أنا والمسيحي

بارت30

● انا والمسيحي ~

بقلمي : سجى الزيدي 🌺

حساب الانستا: Saj_a7677

لاتنسون التصويت + التعليق بين الفقرات 💜

● —————— ( 🖤 ) ——–——— ●

- ساهدة:( ريتاج بدت حالتها تسوء وصار وضعها يقهر حيل اخذناها للمستشفى كالوا ماكو امل من مرضها هي نهايتها معروفة فرجعناها للبيت نداريها خطية تون من الالم والتعب ماخذ حيلها وحمودي اتعلق بيها فيروح يمها يلزم ايدها وهي عل الجرباية قهرتني حيل شلون تباوعلي ودموعها ينزلن وتحجي بتعب  )

-ريتاج: ابريني الذمة ساهدة

-ساهدة: لج عمري فدوة كافي والله مبرية وما عندي شي وياج حبابة لاتفكرين زايد

-ريتاج: ساهدة يومي قرب من اموت حبابة ادعيلي بصلاتج الله يرحمني ماعندي احد يذكرني

-ساهدة: الله يلطف بيج يعمري والله ما اعرف شكلج بس يارب وتتحسنين

-ريتاج: لا اني ما اتحسن راح اموت اعرف هالشي وفرحانة لان راح ارتاح واروح يم بابا واحمد البارحة اجوني بالحلم منتضريني

-ساهدة:( قهرتني حيل شلون تحجي بتعب ودموعها تنزل وتجر النفس كوة، اجني نور وهالة يمنة هم ودموعهن بعينهن )

-نور: الله يعينج ريتاج والله مقهورين عليج حيل

-هالة: ليش منسفرج للخارج نعالجج

-ريتاج: لا ماكو الة علاج هالمرض بس اتعب نفسي بالزايد بل الأدوية أجلي قرب بس اني عشت وياكم ايام حلوة ودافية اني حبيتجن كأخواتي واتمنيت لو اني مولودة بهالبيت لو اني عندي ٥ اخوان جان محد أذاني جان رتاحيت بحياتي واني عندي سند اني مجان قصدي أذي احد بس اني أذيتج حيل ساهدة انتي ورزاق اسفة الكم اثنينكم واني احبكم حيل اثنينكم ، حبابين ادعولي من اموت ماعندي اهل لو احد يدعيلي

-نور:( تبجي وتحجي نزلت دموعنة علة كلامها وحرنا شنحجي شنكول الها واحنة نعرف المرض ديموتها وماكو امل تتحسن مثل مكالت أجلها قرب...)

-ساهدة: يعمري احنة اهلج لاتبجين احنا كلنا هنا نحبج وحمودي هم يحبج حيل منعوفج احنة

-ريتاج: اي حمودي اني هم احبة حيل

-هالة:( ابد مامقهورة بحياتي علة شخص مثل هسة وضع ريتاج حيل يقهر ودموعي نزلن عليها منعرف شنسوي ولابيدنا شي عليها لان المرض ديموتها شوية شوية ووووف قهر والله ، بقينة يمها لحد ما دخل رزاق وطلعنا كلنا..)

-رزاق: متأذية حيل مو

-ريتاج: اتحمل مابقة شي وارتاح

-رزاق: عذريني ريتاج مابيدي شي عليج