ထိုအကြောင်းကိုတွေးရင်း သူမ အရမ်းဒေါသထွက်သွားသည်။ သူမ ချစ်မြတ်နိုးသည့် မိန်းကလေးနှစ်ဦးသည် အခြားသူများ၏ အကျိုးအကြောင်း မသိရှိပဲ ဝေဖန်အပြစ်တင်တာတွေကို ခံစားခဲ့ရသည်။ သူမသည် သူမ၏ ရှေ့နေ့မှတစ်ဆင့် အဆိုးရွားဆုံး ဝေဖန်အပြစ်ဆိုသူများထံ စာပို့ခဲ့ပြီး တရားစွဲဆိုရန် စီစဥ်ခဲ့သည်။ အင်တာနက်ပေါ်တွင် ရေးသားတာ ဖြစ်သောကြောင့် ဒီလူတေက သူတို့စိတ်ကြိုက် ပြုလုပ်နိုင်တယ်ဆိုတဲ့ အတွေးမျိုးတွေ ရှိနေတာမျိုးကို သူမ လက်မခံနိုင်ဘူး။
"ကျေးဇူးပြုပြီး ကျုံးရီကိုပါ သွားခေါ်လာခဲ့ပေးဦး။ ဒီကိစ္စနဲ့ ပတ်သက်ပြီး သူမအမြင်ကိုလည်း အမေ သိချင်သေးတယ်။"
လီရှင်းယွင်သည် ခေါင်းညိတ်လိုက်ပြီး ကျုံးရီကို အမြန်သွားခေါ်လိုက်သည်။ ကျုံးရီသည်လည်း သိပ်ပျော်ရွှင်နေပုံမပေါ်ဘူး။ သူမလည်း ဒီအကြောင်းအား သိရှိထားပုံပေါ်သည်။ ဒါက ပုံမှန်ပါပဲ၊ သူမရဲ့ အထောက်အထားကို မှတ်ချက်တွင် တိုက်ရိုက် ဖော်ပြခဲ့သည်။ သူမရဲ့ ဝေ့ပေါ်အကောင့်ကိုပင် ရှာတွေ့ခဲ့ကြပြီး သူမအကောင့်အောက်ရှိ မှတ်ချက်များကိုပင် လုံးဝမဖတ်ရှုနိုင်ခဲ့ပါ။
"ငါ တောင်းပန်ပါတယ်။ ငါက ဒီကိစ္စထဲ နင့်ကို ဆွဲသွင်းမိတဲ့လူပါပဲ။" ကျုံးရီရဲ့အသံဟာ အနည်းငယ် အက်ကွဲနေခဲ့သည်။
လီရှင်းယွင်က သူမနှာခေါင်းကို ပွတ်သပ်ကာ ပြောလိုက်သည်။ "အဲ့လို မပြောပါနဲ့။ ငါကသာ နင့်ကို ဒီကိစ္စထဲ ဆွဲသွင်းမိတာ ဖြစ်နိုင်တယ်။"
သူတို့နှစ်ဦးသည် စာကြည့်ခန်းထဲသို့ ဝင်လာခဲ့သည်။ ဖန့်ကျွင်းရုံက ကျုံးရီကို မော့ကြည့်ကာ မေးမြန်းလိုက်သည်။ "ကျုံးရီ မင်း ဘယ်လိုထင်လဲ။ မင်းအတိတ်ကအကြောင်းကို ငြင်းပယ်ချင်ရင် ငါ ကြိုးကြာဖြူရဲ့သူဌေး နဥ်ချင်းနဲ့ သွားဆွေးနွေးလို့ရတယ်။"
ဖန့်ကျွင်းရုံသည် နဥ်ချင်းနှင့် ဆက်ဆံရေးကောင်းကို ပိုင်ဆိုင်ထားပြီး သူတို့နှစ်ဦးဟာ စီးပွားရေးလုပ်ငန်းအချို့တွင် ပူးပေါင်းဆောင်ရွက်မှုတွေ ရှိသည်။ နဥ်ချင်းက သူမကို ဒီလိုမျိုး သေးငယ်တဲ့ မျက်နှာသာပေးမှုမျိုးကို စကားထဲပင် ထည့်ပြောစရာ မလိုအပ်ပေ။
Ch-209
Start from the beginning
