☽ | Guni-guni sa Mga Hiram na Sandali
Naubos na ang oras na dapat ay pahinga
Ginugugol sa pagbabalik-tanaw
Nilalaan sa mga bagay na dati ay mahalaga
Bumabalik sa dating ako at ikawNaalala pa ang pag-ukit ng ngiti sa labi
Ang pagtudla ng mga nais dalhin na sandali
Kung paano kita minasdan
Kung paano kita hinawakanKung paano kita dinala sa mga lugar na naisin
Kung paano ako nahibang sa mga awitin
Kung paano naging malabo ang tinatahak na landas
Kung paano mo ako iniwang nalalagasHindi ko batid na doon hahantong ang pagpapaubaya
Kahit alam ko na ang kapalit ng aking pagtaya
Nabuhay ako sa mumunting pag-asa na hatid ng pagsinta
Sa mga guni-guni na hatid ng dating ligayaNgayon ay sa guni-guni na lang din aasa
Na muli mo akong mamasdan tulad ng nakagawian
Muli kang babalik upang ang ulan ay tumila
Muling magbabalik ang mumunting pag-asaNgayon ay sa guni-guni na lang din kakapit
Doon ay aawitan ka upang lumapit
Mangyayari ang pagaakala sa patay na akala
Babalikan sa landas kung saan ako nalagas005 |
JE LEEST
Mga Pahina ng Pagmumuni-muni
Poëzie"Ito ang mga katagang kinikimkim ng kaisipan na hindi mabigkas ng mga labi. Mga bagay na gumugulo sa damdaming hindi piniling maghanap ng karamay, bagkus ay namnamin ang iba't-ibang yugto at aspeto ng buhay. Mangyaring isapuso mo ang tulang ito na b...