شمني حيل وگال
-صـيـاد: چا بعمرچ ما حبيتيني إذا هيچ-سُـمانه: هاي شلون ؟
-صـيـاد: لو بس متمعنة بيه چا عرفتي الصد الي تشوفينه بعيوني رغبة والابتعاد هروب من كمية حب بداخلي الچ ما گدرت اسيطر عليه فاض بيه وفضحني گدام الكل لو بس مركزة بوجهي چا شفتي كلمة احبچ مرسومة بعيوني ويا كل نظرة انطقها الچ چان كلشي بيه يگولها بس الساني ساكت
-سُـمانه: ليش ؟
-صـيـاد: لأن خايف عليچ خاف اموت وأنتِ تظلين ماردت تصيرين كحِيلة ثانية وتعيشين نفس عذابها
شهگت وسديت حلگه
-سُـمانه: اشششش إسم الله من عمري لعمرك خلص صياد خلص كل هذا راح والغيمة الچانت معتمة حياتنا انزاحت وشمس السعادة صارت تشرق من جديد علينا والثأر انوخذ والحق رجع الاهله واني بحضنك هسهلمني اله حيل وهمس
-صـيـاد: يا فرحتي وسعد حظي أنتِ-سُـمانه: عافيتي أنتَ
دارني بلمح البصر وجرني عليه حضني من ورا همس بأذني بتعب
-صـيـاد: راحتي بس يمچ الگاها خليچ هنا لحد ما أنامابتسمت بحب وغمضت عيوني حسيت بوساته من خدي ونزلت ورا اذني لحد كتفي نعست كلش غفيت بحضنه آخر شي حسيت بي حضني حيل وهمس
-صـيـاد: احبچ صيدتيماعرف شگد مر وقت بس فزيت من النوم مخروعة باوعت للساعة شفتها نص الليل والبيت هدوء باوعت وراي شفته غاط ورايح بسابع نومة تأملته وهو نايم
الي يشوفه يگول صارله سنين منايم وهسه يلا نام وارتاحتنفست براحة واخيرًا راح نعيش مثل البشر بسته على كيفي وگمت منه طلعت من الغرفة رحت ركض الغرفتي شفت الجازي معصبة ضابه رأسها وگاعدة تگلب بتليفونها أول ما شافتني گالت
-الـجـازي: لفت زمو لو ما عدنا عزا چا گلت عرسوا من ورانا يمتى ناوين تبشرونا
ابتسمت وگلت
-سُـمانه: بشنو ؟-الـجـازي: بالتوأم چا شنهي بعد المن ضامينها ظلت على العرس
غمزتلها واني اتمدد على مكاني
-سُـمانه: بعد ما ترجعين الرجلچ أن شاء اللههزت ايدها وگالت
-الـجـازي: يا ضيم الولاني ماولى أحد فكيني من سيرته مو بحاله هسه رأسي راح ينفجر جاي أفكر بهاي جدتچ البلوة شجابها لينا وأمي وخالي مچلبين بيها-سُـمانه: هسه تمل وتروح لا تشغلين بالچ
ضيقت عيونها وگالت
-الـجـازي: لاله وراها سالفة وإلا اعرفنها شنهيغيرت الموضوع وسألتها
-سُـمانه: لعد هاشم وين ما شفتهگالت بقهر
-الـجـازي: سودة عليه تلگينه رد للنجف تدري بي ما يفارگها
YOU ARE READING
قناص بغداد ( مهمة وطن )
Romanceصرت اهرول واباوع وراي شفت السيارة بدأت تستدير ناحيتي بمجرد ما يجي الضوء عليه انكشف أمامهم نجريت من ايدي وگعت على شخص ردت اصرخ سد حلگي حيل بعدها أجاني صوت مرعب يگول -اششش بس تتحركين تموتين كان اكو ضوء عاكس على ملامح وجه گدامي حسيت بسياره تعدتنا رفع...
المُـهمة الستون
Start from the beginning