ترة سوالفج مكشوفة وما ضل واحد ميدري .. استغفر الله يمكن حتى ابوي يدري ومغلس

ميسون: انتي صدددك صلفة ومتستحييين .. دخللللييي يجي ابوووج واخلي هوو يتصرف ، خلي يجي يشوف بنته صارت من ساس الكحاب .. بنت صبا شنترجة منج ؟ هو انتي لو بيج خير ما جان امج ذبتج وراحت تك**** وي الزلم

حور: ماما شنوو هل حجي ؟؟؟

دارت عليها بعصبية

ميسون: انتي انجبي وامشي اصعدي لغرفتج .. وانتييي

رجعت دارت وجهة عليه وحجت بتحذير

.. عوفي بنتي بحالها ولتتقربين منها ترحين تعلميها على دربج الاعوج انتي وامج

حور: ماما شتحجييييين ؟؟ عيب هل كلام ترة عيييييب

ميسون: وووووجع .. نوب عليه انتي تعلميني العيب .. امشي كدامي يلااا

جرتها كوة وهي تحجي وياها وطلعوا ثنينهم من الصالة
.. رفعت راسي ليفوك وادعي من كل كَلبي

لبوة: يا رررب شوفني بيها يوم بجاه كلمن عنده جاه

كمت اخذتلي فرة بالمطبخ انسدت نفسي ما اشتهيت اكل .. صعدت لغرفتي فتحتها اول ما دخلت شمرت نفسي ع الجرباية