● انا والمسيحي ~
بقلمي : سجى الزيدي 🌺
حساب الانستا: Saj_a7677
لاتنسون التصويت + التعليق بين الفقرات 💜
● —————— ( 🖤 ) ——–——— ●
-دانيال: يعني انتي نسيتي شكد اني احبج واموت عليج نسيتي شلون اوكلج وامشطلج وابد ما مذمر نسيتي اني ما ارفضلج طلب نسيتي بليل شلون احضنج وانومج يلة انام واخاف عليج حتة من الهوة نسيتي كل هذا وشردتي مني بس لان عصبت شوية صرتي تخافين تباوعين بوجهي حتة وانتي اصلا مو بوعيج لعد من تتعالجين ويرجعلج وعيج شسوين يمكن تصيرين تتخبلين مني وتكرهيني ليش سجى ليش هيج تكسرين گلبي واني الميت بيج
-سجى: مو قصدي
-دانيال:( نقهرت حيل واني احجي وياها لان صدك غثتني وخلت ريان الزعطوط يرزلني ويكلي انتة مريض واني موصيها كلشي بينا بس خلتهم يتفرجون علية واني الي صغرت كدامهم وطلعت حقير حرفيآ كسرت گلبي......)
-:واني كايلج اكثر من مرة انتي روح گلبي الاحبها بس الظاهر بس اني احبج انتي اصلا متحبيني ولايهمج بشنو احس
(هنا ردت بس ابقة وحدي ماردت احجي بعد شي واضوج نفسي لو اضوجها )
-: روحي نامي بالغرفة وحدج اليوم اني رايح انام بالصالة لان ماعندي قابلية بعد احجي وياج
( عفتها وطلعت بالصالة مقابيل غرفتي حيل ضجت من الخايس همام ومن كلام ريان ومن السوتة سجى يعني ليش خافت مني صح اذيتها قبل بس صالي سنتين ونص إداري بيها معايفها لان احبها حيل ليش هيج كسرت گلبي واني ما اكل الة اوكلها وما انام الة أنومها وكل هاي يجي ريان يكلي مريض نفسي
اتمددت عل قنفة واباوع للسكف عيوني دمعن ما اعرف ليش حياتي هيج اتعب بقيت صافن لحد ما اجتي سجى تكلي :-
-: دانيال ما اعيدها بعد والله
-: روحي نامي بالغرفة وعوفيني وحدي
-: والله اصير حبابة والله ما اعيدها بعد
-دانيال: روحي نامي
-سجى: خلي أنام بحضنك حباب
-دانيال: تعاي
( خليتها بحضني لان ما اريد اكسر بخاطرها بس بعدني مقهور منها وهي رجعت تباوعلي وحسيتها ضاجت من كلامي ..)
-سجى: دانيال ليش عيونك مدمعة
-دانيال: من وراج
YOU ARE READING
أنا والمسيحي
Romanceشخصية مظلمة وقلوبآ منكسرة حياة لايعلم احدآ عنها شيئآ وماضي مملوء بالسواد طفلآ ينتحب وأم لاتعلم ماتفعل جروحآ عميقة وابتسامة رقيقة عيونآ ذابلة والدموع سائلة من هنا تبدآ الحكاية .......
