امنية الشيخ امير (مكتمله)

الثاني والعشرون

جتي الزفه وامير طبك وصعدت وكاللها يا هذا كرير فارغ حنصعد ويا وراحن
.
وهي جتي تلحكهن ولجن خما وحدي اجي وياجن
.
امير عاط بيهه صعدي منا زلم ملتمه
.
امنيه. ضاجت وكعدت مبوزه
.
ول امير خما وحدي والله محلو هيج
.
امير. اني شنو خراعة خضره
.
امنيه. امير منريد نصفك ونهوس حباب خلي يجن
.
امير. ماكو ماريدهن خلي يولن
.
امنيه. هاي شبيك مااقبل تحجي عليهن
.
امير. صد كدام وكام يدك هورنات وعلى الاغاني اعلى شي ولزم ايدي ورفعهه ويهز بيهه يركص
.
وكضيناهه هورنات ويم العرسان ومن نوصل يم البنات يرفع ايدي ويهز وناشر ونركص ومادين ايدنا من الجامه بالبخاخات ونرش عالسيارات ومن نصير يم ولد لوشي يوخر او يكلي ثكل هههه فديته من يصير جدي
.
وزفيناهم ورجعنه للبيت وجان يوم يجنن
وشبعنه ركص وهوسات والزلم من وصلنه يرمون طلق وعلكوهه شي خيالي
.
وزفينه العرسان لغرفتهم وبدلنه وعزلنه وامير يم الزلم وضلينه سوالف وضحك ووووو
ونمنه سوا كلنه وضلينه نسولف لما نمنه من التعب
.
وثاني يوم هم هوسه وخطار وامير مخبوص ولااجاني ولاجاب طاري البوسه توقعته راح يلح واني اجر بظهري بس لايريد اتوسل بي تعال ابوسك وهو يجر بضهره او علساس زعلان مبسته المهم غلست
.
النهار كله خطار عالعرسان خطيه حتى همه كلساع ندك الباب طلعو ويطلعون ههههه
.
المهم اجه الليل وامير بغرفته سويت نفسي يدوروله اذا سالني اكله كالبين البيت عليك الزلم وكلولي نادي
.
المهم دكيت الباب شكد وبكل قوتي كام يصيح بالحمااااام بالحماااااااااااام كتله اني امنيه
.
امير. عدي للعشره ارجع للحمام وفوتي انتظريني بسرعه اطلع
.

لان هو طلع رد ورجع يسمع دك الباب قوي ركعته ركع وحمامه بصف الباب ورا المهم عديت وفتت كعدت عالجربايه
هو فونه عالميز عالشحن وطن وطن باوعت هو اشعاراته يطلعن بشاشه القفل مخافيهن
.
عااااااا
.
الاسم نور وقلب احمر
طن. ها اموري
طن. بعدنه عالموعد
طن. مشتاقين حب لازم اليوم نشاوف صار فتره طويله الكاطع
طن. منطلع ترا تعال للبيت برد الجو وندفى ابيتي
طن. اعمر نركيله الي يحبها كلبك
طن. جيب وياك حبشكلات موتجي فارغ ماافوتك
طن. من تقراهن رد نبض قلبي
.
امنيه ضليت اقرا ومصدومه النذل وطلع ويدندن ويمشط طبعا بالبرنص هم لابس جوا شورت
.
اندار وراي وكلي لتباعين اللبس الدشداشة
.
اني متبسمره وساكته متكدر انطق
تعطر وبالشسوار شويه ع شعره ومشطه بالفرشه مبتسم ويدندن ويباوع ويكمل عطر وساعته ورتب نفسه. اجه وكرصني من خدي وكال
.
امير. ها محتاجه شي
.
امنيه. لا. وين؟

.
امير. متواعد. وضحك
.
امنيه. اوك الله وياك ورحت وهو هم ماحجه شي كمل وطلع واني بالمطبخ فات من يمي باس ام حسين من راسهه وكال اني ابات برا عود خاف يصير شي اجي الصبح او الضهر حنكعد متاخرين اعتيادي نطول بالتعليله
.
امنيه. خاله وين رايح
.
ام حسين. هو عنده جماعته كل فتره وين وييين ينجمعون مسافرين ومحافضات بعيده ويلتقون
.
سويت نفسي طبيعي ابتسمت ورحت
.
هه غير طلع متعود الاخ وخوش مالف قصه تفيده
اني اعلمه الحيوان الخاين الوصخ الزاني
.
هسه الله يعلم شديسوون مدام تستقبله ابيتها وتدفي
.
والله لخليك تتمناني وبحلمك متلكاني
.
هههه صار شعر رنين تبوني اشش سكتي انتي متعصبه

