امنية الشيخ امير (مكتمله)

الجزء الثاني

وبهالاثناء
ابو علي جيرانهم هو صديق ابو امنيه ويعرف قصتهم وجان يعرف اهله بس ماعنده تواصل وياهم
ف ظل يدور بالفيس لحد مالكه حساب اخو الجبير
ف تواصل ويا وبلغه واجوي
بهالاثناء مات ابوامنيه بس مكدرو يبلغوهه لان بعدهه ماصحت
.
امنيه. صحيت ولكيت نفسي بالسرير ويمي ناس هواي
رجال جبير معكل ولابس دشداشه وعبايه وجهه مريح
ومره جبيره يمه لابسه عبايه وفوطه سوده هم مبينه حبابه
وياهم ولد ٣ واحد لابس دشداشه سوده وعيونه صفرررر ورموشه طوال وسود وحواجبه هم ثخان وبحيته سوده وبيهه شيب مطشر  وطويل وخشن وجتوفه عراض بس مبين عصبي ومخنزر
والاخر كيوت لابس دشداشه بيجي وابيضاني ولحيته مطشره وخفيفه وع شكار
والاخير لابس بدي وبنطرون ومتروس وحليوه طالع حباب ومبين خوش ولد
اني هسه صجيت واباوع واتامل بيهم بعدني بصدمتي وناسيه موضوع اهلي منو ذولي وشعدهم وشكو
جان فجاه اذكر وكمت اصيح وابجي واملخ بروحي حتى شالي وكع
المره حضنتني وتبجي وتغطي براسي
والرجال يلا بابا هذا قضاء الله واحنه اهلج ونخليج بعيونه
ومن هذا الحجي لحد ما الممرضه ضربتني ابره وماعرف شصار وراهه
صحيت وابجي بوحدي بالغرفه التفتت لكيت المره نايمه ووياهه الشاب ابو دشداشه سوده
منايم بس ديباوع من الشباك عالشارع لان المستشفى بنايه عاليه اني ضليت ابجي بدون صوت حتى ميجون يسكتوني
اني عندي مشكله ضغطي يظل مصفر ونازل ومن ينزل حيل اتخربط ف ظليت كاتمه البجي واني بصدمه ومماكله ف فقدت هم بس همه عبالهم نايمه لحد ماجتي الممرضه حتى تجيك ولكتني متخربطه وراحت للدكتور وبلشو مغذيات وابر وصحيت بس وضعي تعبان بس بقيت ايام ويمي المره وابو الدشداشه السوده بس ماعرفهم ولاحجيت وياهم ولااعرف شصار ع بابا
لحد ما......
...............
هلا  انه امير. الشيخ امير طبعا مواصفاتي شرحتهن الخاتون
واصلا اني ماحب هالحجي الماصخ
اني الجبير لاخوتي عمري ٣٥ سنه عزابي واحنه بيت الشيخ سالم طبعا سالم جدي وجديتي وضحه
وابويه محمد وامي ام اميرر
وعندي اخواني اثنين وبنات ٣
اني وراي اختي ايلاف عمرهه ٣٣متزوجه وعدهه جهال٢ ولد وبنت
وراهه احمد عمره ٢٧ خوش ولد عكسي مسالم ويحب الكتب والروايات(ابو الدشداشه البيجي الي تكول علي كيوت الخانوم)

وراه كرار المشاغب ديدرس مواليد ٢٠٠١ يحب الشقه والضحك
ويانه عمي الصغير والباقين كلهم ببيوتهم بس هذا مدلل جدي وجديتي
عندي غيرهم ٧عمام و٥عمات
بيهن حيايه وبيهن زينات

