တစ်... သူ့ရဲ့မျက်ဝန်းတွေက အရမ်းဝမ်းနည်းနေတယ်။
နှစ်... သူက ချစ်ဖို့ကောင်းတယ်။
ပြီးတော့ သုံး... သူက ရူးလောက်အောင် ချစ်ဖို့ကောင်းတာ...
သူ့ရဲ့နာမည်က SuanSoonတဲ့... သူက ကျွန်တော် အဖြေမရှာနိုင်တဲ့ပုစ္ဆာတစ်ခုလိုပဲ... များစွာသော ပဟေဠိတွေနဲ့ ပြည့်နှက်နေတဲ့SuanSoon... သူက အင်္ဂလိပ်ဘာသာကို တော်တော်လေး တက်ကျွမ်းတယ်။ ပြီးတော့ မျက်ရည်စက်လေးတွေ ရောနှောထားတဲ့လက်တေး ပူပူလေး သောက်ရတာကိုလည်း နှစ်သက်တယ်။
သူ နာကျင်စွာနဲ့ ငိုကြွေးနေတာကို ကျွန်တော် မကြာခဏ မြင်ခဲ့ရတယ်။ ဒါက ကျွန်တော့်ရဲ့တာဝန်လေ... ကျွန်တော် သူ့အတွက် သီးသန့်ရည်ရွယ်ပြီး ပြုလုပ်ပေးထားတဲ့ ခါးသက်တဲ့ကော်ဖီရဲ့နွေးထွေးမှုကို သူ အရသာခံနိုင်ဖို့ မျှော်လင့်ချက်လေးနဲ့... ကော်ဖီ ဖျော်ပေးရတာက ကျွန်တော့်ရဲ့တာဝန်... ပြီးတော့ သူကလည်း ကြိုက်နှစ်သက်တဲ့ပုံပါပဲ...
သူ့ရဲ့အပြုံးက သူ့အနီးတစ်ဝိုက်က အပူချိန်ကို တစ်ဒီဂရီ နှစ်ဒီဂရီလောက် တိုးလာအောင် လုပ်နိုင်တယ်ဆိုတာကို သူ သိရဲ့လား။
ကျွန်တော့်အတွက်တော့ အဲ့ဒီအပူချိန်က ကျွန်တော့်ရဲ့နှလုံးခုန်နှုန်းကို သာမန်ထက် ပိုပြီး မြန်ဆန်လာအောင် လုပ်နိုင်တယ်။ ဒါပေမယ့် အခုအချိန်မှာတော့ ကျွန်တော် လူသူဝေးရာနေရာတစ်ခုမှာ ရပ်နေခဲ့တာ... ထီးတစ်ချောင်း... ပြီးတော့ ဖွဲဖွဲလေး ကျနေတဲ့မိုးစက်လေးတွေနဲ့ အတူတူပေါ့... ကျွန်တော့်ရဲ့ခံစားချက်တွေကို နှစ်သိမ့်ပေးနိုင်တဲ့နွေးထွေးမှုတွေက ကျွန်တော့်အနားမှာ မရှိတော့ဘူး။
ကျွန်တော့်ရဲ့နှလုံးသားကို...
အကျဥ်းချထားလိုက်သလိုပဲ...
ကျွန်တော်တို့ ပထမဆုံး စတွေ့ခဲ့တဲ့လမ်းကြားလေးမှာ ကျွန်တော် ရပ်နေမိတယ်။ သူ ကျွန်တော့်ကို တစ်ခါ ပြောဖူးတယ်။ စိန်ခေါ်မှုတွေနဲ့ ပြည့်နှက်နေတဲ့... အရွယ်ရောက်ပြီးသားလူတွေရဲ့အချစ်ဆိုတာကို နားလည်ဖို့အတွက် ကျွန်တော်က အရမ်းငယ်လွန်းသေးတယ်တဲ့... ပြီးတော့ အခုထိကို ကျွန်တော် နားမလည်သေးဘူး။
YOU ARE READING
Absolute Zero (မြန်မာဘာသာပြန်)
Romanceမကြာခင်မှာ စပြီး ပြသတော့မယ့် P'Newရဲ့စီးရီးအသစ်ပါ။ Khun Salilရဲ့ဝတ္ထုဖြစ်တဲ့ Absolute Zeroကို ပြန်ရိုက်ထားတာပါ။ ... မၾကာခင္မွာ စၿပီး ျပသေတာ့မယ့္ P'Newရဲ႕စီးရီးအသစ္ပါ။ Khun Salilရဲ႕ဝတၳဳျဖစ္တဲ့ Absolute Zeroကို ျပန္ရိုက္ထားတာပါ။
12:00
Start from the beginning
