.. شنو
قسور: اخذي من ايدي وشوفي اللي بيه
اخذته منه وايدي ترجف .. باوعت للموبايل للحظة! ..
حسيت صاعقة ضربت راسي واني اشوف المحادثات والصور .. هاي صوري! اي هاي اني ...
اثر رجفة ايدي وكع التليفون وعظامي مصطكة .. اباوعله واشوف نظراته اللي تتفحصني .. كأن يريد يشوف رد فعلي
متمتت وصوتي مهزوز
لبوة: مو موو اني .. والله مو اني ما حا........
قاطعني
قسور: اششششش .. اسكتي ما اريد اسمع شي
كمت ابجي واحجي
لبوة: قسور والله مو اني الحاجية هل كلام .. بالكلية استحي اخلي عيني بعين ولد مو عاد ادخل علاقة وي واحد وادزلة صوري
قسور: هاي صفحتج لو لا ؟ .. احجييي اي لو لاا
هزيت براسي اي ودموعي ما سكتت
.. احاول ابرر احس لساني معكود وما يطلع وياي الحجي
.. بعيدا عن هذا كله .. تدرين هاي السكرينات والمحادثات واصلة لكليتج لو لا ؟
ضليت صافنة واربط بالحجي اللي كاله وي اللي صارلي بالدوام .. كمت ادك والطم على وجهي وابجي بهسترية وهو يصيح عليه يريد يسكتني .. لزم ايدي وصاح
.. كاااافي عاااد .. شنووو تخبلتيييي
لبوة: انفضحت .. فضحوني دا تسمع لو لااا .. هذا كله واصل لطلاب قسمي واني الغبية رايحة للدوام بكل ثقة وهم شايفيني وحدة ررخيييييصة وأشكال الحجي يشمرون واني مثل الأطرش بالزفة
احجي بصياح وابجي ..
.. نزل من السيارة واني تخبلت
ما اعرف شسوي .. ابجي على حظي
لو ع اللي حيصير بيه ؟ وين انطي وجهي
الصفحة صفحتي وبأسمي .. بس مو اني الحاجية هل كلام
انفتح باب السيارة من جهتي ومدلي ايدة جايبلي بطل مي .. من شافني ما ابديت اي رد فعل فتح البطل وذب شوي على ايدة وغسل وجهي .. فاجأني بحركته
ضليت اباوعلة وابجي بدون صوت بس دموعي تنزل ..
قسور: مو كافي ؟
رديت بصوت مهزوز
لبوة: شنوو الكافي
قسور: بطلي بجي عاد .. هاج بطل المي اشربي
لبوة: يا برووود أعصابك .. ليش هيج ساكت وبارد بكلامك ؟؟ انت هيج وي كل الناس لو بس وياي ؟ اكلك انفضحتتتت واني ما الي ايد بالسالفة وانت ب........
قاطع كلامي وكال
قسور: ادري
ضليت صافنة ومركزة بكلامة
.. ادرري بيج مو انتي اللي مراسلة وادري بيج مو انتي التحجين هل كلام .. ولا انتي اللي دازة هل صور
أنت تقرأ
ابو رعب
General Fictionاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ...
#_البارت32
ابدأ من البداية