.
الليل صار عليه شطووووووووووله بحيث كرهت حتى حروف اسمه النذل الحقير
ملعب ويلعب عالبنات طلع خبره واكيد وكعني بحبه بكل سهوله متعود
.
اجه الصبح وماكو داومنه ومداوم
.
طبعا تعبان اكيد سهرتو للصبح الوصخ
شكد مااغلط ميبرد كلبي ولساني صار زفر بكد ماغلطت علي وسبيته سب مسابته قبل بس حتى افرغ نار كلبي
.
ب١الضهر رجع ورا دوامنه بساعه اني طبعا تغديت وسبحت وبغرفتي
راسا فات لغرفتي
.
امنيه. امشي اطلع برا
.
امير. خير
.
امنيه. امشششششي اطلللللع برااااااااا
.
امير. شبيج لصيحين تخبلتي
.
امنيه. امششششششششيييييي اطللللللع برا
.
امير فات وقفل الباب وركض سد حلكها
.
امنيه. اضرب بي قوي واوخر بايده
وخرهه
اطلع اطلع اطلع اطلع ماريد اسمع ولاحرف ولااشوف وجهك الخايس
.
امير. تادبي واعرفي احجي
.
امنيه. امشي لك خايس وصخ نذل حيوان
.
امير. انجبي لج لتخليني امد ايدي
.
امنيه. امشي ولي لك زعطوط
.
امير. لج سكتي لتخبليييني
.
نصيح وكلهه جتي ييدكون بالباب ويكلهم معليكم روحو لحد يدخل
.
امنيه. ولي من وجهي مطايقتك خرا عليك وعاليحترمك
.
امير. لسانج الوصخ ضبي لاوالله اكسر ضلوعج
.
امنيه. انت مالك اي حق بيه ومن باجر تطلكني فهمت لولا لان ميشرفي اخذ واحد مضحكه مثلك
.
امير. امنيه سدي حلكج وتعوذي الشيطان اخى انذاى ماريد امد ايدي
.
امنيه. والله لندمك ياامير والله
.
امير. حطلع وتسدين حلكج ومن نهدا اجي لان اذا بقيت اكضي بيج التوبه
.
امنيه. امشي لك مسويه روحه رجال براسي
.
امير. رجع عليهه متعصب وجرهه من حنجها فكها ورفع راسهه قوي. امنيه سدي حلكج لااموتج بيدي وادفنج يم اهلج هسه
.
الاثنين حجو حجي ما المفروض يحجو بساعه غضب وشيطان وهذا اكبر خطا لازم الواحد يهدا يلا يحجي حتى ليخرب العشره والحب والاحترام ويترك كلمات تبقي اثر بقلب المقابل سنين طويله
.
راح وركع الباب وراه لغرفته وهي قفلت غرفتهه كلمن يجي اصلا مترد او تكول عوفوني اني شواي اطلع ومطلعت ابد وهو بدل وسبح وطلع ما بقه بالبيت

.
هنا امير استحقرهه واستحقر تصرفهه الغير لائق بيهه قبل ليكون بي لان بنت واللفاضها جانت محلوه وهو شيخ والناس تهابه وتخاف تحجي حرف خطا بحضوره

وحتى اهله يحترمو ومحد بيوم قلل احترام ويا حتى امه وابو من هو وصغير علمو عالعز والشيخه والكبرياء
.
وامنيه كرهت امير بشكل موطبيعي لان هو موبس خان حبهه خان الصوره الي جانت مرسومه بداخلها تجاهه

وتحسه رخيص وزاني وماعنده لاقيم ولامبادىء ولااخلاق ولادين

حسته يتبع غريزته وهذا اكثرشي تكرهه البنت بالولد يحبن الحب البريىء الصافي
وحست كل تصرفاته وياهه مجانت حب جانت مجىد يضحك عليهه حتى يحصل الي يريده وبس وتفكر بالزواج باجر عكبه مخليهه تخدمه بالبيت وياخذ حاجته ويعوفهه ويطلع ويطب ونسوان ووووو

شكو فكره سوده وموحلوه جتي ابالهه خلتهن كفيلات انو يمسحن الحب والحنيه والاحترام الي انبنى بيناتهم