ابو رعب

#_البارت12

دار شافني

قسور: صيح لذاك الزمال وتعالوا تريكوا

مصطفى: هذا الزمال اجة بنفسة ميحتاج تصيحة

حجاها وهو يفوت للمطبخ ..
دار وجها منه بملل ورجع يكمل بالطاوة ويطك بالبيض
تقرب بهمس

.. اكلك هو العمدة من يمتى يطبخ ؟

يوسف: الكعدة لوحدة معلمتة

مصطفى: ايباه تخيل كل يوم صينية ريوك من ايدة .. قسم بالله لو ما مكعدني انت جان كعدتني ريحة الاكل

قسور: لتروح زايد ترة بس اليوم مخليكم على راحتكم .. من باجر كلمن يدبر نفسة والما عجبه ياكل من برة

تريكنة وتكربست المواعين براس مصطفى .. كمنة نتعارك منو يغسلهن لحد ما عاط بينة

واني وكع براسي تنظيف
.. لشوي شفتة لابس قميصة واجة علينة كال

.. انه طالع عندي شغلة .. انتوا ارتاحوا اي شي تحتاجوا موجود ، اكل بالثلاجة .. احتمال اتأخر لليل ولحد يطلع لحد ما اجي

راح واحنة على وضعنا اجة علية

مصطفى: اكلك شو هذا حاسبنة نسوانة وكاعد يتأمر علينة ؟ عايز بس يكول من تطلعون للحوش البسوا ربطة

يوسف: احمد ربك ما شافتنة لبوة .. جان صرنة مضحكة الها ، هي مخلصتها عركات واحنة نسوي شغل البيت

مصطفى: وداعت طليان يعقوب طارت الهيبة

يوسف: دكوم كمل المطبخ هي ضلت بيها هيبة

.....

لبوة: افتر بالبيت وضايجة .. صدك مكانهم اله وحشة احس البيت طفة فجأة

وخاصة هسه بعد ما كملنة امتحانات كعدت بالبيت لا مدرسة اتونس بيها ولا صديقات

.. خلاهم اول ما كملوا امتحانات الثالث أخذهم وياه وراح ينقلهم هناك .. واحتمال سنة أو أكثر منكدر نشوفهم

رحت على جدة بالغرفة وكعدت يمها

زهدية: ها خايبة خيرج كاعدة مكابلتني من الصباحيات جنج ارملة

لبوة: جدة زهكانة اريد اطلع .. طلعوني

زهدية: ياهو هذا اليطلعج يمدهربة .. كلها بالشغل وهذول الفروخ أخذهم ابو رعب وياه .. وضل البيت لمطيرة

لبوة: وطارت بيه فرد طيرة

ضلت تباوعلي بطرف عينها تعرفني من اريد منها شغلة تباوعلي بهاي النظرة
كمت كمزت يمها واتوسلها

.. حبابة حبابة اخذوني لبيت عمة سهير

زهدية: شتسوين ولج رايحتلها بلكي رجلها يمها ؟

لبوة: لا اليوم خميس بشغلة .. حبابة والله اتونس وي البنات

حور: اي واني هم اروح