امنية الشيخ امير (مكتمله)

الجزءالحادي عشر (الدعش هه)

مرت كم يوم وراحو يفصلون وجوي ميتين ضحك وكسرنه خشمه ومن هالحجي
واني بهالكم يوم كرهته كره العمى بحيث مااطيقه وجد من كل عقلي كرهته
وحاقده علي و ع نفسي
شلون هيج انطيته قيمه وعرفت انو مو لازم احكم ع ناس ماعرفهه
همج وسوقي ومتخلف الي يسوي هيج
يظلم انسانه بذنب اخوهه بشرفهه وكرامتها ويسووهه خدامه وجاريه الهم
.
ويه كل ضحكه منهم اسبهم بكلبي
.
وفاتت البنيه مدنكه ومتبوشه وكلهه اسود عباه وبوشيه ع وجهه مغطيته
بس موناعمه خشنه شويه مربربه ههه
.
فاتت وكعدوهه وجان تكوم

كعدت بحضن امير وايدهه ع خده وباسته وامير مات ضحك
وجدي عاط وله كرير كافي مصخره نسوان كاعده
.
شنو كلهه مستغربه شكو وشنو الفلم
رفعت البوشيه وطلع كرار الفصليه وماتو ضحك
وامير كال تعيشون وتاكلون غيرهه 
الكل مستغرب جدو وابو امير راضين بس البيت يضحك بس اني مضحكت ضجت وقرفت منهم حسيتهم صغرو بعيني مجرد مابهالكم يوم عقلي تشبع بموضوع الفصليه والافكار الي جتني ف لعبانه روحي منهم ومنه
.
الجد. اموري راد يوخر الضوجه ويضحكم وبالبدايه راد يشوف ردود الفعل اذا احنه ظلمنه شخص منو يسكت بس مراضي ومنو يمنعنا ومنو يوافق
.
وهسه صبولنه غدا جعنا
.
رحنه للمطبخ وصبينه ويضحكون ويسولفون بالموضوع بحيث دمعو ضحك واني ساكته ومامشتهيه اكل بهدوء وكمت ومحد انتبه مندمجين ويه كرار
.
طلعت جوا القمريه الي مره تصادفنا اني وامير بيهه
.
كعدت بس مطلع دموع مشاعر موحلوه بداخلي وامير احس بعد مااتقبله ليش ماعرف حتى ولو شقه وهم بهالكم يوم اذكر علي وشلون مثقف وواعي ومتفهم ويحترم المراه واقارن وماعرف
.
امير. بسبس
.
امنيه. فزيت وكمت ع حيلي وردت اطلع واعوفه
.
امير. لزمني من ايدي من فوك ورجعني صرت كدامه. شبيييييج لخاطر الله؟
شخبلج هالكم يوم بس تتهربين وتتهزمين مني شمسويلج
.
امنيه. هه ومنو انت حتى اتهرب منك امير شبيك
.
امير. ها منو اني؟
.
امنيه. هذا اسلوبي الطبيعي بلحظات مرضك او حزنك اوكف وياك مثل موكفت وياي بالايام العاديه هاي اني هيج تعاملنه خلي برسميه افضل ماحب الميانه الماصخه
.
هد ايدي
.
ماهدها جان امد ايدي الاخ واعصر ايده واوخرهه بقوه دفعتها ورحت
.
وصيتله ويه سبا يوديني باجر لبغداد وفهمتها وكللها بلغيهه الصبح ب٥ تكعد تريكنا و ب٥ونص نطلع
وفعلا مصار تواصل بينه
الصبح كعدت واني بالمطبخ سويتله جاي وخليت بيضتين سلك وطلعت مربى وعسل وجبن عرب وكيمر عرب واذكرت علي يضل يكولي خدودج كيمر عرب وغزلنه وحجينه وتشوقت حشوفه اليوم
.
جنت ناسيته وسط الهوسه بس سالفه الفصليه رجعتني لايامنه جان حبنه ناضج ووشريف ومايوم لزم ايدي حتى او طلب صوره اوسهرنه نتخابر حك السلام والاحوال ومرات نشاوف نسلم ونحجي عادي حتى لوكدام اهلنه يعني جار واخ وهيج
.
