امنية الشيخ امير (مكتمله)

الجزء التاسع

امير.
جتني خايفه وعيونه كلهن حيره ومتباوع بعيني تباع يمنه ويسره وتحجي
.
امير. ليش وانتي شكو
.
امنيه لحاالي حب الخير يجبرني اطمن ع احوال الرعيه
.
امير. امممم دولي نامي
.
امنيه. امير جاوبني بداعة امك
.
امير. واحد موخوش ادمي وكعت علي فصل غالي وديهدد اني مخايف بس خايف عالبيت لان واصل وطريقه اعوج
.
امنيه. ياذيك؟
.
امير. يخسى
.
امنيه. متاكد؟
.
امير. شتشوفين؟
.
امنيه. طمني حتى اكدر انام
.
امير. لاهذا فارغ ميسوي شي واني فايت بدروب اصعب وطلعت منهه صاغ سليم.
.
امنيه اوك تصبح ع بيض ع كولتك ههههه
.
امير. امشي ولي لج زقجه
.
.
كعدنه الصبح والوضع طبيعي واكلنه وسوالف وتنظيف وخطار والي يطب والي يطلع واني هم درست البنات شويه انكليزي كم موضوع وامير مختفي اليوم مابين يرجع هيج وقت ومرات يتاخر بس مكانه خالي
.
اجه العصر ماكو هو بس هم هذا الطبيعي
ضليت بحيره ورحت يم ام حسين ارد ابوك لسانها
.
امنيه. شلون الحلوات اليوم
.
ام حسين. يمه فدوه شلون حجي يخبل
.
امنيه. ههههه غير حتى يلوك لمقامج
.
ام حسين. هههههه اني احسج مثل كرير والاه ونفس سوالفه كولي شعندج هههه
.
امنيه. يااا خاله والله لحالي
.
ام حسين. هااا يلا خير
.
امنيه. خاله امير شو ماكو وينه
.
ام حسين. ابتسمت وكالت دز رساله لاحمد يكللنا عنده شغيله ويتاخر كم يوم.
.
امنيه. هاااا يلا نرتاح كم يوم.
.
ام حسين. ههههه والله يولي
.
امنيه. خاله جيبي اساعدج
.
ام حسين وامنيه يتعاركن كلمن تكول اني وعوفي واجه جدهم.
.
الجد. خيرجن شكو
.
ام حسين. لا شيخنا هاي امونه تريد تساعدني واني ماخليهه
.
الجد.(تفاجا عباله عركه هههه)
هاااا يلا حسبالي شو شكو. وشكو بيهه تساعدج انتي هم بنيتنا وربيتي بزرنه وغاليه علينه والشغل ميقلل من شان المره
وامنيه مبينه سبعه وتحب الخير.
.
امنيه. مبتسمه. شكرا جدو متدري الحجي التحجي شكد احبه احس حجيك مبارك وحتى من الزم ايدك احس اتبارك احسك انسان عظيم شو دخلي احضنك اشوف حضنك حلو
(هم ردت اكسبه وهم حسيت بي ريحه بابا مدري ليش ومن حضنته ولزم راسي بايده بجيت ضليت حابسه صوتي بس دموع وجان مااسيطر ع روحي خنكتني العبره وبجيت مثل الطفل)
.
الجد. حاول ك عادته يعوف العاطفه ويغير الموضوع ويسوي تافه حتى اتاقلم حس بوجعي.
امشي لج مصختي هدومي وخري وخري بعد مااحضنج يلا اذلفي
ويحجي بابتسامه
.
اني راسا تفاجات ومسحت دموعي وضحكت وكتلهم حروح اغسل
خلص اليوم ونمنه وثاني يوم طبيعي وثالث يوم ب ٧ الصبح بس صوت صياح وزلم يمنه تارسين الكراج والحديقه هنه بس الكراج يكفي ٣بيوت وهو اصلا قصر جبير
المهم ونسوان تصيح
.
نزلت عالدرج وجان يعيطون ويسكتون النسوان وكلمن سلاحه بيده والشرطه يمنه جوا حجو وطلعو
.
نزلت ركض وسالت البنات يبجن كالن واحد عداوه ويه امير وابوه فصلو وخاطف امير ويكول اريد ضعف الفصل وارجعه
.
عزااااا شهاابلوه
.
رحت توضيت وصليت وكعدت ادعي عالسجاده حيل بهاليومين مرتاحين وعايشين وامير جان يعاني بس لا عذبه اكيد مجتفه ويضرب بي او ماانطاه اكل وشرب واتخيل امير يجينه مصوب او لاسامح الله ميت
من السبعه الصبح لل٢ العصر
اجوي وهورنات ونزلت ركض بحجاب الصلاة
.
فاتو وامير وياهم ويبوسون بي ويبجن وهو هلكان مايكدر حتى حجي
.
ملابسه كلهن تراب شايلهن كرار ومشككات وبيهن دم ولابس كلابيه ملبسيهيا حتى امه يمكن متخترع وجهه بكصته مضمدي ويكولون خياط نفذتين وعيونه زركه داير مدايرهه لازم خاصرته ويعرج وشعره مكرفش
امير الانيق الي مايوم شفت شعره مخربط يظل صفح وشويه نازله ع عينه والباقي زيان حفر هالمره مخربط ووصخ وايده من يم اصابعه مجرحات ومتربن وشفته يابسه ولون مابوجهه اصفرر
شكله يقهر حيل اني من بعيد اباوعلهم عالدرج كاعده وامسح بدموعي بسكوت
والكل بوسه وسلم علي
بس اني مرحت ابجي بحركه واستحيت اني من يومي ام دميعه ويقهر منظره
حسيت مراح تطلع الكلمه مني وحتصرف تصرف خطا
.
ابوامير. يلا عوفنه خلي يروح يغسل ويبدل ويتمدد بفراشه وجييوله اكل مماكل ابد بس مي منقطله شويه. وهو فعلا يمه المي وكلساع يترس كلاص ويشرب ويغمض عينه
.
كام يعرج ومنا احمد ومنا كرار استند عليهم وصعد
محجه ولاكلمه بس يبتسم
.
........
اميرر.
طلعت الغبشه عندي دوام بعدين تعرفو شنو
اكمله وراهه للمضيف اكمل وارجع للبيت هذا نظامي
المهم وكفت سياره اشرتلي ووكفت بسيارتي
.
نزل واحد وديحجي وياي كال بس دليني ع مكان باوعت كدام حتى ااشر وجفيه وبيهه يمكن مخدر خلاهه ع حلكي وفقدت
.
ومن صحيت لكيتني بالشورت والفانيله وع كرسي مجتف ايدي ورجلي وحلكي ومن صحيت كدامي يضحك الخسيس جواد
بمكان مستودع حتى الكاع وصخه فتح حلكي وبلعني حبايه حاولت اتفلها مكدرت سدو حلكي ماعت بحلكي وابلعت بريكي
ضليت اغلط وارزل وراهه محسيت بروحي طايف بغير عالم بس الدنيا تفتر ماافهم شيحجون ولااافهم شنو احجي حلكي ثكل وجسمي رخى
صحيت ع روحي محد يمي ومخلي دجاجه شوي وتمن ومي كدامي واني مجتف واباوعلها وريكي ناشف جوعان ع لعبانه روحي ع عطشان حلكي يابس صار.
.

