☽ | Kulungan at Kasarinlan
Lumalangoy sa mga luha ang papel na hawak
Lumiliit na ang lugar na dati ay malawak
Binibigkas sa harap ng nakasilip na mga mata
Nagmamarka sa katawan ang paghampas ng kabaNauutal sa mapangkutyang katahimikan
Inuusig kung hanggang saan nga ba ang kaalaman
Kahinaan ang sumisiil sa boses na sumisigaw
Walang tinig- puro malalim na paghinga ang nangingibabawBinubulag ng mga maling layunin at hinuha
Nabusalan ng mga salitang nabuhol ng luha
Nakasandal sa inagaw na pahinga
Kinakapa ang lubid ng paglayaUmaasa sa pag-angat
Naniniwala sa mga alamat
Kahit na sa palagay ng lahat ay mahina
Pasan pa rin ang librong makapal ang bawat pahina006 |
BINABASA MO ANG
Mga Pahina ng Pagmumuni-muni
Poetry"Ito ang mga katagang kinikimkim ng kaisipan na hindi mabigkas ng mga labi. Mga bagay na gumugulo sa damdaming hindi piniling maghanap ng karamay, bagkus ay namnamin ang iba't-ibang yugto at aspeto ng buhay. Mangyaring isapuso mo ang tulang ito na b...