امنية الشيخ امير (مكتمله)

الجزء الثامن

وجان اجلدهه بنومه كعدت الضهر ودكيت الجرس بس مااجه عاد توقعت هو طالع
وكمت انادي احد يسمعنييييي
.
ابو امير. ها بابا
.
امنيه. العفو عمو بس ردت وحده تساعدني
.

ابو امير. اكدر اساعدج لو متريديني
.
امنيه. لاعمو انت الخير والبركه
.
ابو امير. تسلمين حبيبتي
.
امنيه. بس زحمه اتأمر ع شيخ مثلك واني من عامة الشعب.
.
ابوامير. هههههه ملعبه لايابه ادللي انتي بنت الغالي اخ لو يرجع بينه الزمن.
.
امنيه غوركت عيوني دموع ودنكت
.
ابو امير. دتعاي خلي ايدج ع جتفي وجلبي بيه خلي ننزل ع كيفنه
.
امنيه. عمو استر علينه ليروح يطك ضهرك ترا احنه شباب ومندبرهه ههه.
.
ابو امير. ههههخهه يول احنه زلم كبل بينه كل الحيل تعاي عود لتذببن حملج عليه وترا اصبعج مجبر يعني تكدرين تخطين موكل رجلج وترا سهله لتتلكلكين
.
امنيه. ههههههه عمو خليني ادلل والله اشتاكيت للدلال
.
ابو امير. ليش يابه احد مقصر وياج
.
امنيه. لاحشى عمو بس اني احب اصير محور الكون والكل يهتم بيه وهيج ههههه
.
ابو امير. دمشي لج زقجه
.
طبعا عمو ابو امير الي لهسه مسمعت اسمه هههه جبير بس يوميه يزين ويصبغ شاربه ودشداشته وعكاله وحتى بالبيت يلف عكاله مدري شماغه ماعرف شسمه لف بدون هاي السوده المدوره الي تتخلى عالراس وتلكى الساعه والحلقه للان منازعها والعطر والوجه يلمع والجسم ماكو كرش معدل يعني احس عمره بالخمسين او ستين بس من ذوله شكر دادي وهيج
.
رغم عمه ام امير صح حلوه وناعمه ممبين عليهه الكبر بس بسيطه وخدومه ووجهه رحماني مو مدندشه ذهب وارقى لبس وتستحي وخوش مره هههه
.
حضنته وكومني واني اخخ اخخ واضحك اقلد علساس حتى اضحكه
.
ابو امير. ههههههه والله انتي موصاحيه
.
امنيه. هههههه واااه ضحكتك حلوه ومتعمده اضحكك
.
ابوامير. يبووو شملاكه انتي
.
امير ديصعد سريع ومدنك ووصل لكدامنه ورفع راسه
.
امير. ههههه صباح الخير هاي شنو شيخنه
.
ابوامير. اني وبنيتي اطلع منهه
.
امير. يابه اني تصاوبت وماسويتلي هيج شهالحنيه االطلعت عليك
.
ابوامير. تجيب روحك ع الغاليه مالتنا
.
امير. لالا الحجي بدا يطلع عن حده هسه اصيح البنات ويجن يذبحنكم من غيرتهن
.
ابوامير. ديلا اني تعبت هاك نزلهه والحكوني
.
حسيته متهمد يسوي هيج حركه مو عفويه منه وفهمت الي اباله
.
امنيه. لالا وين لو انت تنزلني لو ابقه هنا لباجر
احنه شكلنه قبل شويه بعدين انت شباب وكذا وتكدر تنزلنه بس ااشيخ امير ميدبرهه يوكعنه
.
ابوامير. اي اصبغي دنزلو تعبت والله
.
امنيه. لاعمو استحرم هذا غريب شنو ينزلني اله انت كلتهه بضحك بس اني ورا منطقتها حسيت روحي جفصت سالفتي عوجه
.
ابو امير. انجبي هذا اخوج الجبير وشو اله ينزلج لتتقيدين وتخجلين منهم اخوتج صح وياج بالمعقول بس هسه انتي مريضه ويخدموج بعيونهم
.
امير. يخدموج؟؟؟
.
ابوامير. لايابه انت شانك عالي اقصد بمافي معنى الكلام وخر ايدي ونزل كدامنه
.
امير. ورا حجيج المفروض ولاانزلج ام هذا
.
امنيه. يلاااا بسرعه لتاخذ ميانه ويه شيختك
.
امير. ههههههه سدي نيعج وامشي
.
امنيه. باع والله مولشي بس احس حرام يعني ماحب هيج
لتفهمني خطا.
.
امير. ترا صح وحقج جلبي برداني من فوك واني امشي بصفج ونزلي بس ذبي قوتج عليه اعتبري ايدي عوجيه ههههه
ونزلي ع كيفج
.
امنيه اوك يلا
. وننزل خطوه خطوه
.
امير. اخ جعت حيل والريوك حيبرد
.
امنيه ابو كرش
.
امير. اشوفج السكس باك
.
امنيه. انجب
.
امير. شنووو؟؟؟؟
.
امنيه. اسفه ومواسفه
حجايتك موحلوه ومالازم اكلك انجب اسفه وهم مواسفه لتعيدهه
.
امير. ترا كلتهه بحسن نيه حالج حال خواتي من اشاقه
.
امنيه. امير اني موكل تفكيري حاسبني مواختك اعرف اختك وانت اخويه بس حقيقه احنه مواخوه كدام رب العالمين ونفسنه اخوتنا بحدود
.
امير. حقج يابه
.
امنيه. شلون شيخ بس يجفص
.
امير. حجايتي الكل يوكفلها ويضرب تحيه
بس اني من امون ع شخص افلت
.
نزلنه واكلنه والكل تحمدلي بالسلامه وكتلهم عثرت ومنزلت حتى لااخرب العزيمه
.
مرت الايام يوم حلو يوم لا
موالكل يحبني بس موالكل يكرهني
مااختلطت ويه خوات امير وبنات عمامي الباقين