المهم رتبتهن بمواعين صغار وصبيتله شاي والي عصير برتقال اكو وخوخايه طلعت
رااتبهن واجه من وراي ويباوع للاكل وتقرب مد ايده
واخذ باصبعه من العسل وخلى ابحلكه وكال اويلي شاحب العسل خاصه الطبيعي الي مومصنع حلاوته تختلف و...
.
امنيه. شو دوخر خلي انزل الصينيه بالكاع حتى ناكل ونروح
.
امير. وخرنه وليش بالكاع شعجب موعالطاوله
.
امنيه. يعجبني حره اكومانع
.
سكت وماناقش
.
امير. شنو خوخايه وعصير شهالريوك مسويه رجيم
.
امنيه. تلعب نفسي وخاصه اذا من الصبح واحب الخوخ باي وقت ف اكله احسن مماتبقى معدتي فارغه اما عصير البرتقال ف هيج لكيته وطلعته.
امير اكلك اذا بالطريق صيدليه هذا اسم علاج بورقه كتبته اريده.
.
امير. شنو هذا
.
امنيه. تلعب نفسي بالطريق دوار الطريق وهيج
ودوخه وضغطي حتى لاكلساع نازل اتقيا اختصره بهذا ولو لازم قبل الطريق بربع ساعه بس شسوي ماابالي
.
امير. صار تامرين امر
.
امنيه. شكرا عيني
.
امير. هاصار عيني
.
امنيه. ح اكلك شي عيني اكره احد يكلياهه لان حتى للجلب يكله عيني ف موشي مهم
عيوني او عيناي وووو تختلف يخص بيهه الغوالي
ف اي شكرا عيني
.
امير. اكلج دنجبي شنو للجلب
.
امنيه. قصدت لاقل شخص لاي شخص عابر بس لساني مرات يصير وصخ
.
امير. ها خير ان شاءالله
.
امنيه كملنه ولميت المواعين ورحت لغرفتي لملمت واخذت علاكه حلويات وكرزات من جراري وعصاير وشاني احبه وطلعنه ردت اصعد ورا كلي لاكدام ميصير حتى يعرفوج من اهلي محد يكول شنو هاي مصعدهه ورا غريبه وليش وووو وكلهه تعرفني حتى السيطرات
.
ردت اناقش بس اعرف بي ميتنازل تفهت الموضوع وصعدت
.
صديت عالجامه وغمضت وحاولت ماانام لان اني اشخر
.
امنيه. امير؟  احجي بس داابوع عالجامه الي من جهه موعلي
.
امير. عينه
(تقصدهه لان مالتله اكره احد يكلي عينه اوعيني)
.
امنيه. هه صدك لوكالو لتحجي نقاط ضعفك واسرارك لاقرب ناسك يستخدمو ضدك
.
امير. لاليش هاي كلمه ع لسان اي شخص ويكولهه لاي شخص حتى للجلب... هههه جملتها ردلهيا
.
امنيه. امير باوع ارد انام بس امممم اني شسمه ا....
.
امير. اعرف هههه تشخرين
.
امنيه. وجهي كلب دم وصخنت حروره تطلع شمدريك
.
امير. يولي كل عقلج نايم يمج بالمستشفى وبالطريق نمتي من جينه للبصره وامن تمرضتي اجي اطمن عليج
كلهن تشخرين
.
امنيه. توقعت نفسي عادي بس طلع شي يفشل ترا بس من اتعب وامرض يعني من نومه عاديه مااشخر
.
امير. اي اي صح وضحك
.
امنيه. درت كل جسمي علي امير امانه شبيك والله صدك
.
امير. باوعلي ترا عادي شخير كيوت ههههه لاوالله عادي قابل شمسويه اني هم اشخر
.
امنيه. الله عليك لتحجي بالموضوع بعد هههه طلعت استحي
.
امير. صار من عيوني
.
ضحكت و....
وكف السياره ع جهه ومد ايده من فوكاي وصار تقريبا فوكايه واني الزك روحي بالكرسي وصل الدكمه الي من جهه الباب ونزل الكرسي حتى انام زين ووخر اني عطره سطرني ودخت حيل ههههه كمت ابلع بريكي والابتسامه مدتوخررررر من حلكي
.
امير. امنيه
.
امنيه. هاا
.
امير. وطما ووجعا
.
امنيه. ههههههه نعم
.
امير. امنيه ابوج ترك وصيه بس كال لتكولوهه لامنيه هسه
.
امنيه. شنوهي كول ماكدر فضول يموتني
.
