أنا والمسيحي

بارت11

● انا والمسيحي ~

بقلمي : سجى الزيدي 🌺

حساب الانستا: Saj_a7677

لاتنسون التصويت + التعليق بين الفقرات 💜

● —————— ( 🖤 ) ——–——— ●

:- مثل كل يوم اكعد من الصبح انضف وراها اخبز ونوب اروح اطبخ هاي حياتي من اني عمري 11 سنة چنت كلشي اسوي بس الخبز لا من عمر ١٦ سنة صرت اخبز للبيت وهسة عمري 22 سنة صار، طبعآ بطلوني من الدراسة من صرت ثالث متوسط فبقت غصة بگلبي المدرسة بس شسوي بعد هذا المقسوم الي

طلعآ بابا مزوج اثنين امي الي ولدتني وماتت وبقت مرتة الي ربتني بالقسوة وخلتني اخدمها هي ولدها بس عندي اخواتي منها اثنين حيل احبهن ويحبني من هي ماكو يساعدني بس من تجي وتلكاهن يساعدني ترزلهن فيضوجن علمودي وحدة مزوجة والثانية طالبة كلية حتة ملابس من يشترن يشترلي بس ميخلن امهن تشوف لان متقبل

المهم كبرت واني اخدمهم من الصغر وبابا ابد مالة دخل بية ولا حسيت يحبني ولا سئل عني بيوم اهم شي هي راضية عنة بس الحمدالله علة كلة حال

اني من الصغر متعودة اصلي واصوم كلش احب هالشي فد ارتاح من اكعد عل السجادة واسولف شنو صار بيومي وشسويت احس الله يحبني ويسمعلي فدوم ادعي وانخي بحق الإمام علي الي مزايرتة بحياتي بس بالتلفزيون اشوفة وانخي انو يوكفلي بحياتي ويختارلي مكان يريحني

حياتي مشت مثل كل يوم لحد ما اجة ابوية للبيت وصاحني للصالة هوة ومرتة كاعدين وهنا صدموني من كلي  :-

-: نور راح ترحين فصلية ......

• •• • •• • •• • •• • •• • •• • ••

سجى: ( كعدت من النوم كنت متغطاية اذكر البارحة كان يمشطلي وراها بجيت مدري غفيت مدري فقدت الوعي ما اذكر شلون نمت بس هسة من كعدت لكيتة حاطلي صنية اكل يمي اني جوعانة حيل بس نفسي مسدودة من الاكل ومابية الزم بيدي شي يوكع من الرجفة البيهن عفتة ورجعت نمت ما اريد حتة افتح عيوني .......)

●○•°●○•°●○•°●○•°●○•°☆

بيلا:( رجعت للبيت من خلصت الدوام رحت كعدت يم عمو شاهين وسيلين واشوف إيفا شلون كاعدة بحضن ابوها وتبوس بي هيج تكزكز الواحد عليها وشلون تحجي فدوة هي عمرها ٣ سنوات صار وحجيها كلة بل اث )

ايفا: بابا منو تحب أكثر ثي(شي) اني لو ماما

شاهين: انتي طبعآ

سيلين: بسيطة اني الكم الة ما انام يمكم

ايفا: ثبيج (شبيج) ماما ليث تغارين