امير ساعه زين وساعه لا
.
اختي الي بعمر السنتين اغلب وقتهه ويه عمي ومرته الصغير
حبوهه حيل وربوهه مثل بنتهم واستاذنو مني وقبلت صراحه اقلها متكبر يتيمه وحجينه هواي بالموضوع وشروطه وتبقى اختي ميحرموني منهه وهيج
.
امير مره زين مره عصبي ومينحمل احسه مممم شسم الكلمه
احسه متناقض بس اعصاب وساعه حنين عالكل وساعه كلبه طيب وساعه لا بس الكل يخاف منه ويحترمه اني وكرار حيل نشاقه ونحشش ع بعض واحمد حباب يجيبلي حلويات ويه البنات وطيوب
.
جتي اختهم ايلاف اول مره اشوفهه فاتت تضحك وتحشش وتبوس الكل ووصلتني
ايلاف. هلا ماشاءالله شهالكمر شهالكياته شهالجمال بكد ما امي تمدجج وتحبج تشوفت اشوفج
.
امير. ليغرج ترا جنهه كرير هم كرير كيوت ع كولتج اكثر منها
.
امنيه. هلاحبيبتي شلونج اني هم ماقاصره تجننين ومعليج ترا اخوج يغار لان الكل يحبني وهو محد بحاله
.
ايلاف. ههههه يروحي. اسلم عالباقين واريدج جايبه حبشكلات وحب وجبوسه اليوم للصبح
.
تعشينه وكملنه اني رجلي اعرج عليهه وطبيعي يعني ماموتت روحي لان هو اصبح ومو قويه
.
تعللنه وياهم وهي كلبت البيت كله اجواء وضحك
وصارت ب١١ نادتني ورحنه فرشنا بالحديقه الي بيهه مرجوحه وطلعت حلويات وعصاير وحب وطلعنه

ايلاف. كعدي حروح انادي البنات
.
امنيه. ايلاف باعي تعاي تعللي وياهن واني اروح
.
ايلاف. شبيج متحبيهن؟
.
امنيه. لاولج اموت عليهن بس هنه ميتقربن يمي ميحبني
.
ايلاف. دنجبي هسه اجيج
.
اجوي وهنه خجلانات وجني كعدن واني ابتسمت ودنكت
.
ايلاف. عود انجبن امنيه باعي ترا خواتي فاهيات وطيبات بس خجولات مواجتماعيات وهنه كالن انتي ماحبيتيهن وهنه ميجبرن نفسهن ع احد حتى بنات خواالي وعمامي وهنه حتى بفتره الفاتحه مكدرن يقرن وبس يبجن منقهرات ع حالج
وهم احنه نخاف عليهن موكلهم مثلنه ف منريد يخربنهن ذنيج المسمومات
وانتي هم عذريهن خبالات السادس وكذا وهنه هم بس يقرن وتعقدن
جيت اليوم اعلن هدنه
بس تكمل اللمه ونشبع ونسه
.
امنيه. ليش منو بعد
.
ايلاف. بعد كرار واحمد
.
امنيه. ههه شعجب
.
ايلاف. ولج تشبعين ونسه
.
امنيه. اوكفي لعد قبل ليجون. كمت وبوست البنات وكتلهن
يبنات منا وجاي انتن خواتي واني اختجن واشلع كلبجن ليل ونهار وهم اريد شي منجن تحملني هاهيه بعد تورطتن
.
سبا. شنو حبيبتي اامري.
.
امنيه. عادي انام يمجن ترا اني اخاف كوه انام مرات ومرات لااطسهه
.
نبا الله يوم المنى بس ترا احنه مرات نسهر نقرا ومرات نكعد الفجر
.
امنيه. مويوميه اجيجن حسب الخبالات
.
البنات. هلابيج باي وقت
.
اجوي الولد وسوالف وضحك
.
وصارت ب٢ونص
.
طلع امير يدخن جمارته وشافنه
.
امير. وقز القرط شهالضحك والصياح
.
ايلاف. شبيك اموري
.
امير. ها الوفه تعاي شويه
.
ايلاف. راحت ورجعت بس تضرب صفنات
.
كلساع نسالها تكول ماكوشي

.
امنيه. يلا كملو اني صاعده انام
.
كرار. ايييي يلا حتى نكص بيج
.
امنيه. هههههه شخبيث
يلا كودنايت
.
رحت واسمع امير يخابر ويرزل ودكيت الباب علي ماكو مندمج
.
دكيته وماكو يصيح ويرزل
.
فتحت الباب ومخليه ايدي ع عيوني
.
شافني وراسا كال يلا حروح ونتفاهم بعدين
.
امير. شبيج
.
امنيه. افتح عادي لو دتسوي شي
.
امير. اي لوعندي شي اقفله فوتي
والافضل متفوتين لان مالي خلك
.
فتحت وباوعتله
.
امنيه. شبيك امير ظل بالي موع بعضك
.
امير كام ع حيله وتقرب عليه