امير. اهووو امنيه ماكدر هسه
.
امنيه. يربي ماتحمل فضول يموتني وخاصه حجي من بابا حبيبي
.
امير. يجي وكته وشي عالورث لتهتمين
.
امنيه. مممم الله كريم
.
نمت وكلساع اكعد وارجع انام ومرات ننزل يفول بانزين واروح للصحيات اغسل ومرات اسوي روحي نايمه وهو يدندن وذوقه بالاغاني ميشبهه يعني حلو توقعته جوبي وربابه هههههه
.
وصلنه لبيتنا ونزلت ابجي وع عتبه الباب وكعدت بالكاع واصيح وابجي وطلعو خاله وعمو ابوعلي وعلي والبنات
ويسكتون بيه واصيح عمو مات بابا خاله ماما راحت وعافتنا
علي وينك عني كل هالايام
وامير فتح الباب وفوتوني ونبجي احنه والولد كعد ع جهه
.
هدئت ورحت لملمت الاريده والي ماريده عفته لبعدين جنط ملابسي مال بيت ومال طلعه احذيتي وجنطي ومكياجاتي وشسوار وهالسوالف وعفت الشتوي كتله امير بس الصيفي كال بس الي تحبي والضروري اني اخذج للسوك وشتريدين اشتريلج اشرتله تمام
ورحت حيل قللت وكلهن احبهن بس عفت واخذت غراض اختي والبومات صورنه وفتت غرفه بابا وماما ومكدرت اتحمل وهم بجيت بس هالمره امير مخلاني وياهم اجه هو وحجه وياي وسكتني ومسح دموعي بنفس الجفيه الي مطرزه ورد وخرف أ
.
ابو علي. امير ممكن احجي وياك بموضوع ماعرف اذا وكته اولا
.
امير. اي تفضل
.
ابوعلي. تعال شويه هناك نسولف
.
حجو وبالبدايه امير كام يصيح وراهه هدا سولفو وكال لمي غراضج بسرعه ويلا انتظرج برا
.
كملت وطلعناهن بالطرمه
وبوستهن وعلي اجه يمي وكلي
علي. امنيه اني اعتذر اظاهر طريقنه لهنا وانسد وموهين عليه هالسنين تروح هدر بس هذا حكم القدر وقرار منكدر نتحكم بي
.
امنيه. شبيك علي شدتحجي كل عقلك
.
علي. شبيدي
.
امنيه. لعد بيدمنو
.
علي. ويه الوقت حتعرفين
وطلع بدون ميسمع رد
.
وطلعت وصعدت مصدومه وامير معصب ومشنج كل جسمه
مقررين نبات وثاني يوم نرجع لان تعب طريق
.
امنيه. امير ما الي قابليه نممل عادي نبقه ليله نبات بس موهنا شوفله فندق لان ماريد ارجع لاللبيت ولا للمنطقه بهالوقت الحالي
.
امير. صار
.
وصلنه ونزلنه وهلكانين تعب
.
امنيه. امير اني ناسيه مجايبه هدوم والي جبتهن الجنط مخربطات حيل
.
امير. امنيييه والله تعبان احير بيج
كالهه متعصب ونزل
.
اني بقيت اللوب بالغرفه ومتوتره
.
امير فات هاج لبسي هاي اني حنام ع هاي الجربايه وانتي بذيج هي نص ردان ملكيت غير شي وبراحتج ذبي شالج ح اطفب الضوا واصلا هلكان حشخرهه وانام اصد بغير جهه
.
ذب العلاكه وراح للحمام
.
طلعتها لكيتهه دشداشه قصيره وستن ونص ردان وبيهه تول ههههههه شفشله هاي مال نوم مال مزوجين واستحي البسهه
.
طلع من الحمام
امير. اني حنام واصد هيج بدلي وتغكي ونامي
.
امنيه. افرض كعدت الفجر واكو ضوا حتى تروح للصحيات واني اشلح ومااتغى من انام
.
امير. لااطمني مااكعد ع هالتعب واذا كعدت الحمام من هاي الجهه وانتي مناك ف اطلع كبل مااباوعلج
.
امنيه. رحت للحمام وبدلت واني جنت لابسه فستان اسود نزعته ولبست هاي هي جوا الركبه وذبيت شالي ع راسي ونزلته ع ايدي غطيتهن وباوعت من الباب لكيته