ضليت اصيح علي ابن الكلب ابن القندره والله لندمك
.
اجه واحد من ربعه وهم ذب اثنين بحلكي وسدو اثنين ويا وهم ينزلون براسي وجان يظلون يحاولون وانبلعن
هم نفس الشي لما راح مفعولها بس هالمره ارتاحيت ومن صحيت جنت اريدهه
.
وشعور غريب اريد وماريد واخر شي ضليت اللوب بس مااطلبها وجسمي يريد بس اني رافض اخذهه هم وحرب بين اريد وماريد المهم
اجه الكلب وصار بينه صياح وغلط وخلو الوصله وماصحيت اله راسي يريد ينفجر وجسمي ماذيني
لكيت نفسي بسلاسل ايدي ورجلي عالحايط وبلشو ضرب
.
اني لو ممجتف وجسمي موخدران وثكيل وبارادتي حان موتتهم بس كلشي خارج عن ارادتي
.
ضربو بكل عنف وقوه واني اغيب وارجع وفشار ومسبه وغلط واني بس اتفل دم واشوف نفسي مدماي
.
كملو وانطوني حبايه وراحو اني بغير عالم بس هوسه يمي لحد ماابويه والشرطه وزلمنه فكوني وخلصو عليهم كتل وراهه اخذتهم الشرطه
.
ورجعت وياهم بالسياره منهك ومابيه قوه للحجي بدلو هدومي قبل لنرجع وانطيت اقوالي للشرطه بحضور اهلي بالمركز وعرفو كلشي وميت جريمه صارن براسه عباله يلعب ويه بزر اله اخيسه بالسجون
وراهه للمستشفى سوينه تقارير للمركز كملوهه الولد وودوهه وعالجوني
.
رجعت للبيت كلهه تسلم وتبوس واني اريد الحبايه وجسمي مرتخي مكدرت انطق حرف بس ابتسم وجسمي كلهه كدمات وضربوني ع كلياتي وابطني ووجع موطبيعي بس مابيهن شي الف الحمدلله والشكر
.
كلهه جتني وسلمت ويبوسون ويبجون
.
عالدرج حتى نصعد ولمحت امنيه من كمنه صعدت ركض قبلنه وفاتت غرفتهه ولاكانو ولايمهه الموضوع اني كبرت راسهه وصدكت روحهه
.
فتت وبدلولي وغسلولي الولد بمي بارد لان الدكتور كال علمود الادمان الصار بعده باوله وسهل اترك بس يراد اراده وايمان واني اثنينهن عندي ووكلوني وكتلهم ححاول انام ضلو يمي لان اخاف اتصرف تصرف موبوعي كرار واحمد وابن عمي سيف قريب عليه حيل
.
نمت واكعد وارجع انام صار الليل كتلهم روحي واريد يمي ام حسين تفرش وتنام يمي بالكاع خفت ع امي تشوفني هيج وام حسين هم بمقام امنه.

.
انفتح الباب بهدووووء وفاتت
خطيه ام حسين ع كيفهه علمود مااحس بيهه وتكعدني