......
هسه احجيلكم ع الي صار
جنه كاعدين نحجي بفصل بعشايرنه ودك ع ابويه عالفيس شخص وداخ كتله رد شوفه
ف رد طلع رجال كاله ابنكم توفى ابو امنيه
انصدم وكاله عائلته توفت بقن بنات اثنين الجبيره ووحده عمرهه سنتين
تخبلو واخذو العنوان وكال لمرته ام امير وامير واخوتي واخذهم وراح وبلغ الي بالبيت يحضرون البيت حيسوون الفاتحه ابيتهم
طبعا رحنه وعفت جديتي تكابر بين التبجي وبين التحجي ع مرته الي اخذته منهم وغربته
وصلنه ووقعنه وسوينه الاجراءات ان ناخذهم للبصره ندفنهم وابويه كال حرجع للبيت اني والولد  اكمل اجراءات الدفن ونكمل الفاتحه واني وامي نبقه يم بناتهم لان الجبيره فاقده الوعي والصغيره اخذهه ابويه ويا يم البنات
فتنا نشوفهه اني وامي وابويه والولد
فتنا عليهه نايمه وكلهه صوندات ووايرات ومغذي وهوسه
صحت صفنت بوجهه ابويه وردت ع امي ورااهه اني وراهه اخواني
وراهه استوعبت وبلشت صياح ولطم وحجى وياهه ابويه
كملو وراحو بقينه يمهه واجه الليل وهي ماصحت لما حسيت عليهه تبجي بس سويت روحي ممنتبه حتى تفرغ الي بكلبها وراهه هدأت ونامت
اشو جتي الممرضه تشوفهه وكامت تصيح وراحت جوي كادر اطباء وصحوهه بس صحت صافنه ومكسوره
انقهرت لان طولت واني عباليهه نايمه طلعت متخربطه
لحد ما.........
......
رجعتلكم اني امنيه

امنيه. منو انتو؟
ام امير. عمه احنه عمامج اهل ابوج واهلج واني امج
امنيه. اني امي ماتت ماعندي ام ولااب ولااحد ولاسند راح الي يدللني ويعيشني اميرته
راحت خيتي الي ادرسهه وتشلع كلبي واتعبني
راحت الي جانت معيشتني احلى عيشه
راح ملشي مصيري مجهول حياتي ضاعت
ماعندي حضن دافي ولا ضهر استند علي
راحت امنيه
راح كلشي
(احجي وماابجي لان انطوني مهدئات وتعبت مابيه طاقه)
.
امير. لتحجين هيج حتجين يمنه بيت متروس ناس
تخليج بعيونهه
مراح نكون بمكانهم بس حنحاول كلنه نعوضج ونسندج ونكون الج عون وضهر تحتمين بي ويمج نسنوان بدال الحضن ميه ويمج جهال خير من الله قريهم كلهم
واني اعتبريني ابوج
امنيه.  اني ماعرفكم ولااحس احد حيعوضني
ام امير. منعوضج يا يمه بس هذا امر الله وانه وياج واموري ووعمامج وجدج وجديتج
.
امنيه. اريد اشوف اهلي قبل ليندفنون

امير. هم اندفنو وسوينه فاتحه انتي صارلج ٣ ايام احنه وياج
وميصير اكرام الميت دفنه
بس صيري قويه وطيبي حتى نروح للبصره واوديج للقبر تزوريهم وانه خيج الجبير او ابوج بكيفج
انتي بيا صف شكد عمرج بنيتي

.
امنيه. بنيتي ههههه ضحكتني واني ماريد اضحك
وبيا صف!

امير. اي بيا صف وترا مبينه زعطوطه(دااحاول اضحكهه واغير مودهه وادابل بيهه بس هي صدك صغيره ليش تعجبت)
.
امنيه. اني مدرسه انكليزي وعمري ٢٥ سنه ويكلولي ست امنيه او مس امنيه
.
امير 😐😶😶😶تشاقين اكيد

امنيه. لاوالله صدك ليش مستغرب

امير. لابس شكلج صغير.

امنيه. اي صح اني ناعمه ع ماما ميبين بينه العمر هواي يكلولي

ام امير. امنيه حبيبتي تحسين نفسج احسن ونطلعج نروح للبيت وارتب غراضكم حتى نرجع؟

امنيه. وبيتنا؟

امير. اني ادبر وضعه راح ننقل غراضكم والي متريدو انطي للفقراء وااجره وبفلوسه اضمهن الج بحساب بالبنك ويصير الج عدا المصرف الشهري مني خاص الج واكيد جدج وعمامج ميقصرون وياج حنعيشج اميره ع كولتج

امنيه. اني ميهمني الفلوس تهمني غير امور

امير. يلا اشرحي هالامور لامي حروح اكمل اجراءات المستشفى واجيبلكم اكل
........