ابو رعب

#_البارت21

زهدية: لا

لبوة: هاااه هيج صارت .. زعلت اني

زهدية: زعلت الجلاب السود جا واذا ما زعلتي

مصطفى: هاي شنوووو جاي تتقاسمون هداية واني ما حاضر

حجاها وهو يفوت للصالة وشايل جنطتة على جتفة .. كلنة تفاجأنة من دخلتة علينة هيج فجأة واجة يسلم ويبوس بجدتي وجدو ..

و ما حسينة اله وجيهان كمزت عليه تحضن بيه وتبوسة
وتبجي ، وهو يطب طب على جتفها

جيهان: ليش ما كلت راح اجي

مصطفى: ديلا على اساس الموضوع يفرق .. هسه لو ابوي هنا جان كلج شني جاي من الجبهة .. هاي شوفت عينج نفس الجهرة ونفس الوضع

زهدية: ابو شعفة جا ما تزين شعفتك هاي

مصطفى: جدة اني اخلص من المدير والمعاون تطلعيلي انتي صفح ؟ دباعي الشعر غير يخبل كاسر بيه ع المدرسة كلها
زهدية: جا شني انت بت ومبريلك شعفة ها كبرها

مصطفى: ولكممم الله اكبرررر .. وينة عمي حتى مو حيل طويل

لبوة: ابو شعفة شلونك ؟

دارلي شافني وحجة

مصطفى: هاك استلم شلون سمعة خايسة هاي .. اني زوين انتي شلونج ، اكلكم شتاكلون شتشربون شو كلكم كبرانين لو عيوني بيها شي

لبوة: لا عيني احنة كبرنة وصرنة شوباب

مصطفى: شوباب ؟ لا بيها الخير ربحنة

شكد فرحت بجيتة ، كعد هو يسولف وياهم واني رحت اجيبلة مي من المطبخ .. وشفت حور خاتلة هناك

لبوة: هاي شبيج طفرتي من شفتي مصطفى ؟

حور: ها لا مو هيج

لبوة: لعد شنو ؟

حور: استحي اسلم عليه

لبوة: وثول عبالي شبيها .. مو هاي اني سلمت وياج عادي وشكو بيها
حور: عفية شفتي شلون صاير جبير ..

لبوة: اي ترة بعد كم شهر داخل ع ال19 سنة قابل صغير

حور: ها زين عادي هسه اسلم عليه .. لو انتظرة لحد ميكوم من عدهم

لبوة: بكيفج

اخذت المي وعفتها بحيرتها ومشيت بيدي دولكة وكلاص صبيتلة وانطيتة

مصطفى: اييييه  رحم الله والديج

حجاها وهو ياخذ كلاص المي من ايدي
ما كمزت الا على صيحة قسور وهو يصيحني

درتلة بسرعة شفتة واكف بالباب عاكد حاجبة وملامحة محتدة .. كتلة

لبوة: ها

قسور: تعوفين البيدج وبوجهج فوك لغرفتج

ضليت صافنة بوجهة
رجع صاح بخزرة
.. وياااامن احجي ؟ بسرعة