. اليوم الحول او السنه ع وفاة اهلها . وامنيه ولايوم عدا نستهم بي اومابجت وقرتلهم قران وللان لابسه الاسود ونيلي . هاليوم جان صعب كل العائله تحضر يسوون عزيمه جبيره وذبحو يوزعون ع روحهم . وقرينه قران سوينه اكثر من ختمه اني كتلهم اذا تحبوني خلوني وحدي بس محد خلاني وحاولو ميخلوني افوت بجو الكئابه وحسسوني اليوم عادي نزعوني الاسود العصر والدنيا كلهه التمت عالغدا وخكار وهوسه وراهه ظل للعصر بس القريبين والمغرب فرغت مرت ايام عادي و . دنتعشه. . ابوامير. يابه اني عندي اخبار حلوه . الجد. اي فرحنه كول . ابوامير. احمد يريد يعرس . اييي وكلهه تبارك وتهلهل وتبوس بي واني كاعده ومبتسمه يباوعولي كتلهم اي مبروك تستاهل حماده بس نريد جنه حلوه . ابوامير. والله عاد تظلين انتي احلى واقرب جنايني الي واغلاهن . امنيه. خجلت حيل ودنكت وابتسمت لاارادي من الفشله وشقه وضحك وراهه راحن النسوان الكبار ورا يومين وافقو وراهه حددو المشيه وبيوم المشيه راحو الكبار واتفقو ع كلشي وحددو ورا شهر الزواج لان غربه ميصير تطول الخطوبه . وكضيناهه دوام وتجهيزات وخبصه واني رحت ويه العروسه لمن حجزنه البدلات والصالون كالو بنيه وياهه ايلاف متكدر عيالها عدهم خطار طهرو ابن حماهه بهاليوم وعزيمه مكدرت تروح حجزنه ورحنه للصالون هم نحجز وهم تصبغ شعرهه اني وعمه ام امير وهي وامهه واختهه . اني قررت هم اصبغه هو شعري عسلي ف قررت اسوي هايلايت كم خصله فاتحه ومن كدام كذلتي بطول شعري هي لحد ركبه رجلي الصابونه هههههه . من فليته تخبلو الكل وخاله ام امير تصلي عالنبي وتباوع عالنسوان عيني صلو عالنبي والله ابعين حق ولتاخذن ع نفسجن مرات الواحد بدون ليحس هههههه ضحكتني ردة فعلهه . ومستغربه لان مشوفتهميا قبل . ووصيتها متحجي لاحد حبيت اصدمهم مثلهه عجبتني ردة فعلهه حتى كتلهه لتكول صبغت
. اختاريت فستان سمائي هو عالجسم واني جسمي مرتب مليان ترسته وطلع تحفه مثل ساعه الرمل ع كولتهم ههههه هو مثل هذا الي حنزل صورته بس سمائي هم وصبته من النت وشعري سويته مثل هيج وطويل وبي خصلتين ثخان كدام ومطشر ورا
Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
