قناص بغداد ( مهمة وطن )

المُـهمة الخامسة والخمسين

بدخلته طلع عاشور تلاگه ويا سلاحة بخصرة واغرضه وسويچ سيارته ونزل يتحلف ويتوعد

-عـاشور: دخلي اشوف ياهي التزوج إذا ما اخلي جنازتها تطلع گبل زفتها

مشه ورا صياد وهو يحاول يلزمة وانا وراهم
لزمه وصاح بي
-صـياد: هي هي وين رايح المسودن شني ابن عمها أنتَ وماشي تداعي بيها

بعد ايد صياد وصاح بغضب
-عـاشور: مو إلا اصير ابن عمها حتى ادافع عن حگي روڤان حگ عاشور افتهمتتتت لو تطلع جنازة لو تصير الي

طلع يركض مستعجل طلعوا كلهم ورا صاحت أمي بخوف
-فـاتـن: شبي اخوچ سُمانه جنازة منو شصاير

عفتها بسرعة طلعت بس گلتلها
-سُـمانه: ماكو شي يوم ماكو شي لا تخافين

شفتهم صعدوا بالسيارة صعدت وياهم عاط عاشور بغضب وهو يضرب على الستيرنك مال السيارة
-عـاشور: شعندي زفة كلكم جاين نزلوا بسرعة

-صـيـاد: مستحيل انزل شوف حالتك ، زين فهمني يعني شتريد تسوي رايح الاختها بنت الناس مو ملك طابو بأسمك

شخط السيارة وطلع يمشي بسرعة احس گلبي راد يوگف
-عـاشور: رايح افتهم إذا طلعت صدك مخطوبة لو حاطة واحد ببالها كلشي ما اسوي بس ادفنها بـ گاعها

وراها حچه كلام يخزي سديت اذاناتي بصدمة صاح بي صياد بسرعة

-صـيـاد: خايبببب هوووب وين هوب هوب يمعود بنية ويانا هاي شبيك شجاي تفكر صدك چذب

سكت يمشي بسرعة لحد ما وصلنا ووگفنا يم بيتهم صحت بي قبل مايدك الباب
ولزمة صياد
-سُـمانه: اوگف قبل ما تدخل للبيت خاف رجلها موجود احد عيب عاشور فدوة لا تخزينا

ابتعد واني رحت دگيت الباب هي بسرعة فتحت على بالك واگفه ورا الباب

طلعت باوعتله وحچت بهدوء
-سـابيـن: هدي عاشور ما تنحل الأمور بهاي طريقة أنتَ عشت حياتك وهاي هي وأنتَ نفسك مو گلت الها خلص مابينه شي وجهچ ما اريد اشوفه على أيَّ أساس هسه جاي تحاسبها ؟

گال برود وعنتگه
-عـاشور: سوء فهم وصار وما ظل شي ماسويته وحچيت ألف مرة خلي نتفاهم أدري انه نبي حتى ما اغلط ما نطتني مجال حتى اشوفها الي
شفته وسمعته فص ملح وذاب بس مو مبرر تروح تنخطب

-سـابيـن: بس هي شافت الي يثق بيها ووگف وياها بـ أصعب حالتها أنتَ تركها هي و الدواعش تواجه مصيرها وحدها وهي بنية مضحية بـ أهلها الخاطرك

نزل المستواها و ذنب جگارته وداس عليها حيل گال بحواجب مرفوعة تأكيد على كلامه وايديه بجيويه

-عـاشور: هيچ ادوسه برجلي گليلها لا تفرح بي هواي انه محد فوگاي بس الله وانه القوي على كل قوي بس الله قوي عليه خلي هذا شي بـ بال اختچ زين ومهلتها وياي يومين إذا ما الي بالها تشيله وتجر عدل تعرف منو صقر الجنوب بتليفون واحد اخليها بنص بغداد واضحح لا تختبرنن صبري حوصلتي كلش صغيرة مفهوم ست سابين