أنا والمسيحي

بارت 23

● انا والمسيحي ~

بقلمي : سجى الزيدي 🌺

حساب الانستا: Saj_a7677

لاتنسون التصويت + التعليق بين الفقرات 💜

● —————— ( 🖤 ) ——–——— ●

-دانيال:( رحت فتحتلة الباب وهوة باوعلي بنضرات مليان حزينة درت وجهي عنة فهوة دخل كعد عل القنفة وكعدت قريب عنة الصراحة حالة قهرني لان ابد مشايفة هيج تعبان )

-شاهين: اني غلطت بحقك دانيال

-دانيال: خوش

-شاهين: حقك متباوع بوجهي حقك تضوج مني لو تكرهني بس اريد تسمعني للنهاية

-دانيال: اسمعك

-شاهين: وقتها جذبوا علية اني چنت مسافر من رجعت كلولي انتحرت قشمروا علية اني صدكتهم لان اهلي واثق بيهم متوقعت يجذبون علية كلولي هي چانت تغري تروحلة لغرفتة وهوة چان سكران واغتصبها بس هي الراحتلة بنفسها وقتها اني ضجت حيل من امك لان چنت حيل احبها فنقهرت لان ماقصرت وياها بشي شلون هيج تسوي وتخوني وية اخوية چان كل ضني كلام اهلي الصدك اما اخوية رفعت عليه دعوة وقتها دخلتة السجن بس امي بقت تبجي وتتوسل بية وتكول صوجها هي اغرتة فضجت وطلعتة ومنا مرتي الثانية اطلكت وعافت اخوتك هم فأجمعن علية وكرهت امك لان أبالي خانتني وماحبتني
اني هملتك صح وابتعدت عنك صح ظلمتك من خليتك يمهم، يم وحوش مو بشر ظلمتك حيل ابني ادري شنو أحجي ميفيد بس اني عفتكم انتة واخوتك وركزت عل الشغل والفلوس ردت اسوي المستحيل حتة اعيشكم بأحسن بيئة متحتاجون احد بيها مشوفني خلصتها سفر وشغل ومعاملات ومن صار عندي سويت الفيلا الكم كل واحد طابق واني جوة لان اعزكم ميهون علية افارككم

-دانيال: اي

-شاهين: ترة انتة عزيز گلبي وداعة امك بس اني چنت اشوفك متهتم للغلط ميأثر بيك شي تنرفزني من احاجيك فأدوس وياك بالغلط،  اصلا ولا أبالي ولا ادري هيج ضام ألم بگلبك اني كل ضني وجودي او عدمه بحياتك ميفرق لان اشوفك مامهتم لشيء غلطت وياك يروحي سامحني اني قصرت وياك بس احبك قسمآ انتة عزيز علية دموعك كسرني ارجعلي بابا ارجعلي خلي احضنك واعوضك

-دانيال:( بابا يحجي ودموعة بعينة بحيث  اجة بصفي كعد لزم ادية يتوسل بية ارجع شكد چنت منتضر هاي اللحظة الي اشوف بيها حبة الي من ورة كلامة عيوني دمعن )

-شاهين: يلة وليدي جيب مرتك وتعال رجعوا وياي بس كوم اخليكم بعيوني افرغلكم البيت حباب كوم وياي نرجع ترة اليوم ما ارجع الة انتة وياي گلبي مقبوض عليك خليني اعوضك خليني احضنك دانيال