حب يعذب و يلذذ

البارت الثامن

حب يعذب🔥و يلذذ 🥰 البارت الثامن
______________________________

داخل احد القاعات في كلية اداب علم نفس صدمت به يجلس جوارها

جحظت عيون نغم اثر صدمتها و اردفت بصوت غاضب : انت بتعمل اي هنا ؟ قوم من جنبي يا حازم

حازم بهمس و هو يلاحظ الدكتور رأفت الهلالي يدلف الي القاعه
(نفس الدكتور الي شيل حازم مادته بسبب مشكلته مع نغم)

حازم : هتيجي الرحله ولا لأ

استدار الدكتور رأفت ليدور نظره حول القاعه

ابتلع حازم لعابه بخوف فهو يهاب هذا الدكتور

نظرت نغم لملامح حازم المرتبكه بسبب نظرات الدكتور و هي تتذكر اول مقابله بينهم

--------------
فلاش باك لأول سنه لهم داخل الجامعه و في احد اسابيع الترم الثاني
--------------
دخلت نغم بضيق فوعد مريضه و لم تأتي معاها اليوم لتلاحظ بعض الشباب الواقفين لكنها لا تهتم ؛إلا عندما سمعت هذا الغزل

قال الحجاب بيخفي الجمال ؛ لو كل الجمال ده و محجبه اومال لو بشعرك هيحصل فيا اي

اغمضت عيونها بقوه و التفت : انت قاصدك مين يالا

ارتبك حازم قليلاً بينما شعر رامز بالخوف من لهجتها الحاده ليمسك يد حازم ليرجعه عن ما يفعل او يحاول فعله

لكنه لم يتوقف فقد اعجب بها من بداية سنتهم لكن لم يعرف طريقه لمحادثتها حتي : انا بس بقول انك جميله اوي و ...

لم تترك له المجال للتمادي فصفعته وسط القاعه بأكملها 
و في ذات اللحظه كان قد دلف الي القاعه الدكتور رأفت ليصيح بحد : الكل يتفضل مكانه مش عاوز حد واقف
اكمل طريقه ليقف امام اللوح الابيض ليبدأ بالحديث : الكلام للشباب ؛ و البنات الجامعه مش مكان للشقط و قلة الادب انتوا لسه عيال و مراهقين و هتقابلوا كتير في حياتكم متتسرعوش و ركزوا في الدراسه علشان انا مش هسمح بالتسيب ده ؛ في محاضرتي مش عاوز بنات جنب شباب انا بكره الاختلاط يلا كل جنس ياخد جهه

بدأ الهرج البسيط بين المدرجات لتهدء الاجواء فأكمل الدكتور : حلو اوي انا هدرسلكم الماده الجديده ؛ اسمي دكتور رأفت الهلالي ؛ خلينا نتفق كده ؛ هزار و قلة عقل في المحاضره اعتبر نفسك شايل الماده ؛ كلام جانبي اعتبر نفسك شايف الماده ؛ خناق و رزاله سواء من الشباب للبنات او العكس في محاضرتي اعتبر نفسك شايل الماده ... الأستاذ الي اضرب بالقبم من شويه يقف

نظر الجميع حوله اما حازم خجل ان يقف ليسمع الدكتور يردف ببرود : عموماً اعتبر نفسك شايل الماده ؛ البنت الي ضربته لو شايفه انك مأخدتيش حقك اسألي علي مكتبي و حاتيلي اسمه بس انما لو ...

و نظر لحازم نظره ثاقبه فهو قد رأي وجهه و حفظه أيضاً بالأضافه الي هيئة حازم المرتبكه  : انما لو عاوزه تسامحيه فأنتي اخدتي حقك تالت و متلت يا انسه